Ekskluzive: Gjykata Kushtetuese i’a rrëzon Albin Kurtit edhe ligjin për Fondin Sovran
Autori: Gazeta inFokus 17:09 | 04 April 2024
Gjykata Kushtetuese ka marrë vendimin në lidhje me ligjin për Fondin Sovran.
Gazeta Infokus nga burime të mirë informuara brenda Gjykatës Kushtetuese merr vesh ekskluzivisht se është vendosur për rrëzimin e këtij ligji. Sipas këtij burimi, vendimi në lidhje me rrëzimin e ligjit për Fondin Sovran pritet të publikohet brenda pak ditësh nga Gjykata Kushtetuese.
Me shumicë votash të anëtarëve të Gjykatës Kushtetuese është rrëzuar ky ligj bazuar në ankesat që kanë bërë dy partitë më të mëdha opozitare në vend.
Fondi Sovran ishte njëri ndër premtimet kryesore të kryeministrit, Albin Kurti i cili u miratua në Kuvend në dhjetor të vitit 2023, mirëpo tri ditë më pas, partitë opozitare, ashtu si edhe për disa vendime tjera të pushtetit, kërkuan interpretim të ligshmërisë.
Kështu dy partitë opozitare vendosën që Ligjin për Fondin Sovran të dërgojnë në Gjykatën Kushtetuese.
Fillimisht, Lidhja Demokratike e Kosovës me 22 dhjetor e më pas edhe Partia Demokratike e Kosovës, me 26 dhjetor të cilat këtë ligj e quanin të rrezikshëm sepse sipas tye cenon parimet themelore të organizimit ekonomik të shtetit.
Kryeministri Albin Kurti, pas miratimit të Ligjit për Fondin Sovran, mes tjerash kishte thënë se ai do t’i forcojë ndërmarrjet publike, do të sjellë një cikël të ri investimesh në vend.
“Me themelimin e këtij fondi do të kalojmë nga një sistem i privatizimit të aseteve shtetërore”, ka deklaruar ai.
Sipas Kurtit, me këtë i jepet fund sistemit i cili më shumë u ka shërbyer interesave të individëve të pushtetshëm.
Por çfarë është Fondi Sovran?
Fondi Sovran nga qeveria Kurti është vlerësuar si projekti më i madh ekonomik ndonjëherë në vend.
Fondit Sovran pritej t’i barteshin pasuritë më të rëndësishme publike të Kosovës.
Në këtë pasuri, me të cilën synohej të menaxhonte Fondi Sovran, hyjnë ndërmarrjet publike të shtetit, ndërmarrjet shoqërore dhe asete, të cilat aktualisht menaxhohen nga Agjencia Kosovare e Privatizimit (AKP).
Sipas AKP-së, me potencial ekonomik të lartë ishin 94 asete dhe rreth 48 mijë hektarë tokë që mund t’i barteshin Fondit Sovran.
Nëntëdhjetë e katër asetet përfshijnë: Miniera, ndërtesa administrative e lokale, fabrika, hotele, ferma, depo të ndryshme, pika të karburanteve, qendra rehabilituese, zyra, toka bujqësore të të gjitha kategorive e të tjera.
Sipas vlerësimeve të grupit punues të Projektligjit për Fondin Sovran, disa nga ndërmarrjet publike, të cilat janë identifikuar se mund t’i barten Fondit Sovran, janë: Korporata Energjetike e Kosovës, Telekomi i Kosovës, Posta e Kosovës, Kombinati metalurgjik “Trepça”, Trainkos-iInfrakos-i.
Fondi Sovran do t’i merrte nën pronësi asetet strategjike të Kosovës pra në përgjegjësi ekskluzive për investimet në rritjen e vlerës, performancën dhe kthimin në investimet që do të bëheshin.
Fondi Sovran, sipas projektligjit, po ashtu ka në funksion edhe themelimin e ndërmarrjeve të reja si dhe mund të investojë në tregje financiare dhe tregje të kapitalit brenda dhe jashtë vendit.
Projektligji për Fondin Sovran, u publikua më 13 mars dhe deri me 2 prill të vitit 2023, ka qenë në konsultim publik.
Projektligji e definon Fondin Sovran si institucion investues dhe zhvillimor të Kosovës. Kapitali themeltar i Fondit Sovran, siç thuhet në projektligj, është 20 milionë euro dhe mbulohet nga Qeveria e Kosovës.
Përmes administrimit të ndërmarrjeve dhe aseteve të Kosovës, Fondi Sovran synonte “zhvillimin e vendit dhe mirëqenien e qytetarëve”./Gazeta Infokus/
Të tjera
-
Elshani për vendosjen e kamerave në veri: Janë për sigurinë e qytetarëve
Zëvendësdrejtori i Policisë së Kosovës për rajonin e veriut të vendit, Veton ...
-
Biden dhe Trump fushatë në shtetin e Miçiganit
Kandidati për president i Shteteve të Bashkuara, Donald Trump pritet të b...
-
Kushtëzimi me Asociacionin, Kurti s’flet për qëndrimin e Gjermanisë rreth KiE-së
Kryeministri Albin Kurti nuk ka dashur të komentojë qëndrimin publik të Gjerm...
-
Programi me MCC’në, Kurti: Investimi më i madh në energji në dekadat e fundit
Kryeministri i Kosovës, Albin Kurti, ka thënë se Kosova po bëhet shteti me ka...
-
Hyn në fuqi programi me MCC-në, Rizvanolli: Kosova do të bëhet shteti me kapacitetin më të madh të baterive
Ka hyrë sot në fuqi programi MCC-në i cili vendosë Kosovën në rend të parë t...
-
Policia në Pejë kërkon ndihmën e qytetarëve në gjetjen e ”Tiktok-erit”
Policia e Kosovës – Drejtoria Rajonale e Policisë në Pejë, bazuar në ligj pë...
-
Njësiti FAST Kosova arreston një person të kërkuar nga INTERPOL’i
Policia ka njoftuar se njësiti Fast Kosova ka arrestuar një person të kërkuar...
-
Dallavere e dyshime për korrupsion, OSHP bombardohet me ankesa për tenderin 35 milionësh të Liburn Aliut për rrugën Prizren – Tetovë
Dallavere, dyshime për korrupsion e dhjetëra shkelje ligjore dyshohet të kenë...
-
Gjobë 800 euro ndaj shoferit në Ferizaj, voziti në zonë urbane 127 klm/h
Policia e Rrugor në Ferizaj në rrugën “Driton Islami” ka ndaluar shoferin E.M...
-
Publikohet një foto e re: Rrustem Llapi ia bëri me dorë policisë menjëherë pas të shtënave fatale
“Pas të shtënave fatale, ai ia bëri me dorë në mënyrë rastësore policisë”. ...
-
Kadri Veseli e padit për shpifje deputetin e Vetëvendosjes
Faton Fetahu, përfaqësuesi ligjor i ish-Kryetarit të Kuvendit Kadri Veseli, n...
-
Kurti tregon se pse u lanë të ikin terr*oristët e Banjskës
Kryeministri i Kosovës Albin Kurti, ka folur në Podcastin/dokumentarin e medi...