Sulmi seksual ndaj nxënëses në Malishevë, Gjykata dërgon në arrest shtëpiak punëtorin teknik të shkollës
Autori: Elvira Haxhiu 11:24 | 22 November 2022
Të premten (18.11.2022) u raportua se një vajzë e mitur, nxënëse në shkollën fillore “Kajtaz Ramadani” në Kijevë të Malishevës është sulmuar seksualisht nga një punonjës teknik i kësaj shkolle, shkruan Gazeta Infokus.
Po në këtë ditë policia njoftoi se i dyshuari është arrestuar nga policia.
Lidhur me rastin Infokus ka kontaktuar Prokurorinë Themelore në Gjakovë, ku zëdhënësja e këtij institucioni, Yllka Juniku-Shenu, ka thënë se Prokuroria ka paraqitur kërkesë për caktimin e masës së arrestit shtëpiak.
E kjo kërkesë është aprovuar nga Gjykata Themelore në Gjakovë.
“Më 18 nëntor 2022, me urdhër të prokurorit kujdestarë, është ndaluar një person I dyshuar për veprën penale “Sulmi seksual”, si dhe, brenda afatit ligjorë, ndaj të njëjtit, Prokuroria ka paraqitur kërkesë për caktimin e masës së arrestit shtëpiak, e cila edhe është aprovuar nga Gjykata Themelore në Gjakovë”, ka thënë Juniku-Shehu për Infokus.
Derisa ka bërë të ditur se rasti ka kaluar në departamentin për të mitur dhe se janë duke u ndërmarrë veprime hetimore për grumbullimin e provave materiale, në lidhje me rastin.
Ndërkaq, lidhur më rastin, Drejtoria e Arsimit në Malishevë kanë marrë vendim që të dyshuarit t’i ndalohet puna nga data 18 nëntor 2022.
“Punëtori Naser Hamëz Malisheva nga fshati Kijevë, KK- Malishevë i sistemuar në punë dhe detyra të punës punëtor teknik në SHFMU “Kajtaz Ramadani” në Kijevë i ndalohet puna nga data: 18.11.2022”, thuhet në vendimin e Drejtorisë së Arsimit dërguar Gazetës Infokus.
LEXO EDHE: https: Dyshohet se sulmoi seksualisht një të mitur në një shkollë të Malishevës, Drejtoria e Arsimit merr vendim për punëtorin teknik
Derisa në vendim thuhet se gjatë kohës së ndalimit nga punë të punësuarit i takon e drejta e pagës pa u dëmtuar në të ardhura personale nga data 18 e muajit nëntor.
Ndërkaq, drejtoresha e Arsimit në Komunën e Malishevës, Arbëreshë Krasniqi, në një prononcim për Gazetën Infokus të premten ka thënë se drejtori i shkollës në momentin që e ka kuptuar rastin e ka lajmëruar atë dhe policinë.
“Ne rastin e kem si të raportum si dyshim do me thënë nuk kem ende prej organeve prova që e konfirmojnë atë dyshimin në një vepër që në realitet ka ndodhë. Rasti është i lajmrum në polici do me thënë në momentin kur e ka kuptuar drejtori i shkollës më ka njoftu dhe e ka raportu në polici”, ka thënë Krasniqi.
E këtë rast e ka konfirmuar edhe Policia e Kosovës, ku zëdhënësi i policisë për rajonin e Gjakovës, Sheremet Elezaj, ka thënë se i dyshuari është arrestuar dhe me vendim të prokurorit është dërguar në mbajtje për 48 orë.
“Me datë 17.11.2022, Stacioni Policor në Malishevë është njoftuar se viktima, femër (e mitur), nxënëse e SHFMU “Kajtaz Ramadani” në Kijevë, ishte sulmuar seksualisht nga një punonjës teknik i kësaj shkolle. Njësitet relevante të policisë ju janë përgjigjur rastit dhe është arrestuar i dyshuari. Me vendim të Prokurorit të Shtetit i dyshuari është ndalur në mbajtje për 48 orë”, ka thënë Elezaj për Infokus.
Ndërkaq, rasti është iniciuar si “Sulm seksual”./Gazeta Infokus/
Të tjera
-
Çitaku: Kryetari i PDK ka folur me partitë për shpërndarjen e Kuvendit, por VV diçka tjetër thotë, diçka tjetër mendon
Sekretarja e Përgjithshme në PDK, Vlora Çitaku, ka thënë se kryetari i partis...
-
Sami Lushtaku: Gati çdo ditë, në 2 ose 3 të natës shkoj të varret e shokëve
Në 25 vjetorin e rënies së Ilaz Kodrës, bashkëluftëtari i tij Sami Lushtaku k...
-
Abdixhiku në Istog: LDK po merr mbështetje kundër pushtetit popullist, zymtësisë përçarëse e dezintegrimit euroatlantik
Kryetari i LDK’së, Lumir Abdixhiku, ka njoftuar se ka zhvilluar dy takime son...
-
Çitaku: Drafti i Asociacionit parasheh autonomi territoriale dhe politike për serbët
Sekretarja e përgjithshme e PDK-së, Vlora Çitaku, ka kritikuar kryeministrin ...
-
DASh: Jemi të zhgënjyer të shohim dy të sanksionuar të propozuar për pozita në Qeverinë e Serbisë
Në një përgjigje ekskluzive për Gazetën Express nga Departamenti Amerikan i S...
-
Lansimi i programit për energjinë, Hovenier: Jemi në një pikë lëvizëse për të arritur planin tonë
Sot është lansuar programi mes MCC-së dhe Qeverisë së Kosovës, ku i pranishëm...
-
Osmani: Kandidatura individuale pamundësoi garën time për balotazh
Kandidati për president të Maqedonisë së Veriut, Bujar Osmani, nga Fronti Evr...
-
Kryeministri i Malit të Zi: E duam Serbinë, por s’heqim dorë nga njohja e Kosovës
Kryeministri i Malit të Zi, Milojko Spajiq, ka thënë se vendi i tij nuk do të...
-
Ali Ahmeti i përgjigjet kandidates së VMRO për Presidente që kërkoi Tribunal për UÇK’në: Kam qenë luftëtar lirie
Për deklaratën e kandidates për presidente nga radhët e VMRO-DPMNE se do të k...
-
Elshani për vendosjen e kamerave në veri: Janë për sigurinë e qytetarëve
Zëvendësdrejtori i Policisë së Kosovës për rajonin e veriut të vendit, Veton ...
-
Biden dhe Trump fushatë në shtetin e Miçiganit
Kandidati për president i Shteteve të Bashkuara, Donald Trump pritet të b...
-
Kushtëzimi me Asociacionin, Kurti s’flet për qëndrimin e Gjermanisë rreth KiE-së
Kryeministri Albin Kurti nuk ka dashur të komentojë qëndrimin publik të Gjerm...