Çfarë ndodhi me tenderin për teste e dallaveret me aparatura për COVID-19 në Dragash?
Autori: H. Smajli 15:13 | 30 November 2020
Ani pse pas raportimit të Gazetës inFokus se Prokuroria Themelore në Prizren tashmë ka nisur hetimet për tenderin për furnizim me teste serologjike në Komunën e Dragashit, për shkak të dyshimeve dhe akuzave për dallavere si duket procesi i tenderimit ka vazhduar të rrjedhë normalisht.
Të paktën kështu ka konfirmuar për Gazetën Infokus, Kryetari i Komunës në Dragash, Shaban Shabani.
Ai ka thënë se procedura është zhvilluar dhe është zgjedhur edhe operatori ekonomik.
“Ditën e premte është nënshkruar kontrata për furnizim me teste, mora informatë se ka qenë vetëm një operator ekonomik, në bazë të shënimeve që më dhanë, shuma e kontratës është 117 mijë e 420 euro, ndërsa kompania është “Biotek Kosovo” L.L.C Prishtine. Ka qenë i vetmi operator ekonomik që ka konkurruar”, ka thënë Shabani për Gazetën inFokus.
LEXO EDHE: Skandaloze: Dallaveret me teste e me aparate për COVID-19 në komunën e Dragashit
Ai po ashtu ka theksuar se nëse ka parregullsi do të merren masa për përgjegjësit, dhe ka deklaruar se Drejtoria e Shëndetësisë është në komunikim me QKMF-së se ku do të bëhen këto teste.
“Testet do të bëhen në QKMF në Dragash sipas informacionit që kam nga Drejtori i Shëndetësisë, e ka një plan me QKMF-në se ku do të kryhen këto teste atëherë sigurisht një plan do ta bëjë Drejtoria e Shëndetësisë se ku do ti kryej ato teste”, ka thënë ai.
Mirëpo pavarësisht se kryetari ka thënë se Drejtoria e Shëndetësisë është në komunikim me QKMF-në ku edhe sipas tij do të bëhen testet këta të fundit përsëri e mohojnë se ato teste mund të bëhen në këtë institucion shëndetësor, shkruan Gazeta inFokus.
Drejtori i Qendrës Kryesore të Mjekësisë Familjare, ne Dragash, Ramadan Jashari për Gazetën inFokus ka mohuar atë që tha kryetari i Komunës së Dragashit dhe thotë se nuk ka pasur asnjë komunikim me Drejtorinë e Shëndetësisë në këtë Komunë dhe thekson se janë ende në pritje së çfarë do të ndodhë dhe ku do të bëhen këto teste.
“Ende nuk ka pasur asnjë komunikim me ne dhe Drejtorinë e Shëndetësisë për këtë çështje, ne ende po presim, ndoshta atë aparaturën që e ka dërguar në QMF në Bodosanë e sjell këtu tek ne në QKMF, pra aparaturën VIDAS mirëpo për momentin nuk kemi pas asnjë njoftim as komunikim nga Drejtori i Shëndetësisë dhe vazhdojmë të kemi aparaturën tjetër dhe jo atë VIDAS. Ne jemi në pritje dhe jemi të gatshëm që të vazhdojmë testimin në momentin që pranojmë testet apo aparaturën e duhur për ato teste”, ka pohuar Jashari.
LEXO EDHE: A do të anulohet tenderi plot dallavere në Komunën e Dragashit?
Detaje të tjera nga raportimet e mëhershme
Gazeta inFokus në raportimet e mëhershme në lidhje me këtë rast ka raportuar se Drejtori i Shëndetësisë, Behar Brenolli akuzohej se ka dërguar në mënyrë klandestine dhe pa njoftuar askënd një aparaturë të llojit VIDAS në Qendrën e Mjekësisë Familjare në fshatin Bodosanë të Dragashit, aparaturë të cilës i përshtaten testet e porositura nga Drejtoria e Shëndetësisë.
Ndërsa për Gazetën inFokus, Brenolli kishte deklaruar se ato teste do të bëheshin në Qendrën Kryesore të Mjekësisë Familjare në Dragash.
E ky problem nuk është zgjidhur ende, shkruan Gazeta inFokus.
Madje Brenollin e akuzoi edhe Shefi i Laboratorit të QKMF-së, Agim Dauti i cili në atë kohë tha se testet që janë porositur nga Drejtoria e Shëndetësisë përveç që nuk mund të bëhen tek ta janë edhe më të shtrenjta dhe do ti kushtojnë buxhetit të Komunës, plot 125 mijë euro.
“Drejtori i Shëndetësisë, na ka anashkaluar, neve si QKMF, ne nuk e kemi ditë që ka aparat tjetër as unë dhe as drejtori i QKMF-së, ka shkuar te tjerët domethënë në QMF-në e fshatit Bodosan pa e ditë ne. Ne e kemi aparatin tjetër që është donacion, donacionin e ka anashkaluar drejtori i shëndetësisë në Dragash, e ka pru një aparat pa dijen tonë, dhe e ka dërguar fshehtas në Qendrën e Mjekësisë Familjare në Brodesan. Ai aparat është i vjetër është Vidas, testi në të kushton 12 euro e buxheti i komunës diku dëmtohet për 125 mijë euro, a testet e këtij aparatit që e kemi ne i cili është “Magnum 1” që e posedojmë na testi kushton diku 5 euro ose pak më shumë se 5 euro. Na këtu nuk i pranojmë ato teste, se nuk kemi aparaturë për ato teste, që Drejtoria e Shëndetësisë ka shpall tender, tek ne nuk vinë ato sepse s’kemi aparat nuk posedojmë aparaturë për ato teste”, kishte deklaruar Dauti për Gazetën inFokus.
E pas këtyre akuzave, Gazeta inFokus kishte kontaktuar përsëri me Drejtorin e Shëndetësisë në Dragash, Behar Brenollin por që i njëjti kësaj here nuk ka pranuar të flasë me arsyetimin që nuk e kupton mirë gjuhën shqipe.
Ndërsa kujtojmë që Prokuroria Themelore në Prizren tashmë ka nisur hetimet në lidhje me këtë tender dhe policia ka filluar mbledhjen e të dhënave në vendin e ngjarjes./Gazeta inFokus/
LEXO EDHE: Pas raportimit të Gazetës Infokus, Prokuroria në Prizren fillon hetimet për tenderin në Dragash
Të tjera
-
Dhëndrri dyshohet se tentoi të vr*së ish vjehrrin, policia jep detaje për rastin në Dragash
Policia e Kosovës ka njoftuar se një burrë dyshohet se ka tentuar të vrasë nj...
-
“Nuk do ta shesim TikTok-un”, reagon pronari kinez në SHBA pas miratimit të ligjit që ndalon rrjetin social
Kompania mëmë kineze e TikTok, ByteDance, thotë se nuk ka ndërmend ta shesë b...
-
Blinken: Rusia pa ndihmën e Kinës nuk do arrinte të vazhdonte pushtimin e saj në Ukrainë
Rusia do të kishte vështirësi për të vazhduar pushtimin e saj në Ukrainë pa n...
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...