Fokus

U gjet e vdekur e me lëndime në trup – Prokuroria ende në pritje të raportit të obduksionit për vdekjen e dyshimtë të 30 vjeçares

Autori: Gazeta inFokus 14:45 | 10 January 2023

Kanë kaluar afro 6 ditë që kur një 30 vjeçare u gjet e vdekur në rrugën “Ferat Dragaj”, lagjia “Bregu i Diellit” në Prishtinë, në hollin e banesës së saj.

Ndërsa nga Prokuroria Themelore e Prishtinës kanë konfirmuar për Gazetën Infokus se ende nuk dihet se si erdhi deri tek vdekja e saj. Kjo pasi Instituti i Mjekësisë Ligjore ende nuk e ka dërguar raportin e obduksionit.

“Referuar pyetjeve tuaja, mund t’iu njoftojmë se Prokurori i Shtetit në koordinim me Policinë e Kosovës janë duke i ndërmarrë veprimet hetimore karshi këtij rasti, si dhe jemi në pritje të raportit të obduksionit, andaj në këtë fazë nuk mund të ndajmë me Ju informata të tjera”, ka thënë zëdhënësja e prokurorisë, Laureta Ulaj.

-Advertisement-

Vdekja u cilësua si “e dyshimtë” dhe nga policia u konfirmua se gruaja kishte lëndime në trup.

“Rreth orës 13:00, kemi pranuar informatën për një person të lënduar, të shtrirë në afërsi të një objekti në rrugën “Ferat Dragaj” në Prishtinë.

Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e personit (femër).

Aktualisht policia po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, konfirmoi për Infokus, zëdhënësja e Policisë së Kosovës, Flora Ahmeti, me 4 janar, kur edhe ndodhi rasti.

Mirëpo edhe pas kaq ditësh ende nuk dihet se çfarë ndodhi me rastin e 30 vjeçares që u gjet e vdekur e me lëndime në trup./Gazeta Infokus/

“Është gjetur në koridorin e banesës…”, Shefi i Urgjencës jep detaje për gruan që u gjet e vdekur në Prishtinë

Policia: Viktima grua kishte lëndime

Gjendet trupi i pajetë i një gruaje në Prishtinë, dyshohet se është vrarë

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera

Fokusi

fokus