Ish-zv. ministri për Integrime Evropiane tregon qëllimin e Vuçiqit: Targat nuk janë problem i Serbisë
Autori: Elvira Haxhiu 17:24 | 23 November 2022
Kanë mbetur edhe pak orë deri në përfundim të afatit 48 orësh që Ambasada e Shteteve të Bashkuara të Amerikës e kërkoi nga kryeministri, Albin Kurti, për shtyrjen e fazës së dytë të vendimit për targat ilegale serbe në Kosovë. Fazë kjo që parasheh shqiptimin e gjobave prej 150 euro për qytetarët që ende nuk i kanë riregjistruar veturat e tyre me targa RKS dhe qarkullojnë me ato ilegale.
Mirëpo, sipas ish-zëvendësministrit për Integrime Evropiane, Taulant Kryeziu, problemi i Serbisë nuk janë targat, por përmes çështjes së targave presidenti serb, Aleksandër Vuçiq, ka qëllim ndryshimin e planit franko-gjerman.
Në një prononcim për Gazetën Infokus, Kryeziu thotë se problem për shtetin serb është se kush qeverisë në pjesën veriore të Kosovës.
“Nga ajo që kemi pa edhe në deklarimet publike, Kosova ka qenë e gatshme me diskutu për planin, mirëpo duket që Serbia ka tendencë për ta ndryshu kornizën franko-gjermane dhe mënyrën. Targat si të tilla nuk janë problem në vetvete për Serbinë, por problem është që kush është qeveria sovrane në atë pjesë të territorit të Kosovës dhe përmes targave ai ka dy qëllime me tentu me ndryshu kornizën franko-gjermane”, ka thënë ai.
Gjithashtu, sipas ish-zëvendësministrit pala serbe nuk është e interesuar për dialog.
“Mirëpo ajo që po shihet nga pala tjetër nga Serbia që nuk kanë interes për dialog, nuk kanë interes të diskutojnë për planin, qëllimi i tyre është që ta ndryshojnë këtë kornizën franko-gjermane dhe ndërkohë prodhojnë situata të tilla”, ka deklaruar Kryeziu për Infokus.
Derisa ai ka potencuar se është e rëndësishme që të ruhet roli arbitrues i Shteteve të Bashkuara të Amerikës në procesin e dialogut.
“Unë mendoj që Kosova duhet me ngulm dhe patjetër ta ruaj partneritetin me Shtetet e Bashkuara të Amerikës të cilët mbesin arbitruesi i vetëm i besueshëm në këtë proces”, shtoi Kryeziu.
Për çështjen e targave kryeministri i Kosovës, Albin Kurti dhe presidenti i Serbisë, Aleksandër Vuçiq u takuan të hënën e 21 nëntorit në Bruksel, nën monitorimin e nikoqirëve të Bashkimit Evropian, Josep Borrell dhe Miroslav Lajçak.
Mirëpo edhe pas diskutimeve të gjata, nuk u arrit ndonjë marrëveshje mes dy vendeve.
Këtë e konfirmoi Borrell në një konferencë për media pas takimit.
“Fatkeqësisht ata nuk ranë dakord për një zgjidhje sot. Të dy mbajnë përgjegjësi të plotë për dështimin e bisedimeve sot dhe për çdo përshkallëzim dhe dhunë që mund të ndodhë në terren. Ne parashtruam një propozim që presidenti Vuçiq e pranoi sot ndërsa kryeministri Kurti jo”, u shpreh ai.
Si duket targat dhe situata në veri kanë ndikuar edhe në procesin e liberalizimit të vizave për Kosovën, ku propozimi këtë çështje është hequr nga agjenda e takimit të sotëm të ambasadorëve të vendeve anëtare të BE-së.
Një gjë e tillë u konfirmua nga presidenca çeke për Gazetën Infokus.
Ndryshe të martën e 22 nëntorit, këshilltarët për viza në Këshillin e BE-së u pajtuan me propozimin që liberalizimi i vizave për Kosovën të hyjë në fuqi më 1 janar të vitit 2024.
Ndërsa momentalisht është duke u zhvilluar edhe një takim në mes të dy krye negociatorëve, Zëvendës kryeministrit të Kosovës, Besnik Bislimi dhe Petar Petkoviq me ndërmjetësues të dërguarin e posaçëm për dialogun, Miroslav Lajçak. /Gazeta Infokus/
Të tjera
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...