Fokus

Konfirmohet raportimi i Infokusit – Bordi i KEK-ut shkarkon përfundimisht Nagip Krasniqin nga pozita e kryeshefit

Autori: Gazeta inFokus 14:05 | 24 April 2024

Bordi i Drejtorëve të Korporatës Energjetike të Kosovës (KEK), ka konfirmuar raportimin e Gazetës Infokus, se Nagip Krasniqi është shkarkuar përfundmimisht nga pozita e kryeshefit të kësaj korporate.

Kjo është bërë e ditur përmes një njoftimi për media një ditë pas raportimit të Infokusit.

Nagip Krasniqi shkarkohet përfundimisht nga posti i kryeshefit të KEK-ut

-Advertisement-

“Bordi i Drejtorëve (BD) të KEK sh.a. duke qenë i përkushtuar per qeverisjen e korporatës në përputhje me përgjegjësitë dhe kompetencat që rrjedhin nga Ligji për Ndërmarrjet Publike, si dhe parimet e njohura ndërkombëtare për qeverisjen korporative të ndërmarrjeve publike, në mbledhjen e mbajtur dje me datë: 23.04.2024 ka marrë dy vendime të rëndësishme të cilat kontribuojnë në menaxhimin korporatës. Bordi i Drejtorëve të KEK sh.a.  ka marrë vendim për të liruar nga detyra tashmë ish  Kryeshefin Ekzekutiv, z. Nagip Krasniqi”, thuhet në njoftim.

LEXO EDHE: Auditori konfirmon menaxhimin skandaloz të Nagip Krasniqit në KEK, dhjetëra shkelje e mos përfillje të procedurave ligjore

Aty thuhet se bordi ka marrë vendim për shkarkimin e Nagip Krasniqit dhe hapjen e konkursit të ri për pozitën tashmë të lirë të kryeshefit në KEK.

“Bordi i Drejtorëve të KEK sh.a. po ashtu ka vendosur që në ditët në vijim të inicohen e procedurat për shpalljen publike (konkursin) për pozitën e Kryeshefit Ekzekutiv të ri të Korporatës Energjetike të Kosovës”, kanë deklaruar nga KEK-u.

Kujtojmë se Gazeta Infokus ka raportuar ekskluzivisht për shumë skandale të tash ish kryeshefit të KEK-ut i cili edhe u arrestua e për të nisën hetimet.

Shkarkimi i tij vjen vetëm një vit pas këtyre ngjarjeve.  Ai ishte suspenduar nga ky post pas arrestimit me 19.04.2023 mirëpo edhe pse i suspenduar merrte 50% të pagës së tij.

LEXO EDHE: Zbulohen fakte të reja, kompania GEN e lidhur me Martin Berishajn për 7 muaj bëri pazare 11.8 milionë me Kosovën

Arrestimi i tij kishte ardhur pas bastisjes së zyrave të KEK-ut nën dyshimin për veprat penale: “Keqpërdorimi i pozitës apo autoritetit zyrtar’’, “Ushtrimi i ndikimit’’ dhe “Konflikti i interesit’’.

Krasniqi dyshohet për keqpërdorime në një tender prej 3.4 milionë euro me kompaninë “Litëin SA” dhe partnerin vendor “Bujar B. Shala B.I.”, për kryerjen e punëve për remontin e turbinës dhe gjeneratorit të Njësisë A5 të TC “Kosova A”.

Pas arrestimi të tij, Krasniqi kishte qëndruar nën masën e paraburgimit që nga 20.04.2023, por që ishte liruar pesë muaj më pas, me 15.09.2023.

Në kërkesën për caktimin e masës së paraburgimit të datës 20.04.2023, dyshohet se Nagip Krasniqi prej vitit 2022 ka keqpërdorur pozitën e tij zyrtare në cilësinë e kryeshefit ekzekutiv të KEK-ut.

Arrestimi i Krasniqit ishte bërë me urdhër të Prokurorisë Speciale të Republikës së Kosovës.

LEXO EDHE: Skandal: Kompania GEN e lidhur me ambasadorin Berisha mori 4.2 milion€ nga Kosova për dy muaj

Në njoftim thuhej se Njësia e Veçantë e Hetimeve ka bastisur zyrën e të pandehurit Nagip Krasniqi në Prishtinë, dy banesa në lokacione të ndara në Prishtinë, në pronësi dhe të shfrytëzuara nga i njëjti, me qëllim gjetjen e dëshmive të cilat kanë të bëjnë me veprat penale të lartcekura.

Ndërkaq më 22.02.2024, Qeveria e Kosovës në vend të Krasniqit ka emëruar Bekir Gërgurin si ushtrues detyre të kryeshefit në Korporatën Energjetike të Kosovës (KEK)./Gazeta Infokus/

 

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!

Të tjera