Ekskluzive: “Z-mobile” lë pa paga punëtorët e Telekomit dhe Postës së Kosovës
Autori: H. Smajli 12:00 | 15 January 2021
Telekomi i Kosovës i ka paguar të premten 740 mijë euro Z Mobile-it, në bazë të marrëveshjes që u “garantua” nga vetë Qeveria Hoti.
Por nuk mjafton me kaq. Telekomi këtë shifër do ti paguajë Z Mobile-it, çdo muaj nga data e sotme, për dy vitet e ardhshme, shkruan Gazeta inFokus.
Kështu kjo pagesë e marrëveshjes së Telekomit me Devollët, ka lënë pa paga një pjesë të punëtorëve të Telekomit dhe Postës së Kosovës.
Punëtorët e këtyre dy ndërmarrjeve nuk kanë marrë ende as pagat e dhjetorit, e me pagesën e sotme dhe detajet e marrëveshjes një situatë e tillë do të vazhdojë edhe në muajt në vijim.
Kjo për faktin se prej këtij muaji, saktësisht prej datës 15 janar 2021 dhe për dy vitet e ardhshme, Telekomi obligohet të paguajë çdo muaj këstin prej 740 mijë euro për Z Mobile, në bazë të marrëveshjes të “imponuar” nga Qeveria Hoti, edhe pse u kundërshtua nga menaxhmenti i Telekomit sipas të cilëve kjo është një barrë e madhe financiare dhe nuk mund të përballohet në një afat kaq të shkurtër kohor, pra për dy vite.
Muhamet Xhemajli, Kryetar i Sindikatës Profesionale të Telekomit të Kosovës, kishte deklaruar se qeveria e Kosovës e ka bërë të qartë se prioritet i ka Devollët dhe jo kompanitë publike.
“Tashmë është e qartë se prioritet i Qeverisë është Devolli dhe jo kompanitë publike të cilat po falimentojnë me bekimin dhe para syve të Aksionarit”, kishte pohuar Xhemajli.
Sipas tij, kryeministri Hoti dhe ish-ministri Kuçi përveç që nuk e kanë mbajtur zotimin e tyre publik, ata kanë vazhduar së injoruari çdo kërkesë të Telekomit për mbështetje, madje duke bllokuar dhe duke mos qenë as garantues i ndonjë huaje apo kredie, barrë kjo që e obligon Aksionarin bazuar në Ligjin për Ndërmarrjet Publike.
“Nëse dikush ka kontribuar në degradim ekstrem të Telekomit, sidomos në kushtet e pandemisë, është vetë Aksionari dhe përgjegjësia bie direkt mbi të”, tha Xhemajli duke paralajmëruar një revoltë të thellë të punëtorëve të Telekomit, në rast se nuk ndryshon kjo qasje e Qeverisë që favorizon Devollët, që detyron Telekomin t’ia paguajë 740 mijë euro Z Mobile dhe kështu të shkel me të dy këmbët premtimet e veta.
Kujtojmë se një marrëveshje të tillë Telekomi dhe Z Mobile e arritën afro një muaj pasi këta të fundit kishin bllokuar xhirollogaritë e kësaj ndërmarrjeje dhe qeveria doli garantues për këtë marrëveshje, të cilën nuk e bënë asnjëherë publike./Gazeta inFokus/
Të tjera
-
Jasharaj – Nagavcit: E dimë se ke urdhër nga Kryeministri që të mos na takosh
Kryetari i Sindikatës së Bashkuar të Arsimit, Shkencës dhe Kulturës (SBASHK),...
-
Kreu i Kishës Ortodokse Serbe në Malin e Zi: Kosova vatër serbe që nuk do ta lëmë
Kreu i Kishës Ortodokse Serbe në Mal të Zi, Joanikije e ka përmendur Kosovën ...
-
Aktori i njohur i humorit pranon Islamin?
Rezart Veleshnja, një ndër aktorët më të njohur të humorit, afirmuar e bërë e...
-
72 vjeçarja nga Kumanova mashtrohet nga shitësit e druve, raporton rastin në polici
MPB në Maqedoninë e Veriut njoftoi se një grua nga Kumanova 72 vjeçare ka rap...
-
Protestë më 1 maj, Jasharaj – Nagavcit: E dimë se ke urdhër nga Kryeministri që të mos na takosh
Kryetari i Sindikatës së Bashkuar të Arsimit, Shkencës dhe Kulturës (SBASHK),...
-
Kreu i Kishës Ortodokse Serbe në Malin e Zi: Kosova vatër serbe që nuk do ta lëmë
Kreu i Kishës Ortodokse Serbe në Mal të Zi, Joanikije e ka përmendur Kosovën ...
-
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Kryetari i Komunës së Istogut, Ilir Ferati ka deklaruar pasurinë në Agjencinë...
-
Rama: Mbrëmë punonjës të “Pastrimi”, kanë sulmuar fizi*isht punonjësit e ri të kontraktuar për mbledhje të mbeturinave
Kryetari i Prishtinës, Përparim Rama ka njoftuar se mbrëmë ekipjet e kontrakt...
-
Haxhiu: Anëtarësimi në Këshillin e Evropës e hap rrugën për padi për gjenocid ndaj Serbisë
Ministrja e Drejtësisë, Albulena Haxhiu deklaron se anëtarësimi i Kosovës në ...
-
Tregu i përbashkët europian, 1 miliard euro drejt Shqipërisë
Marrëveshja që i lejon Shqipërisë të jetë pjesë e tregut të Përbashkët të Bas...
-
“Prishtina me Skënderbeun”, manifestim i madh për ditëlindjen e heroit
Për nder të ditëlindjes së heroit tonë kombëtar, Gjergj Kastrioti-Skënderbeu,...
-
Së shpejti Kosova me Agjenci për Siguri Kibernetike
Së shpejti pritet të funksionalizohet Agjencia për Siguri Kibernetike në kuad...