Fokus

Njësia Speciale nën kundërshtimin e fuqishëm të studentëve largon Xhevat Krasniqin nga administrata e UP-së

Autori: Gazeta inFokus 14:51 | 22 April 2024

Njësia Speciale e Policisë së Kosovës nën kundërshtimin e fuqishëm nga studentët kanë larguar nga administrata e UP-së, profesorin, Xhevat Krasniqi i cili tash më shumë se një orë po mmbahej i mbyllur aty së bashku me Këshillin e Etikës.

Kjo ndodhi pas mbajtjes se seancës disiplinore nga këshilli i Etikës për Xhevat Krasniqin i cili mohoi akuzat që i janë bërë nga 25 studente për ngacmim seksual, shkruan Gazeta Infokus.

Studentet u’a mbyllën dyert me karrige derisa janë përballur me profesorin Krasniqi.

-Advertisement-

Ekipi i Gazetës Infokus është duke qëndruar në vendin e ngjarjes dhe në pamjet që kanë dërguar shihet se Këshilli i Etikës kishte qeshur me veprimet e studenteve derisa profesori Xhevat Krasniqi ka lajmëruar policinë të cilët tashmë kanë arritur dhe janë në gjendje gatishmërie të futen në salla.

Kujtojmë se kjo është protesta e tretë që Lëvizja Feministe e studentëve ka bërë ndaj profesorit i cili u denoncua publikisht nga 25 studente e edhe stafi i universitetit për ngacmim seksual.

Në protestën e parë ishte arrestuar Rron Gjimovci i cili kishte kërkuar llogari nga profesori në fjalë dhe i kishte bllokuar daljen./Gazeta Infokus/

PAMJE: Xhevat Krasniqi e Këshilli i Etikës ende të mbyllyr në UP, studentët u’a mbyllin dyert me karrige

“T’i mu më ke thanë kom me të bo masazh” studentja shpërthen në lot kur përballet me profesorin Xhevat Krasniqin në protestë

Subscribe në YouTube: GAZETA INFOKUSI
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…

Të tjera