Kryeministri i të ‘papriturave’
Autori: Sylejman Sylejmani 20:33 | 19 July 2019
Në mënyrë të papritur, në një kohë kur kundërshtonte ashpër qeverisjen e kaluar PDK-LDK, Ramush Haradinaj vendosi që në zgjedhjet e reja të futej në koalicion parazgjedhor pikërisht me Partinë Demokratike të Kosovës.
Ky ishte vetëm fillimi i shumë vendimeve të ‘papritura’, të cilat Haradinaj do t’i merrte më pas si Kryeministër i zgjedhur me votat e PDK-së, AAK-së, Nismës e Listës Serbe, shkruan Gazeta inFokus.
Përkundër shumë partive të cilat u bënë pjesë e Qeverisë, Haradinaj nuk ia doli të bëhej Kryeministër, deri sa në skenë nuk doli Behgjet Pacolli, i cili me votat e partisë së tij ia mundësoi këtë gjë.
Pak muaj pas ardhjes në pozitën që e deshi aq shumë, Haradinaj papritur ia ngriti vetes pagën.
Nga dy mijë e 300 euro sa e kishte pagën kryeministri, ai e ngriti atë në dy mijë e 900 euro, shkruan Gazeta inFokus.
Mirëpo, ai nuk i la keq as kolegët e tij në Qeveri, të cilët gjithashtu përfituan rritje të konsiderueshme të pagave.
Në një kohë kur gjendja ekonomike në Kosovë është e rëndë, ky vendim i Kryeministrit u konsiderua si një goditje e rëndë për qytetarët.
Ditët, javët e muajt e parë në pozitën e re, Haradinaj i kaloi edhe me disa vendime të tjera ngutshme.
Falja e borxhit për ambalazhuesit e ujit e shpronësimi i tokave në Shipitullë ishin vetëm dy prej tyre.
Vendimet e rëndësishme për taksën e ushtrinë
Pas dështimit për t’u pranuar në INTERPOL, Qeveria Haradinaj vendosi që t’i kundërpërgjigjej Serbisë e cila loboi kundër anëtarësimit të Kosovës në këtë organizatë.
Fillimisht, u mor vendim që të vendosej një taksë prej 10 për qind ndaj produkteve që futen në vend nga Serbia e Bosnja.
Mirëpo, papritur kjo taksë pas pak kohësh shkoi në 100 për qind dhe përkundër shumë presioneve për ta larguar, Haradinaj vendosi që ta mbajë atë.
Një tjetër vendim i rëndësishëm, por që u mor në shpejtësi ishte ai për transformimin e Forcës së Sigurisë së Kosovës në ushtri, shkruan Gazeta inFokus.
‘Vendimet e papritura’ e shoqëruan përgjatë tërë kohës Haradinajn, një prej të cilave edhe vendimi për ta paguar borxhin ndaj Bechtel Enkas, e ato për shpërndarjen e parave për kategori të ndryshme sociale.
E ashtu si erdhi në pushtet, në mënyrë të papritur gjatë pasdites së të premtes në mbledhjen e Qeverisë, Haradinaj njoftoi për dorëheqjen e tij.
Pas një ftese të Gjykatës Speciale, kryeministri tha se vendosi të hiqte dorë nga pozita e Kryeministrit, por theksoi se do të provojë të rikthehet sërish në zgjedhjet e reja.
Vendimin tha se e mori pasi nuk dëshiron që ta vendosë Kosovën në një pozitë, ku kryeministri i saj përballet me një proces gjyqësor.
Kjo është hera e dytë që Haradinaj jep dorëheqje nga Kryeministri, për t’u ballafaquar me aktakuzat për krime lufte.
Në dy proceset e kaluara, ai ishte shpallur i pafajshëm. /Gazeta inFokus
Të tjera
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...
-
Hoxhaj: Qytetarët që menduan se me Kurtin vjen ndryshimi, ta korrigjojnë atë – ta shohin PDK-në si adresë politike
Nënkryetari i kuvendit nga radhët e PDK-së, Enver Hoxhaj, ka thënë se nëse qy...
-
Gjeneral Jashari: FSK mbështet Ukrainën në përballje me agresionin e Rusisë
Komandanti i Forcës së Sigurisë së Kosovës, gjenerallejtënant Bashkim Jashari...
-
Kurti pritet nga Baerbock, kërkon mbështetjen gjermane deri në anëtarësimin e Kosovës në KiE
Kryeministri i Kosovës, Albin Kurti, është pritur në takim nga Ministrja e Ja...