Flasin deputetët e LVV-së, a janë pro apo kundër qeverisë që nuk po i ekzekuton pagat për mësimdhënësit
Autori: Samire Jaha 14:59 | 04 October 2022
Katër deputetë të partisë në pushtet janë deklaruar publikisht kundër qeverisë dhe vendimit të tyre për të mos i ekzekutuar pagat për mësimdhënësit për muajin shtator, shkruan Gazeta Infokus.
Deputeti i kësaj partie, Jahja Kokaj ka thënë për Gazetën Infokus se është kundër vendimit për të mos i paguar mësimdhënësit që ishin në grevë, madje ai ka thënë se duhet të rriten pagat në arsim.
“Shikoni unë jam për me u dhënë paga sa më të shtrenjtë mësimdhënësve të të gjitha niveleve. Unë jam për më ju dhënë paga sa më të shtrenjta mësimdhënësve se unë vetë jam mësues. Prandaj, konsideroj se puna e mësuesit është shume me relevancë, rëndësi, për arsye se ai ndërton personalitete. Përderisa inxhinier ndërton objekte, makina, ndërtimtari palos tulla etj, tjetri shtron asfalte, çështja e ndërtimit të personaliteteve është ardhmëria e kombit andaj e konsideroj dhe jam i bindur thellësisht unë si mësues, ndoshta po gaboj mos ma shihni për kusur, unë mendoj shpirtnisht, seriozisht në mënyrë kognitive me vetëdije që mësuesi ka rëndësinë kryesore krahas mjekut. Zoti shpëton jetën, por mjeku është do më thënë kontribuon, a mësuesi ndërton personalitete, që i bie e ndërton ardhmërinë tonë. Unë jam i interesuar me ua rritë rrogën sa ma shumë arsimtarëve, jo pse unë jam mësues, por pse mendoj që relevanca e tyre është shumë me rëndësi”, deklaroi Kokaj për Infokus.
E kundër këtij vendimi të qeverisë gjatë ditës dolën edhe tre deputetë të tjerë nga Lëvizja Vetëvendosje.
Fillimisht deputeti, Eman Rrahmani nga LVV-ja ka reaguar përmes një postimi në llogarinë e tij në “Facebook”, ku ka kërkuar qe pagat të procedohen mirëpo orët e humbura të zëvendësohen.
Më pas edhe deputeti tjetër i partisë në pushtet, Alban Bajrami, ka thënë se mësimdhënësit nuk duhet lënë pa paga.
Ndërsa deputeti tjetër i kësaj partie, Fatmir Humolli ka thënë se kryeministri i vendit, Albin Kurti po dëshiron që mësimdhënësit të kthehen në grevë që të destabilizojë gjendjen në vend, madje ka shtuar se kjo qeveri duhet të rrëzohet.
Mirëpo ka edhe deputetë të kësaj partie të cilët po i qëndrojnë mbrapa deklaratave të Ministrisë së Arsimit e të Zyrës së Kryeministrit, që grevistët nuk do të kompensohen duke u thirrur në ligjin për grevat.
Deputeti nga radhët e partisë Lëvizja Vetëvendosje, Arbër Rexha në një prononcim për Gazetën Infokus, tha se qëndron pas vendimit të partisë së tij.
“Unë qëndroj qëndrimit që e ka dhënë Lëvizja Vetëvendosje, shefja e grupit parlamentar dhe Hekuran Muratit”, deklaroi shkurt deputeti Rexha për Infokus.
Të njëjtën gjë e që duhet të bazohet ligji ka thënë edhe deputetja Adriana Matoshi.
Ajo duke mos pranuar që të komentojë shumë për këtë çështje, ka thënë se edhe në këtë rast duhet të zbatohet ligji.
“Unë mendoj që ligji duhet me u zbatu, kaq”, ka thënë shkurt ajo për Infokus.
Të tjera
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...
-
Mërgimtarët dërguan 112 milionë euro në Kosovë gjatë muajit mars
Mbi 112 milionë euro është vlera e dërgesave të mërgatës që janë sjellë në Re...
-
Shtatë raste të dhünës në familje në 24 orët e fundit në Kosovë
Shtatë raste të dhunës në familje janë raportuar në 24 orët e fundit në Kosov...