Fokus

Shala për nipin e Besnik Bislimit që pretendon karrigen e kreut të BQK-së: Nepotizimi ka përfshirë qeverinë Kurti

Autori: Gazeta inFokus 14:04 | 25 January 2023

Deputeti i Partisë Demokratike të Kosovës (PDK), njëkohësisht edhe anëtar i Komisionit për Buxhet dhe Financa në Kuvendin e Kosovës, Ferat Shala, ka thënë për Gazetën Infokus se shkalla e lartë e nepotizmit ka përfshirë qeverinë Kurti.

Ai ka kometuar raportimin ekskluziv të Gazetës Infokus, se nipi i zëvendës kryeministrit të parë, Besnik Bislimit, Gëzim Tosuni, ia ka mësyrë garës për të parin e Bankës Qendrore të Kosovës, në mesin e 13 kandidiatëve të tjerë.

Shala ka thënë se gjasat që Tosuni të jetë në krye të BQK-së në përfundim të intervistimeve janë të mëdha duke parë praktikën e deritashme të qeverisë Kurti në punësime familajre. Mirëpo sipas tij duhet pritur në parim edhe vendimi final.

-Advertisement-

LEXO EDHE: Zbulohet lista me emrat e kandidatëve për guvernatorë të BQK-së, në garë edhe nipi “i famshëm” i Besnik Bislimit

“Në parim ne duhet të presim vendimin final. Mirëpo vendosja e anëtareve të bordit nëpër institucione tjera tregon që nipi i ZV. Kryeministrit mund të emërohet guvernator i BQK-së sepse në kushte dhe në rrethana të tilla edhe ky rast nuk mund të përjashtohet. Shkalla e lartë e nepotizimit e ka përfshirë qeverinë Kurti dhe shoqëria civile, mediat dhe partitë opozitare duhet të tregojnë kujdes të veçantë dhe të bashkërendojnë  hapat në mënyrë që të parandalojnë këto veprime nepotiste të kësaj qeverie”, ka thënë Shala.

Derisa ai ka përmendur edhe rastet e tjera duke qenë se kjo nuk është hera e parë që Bislimi, provon të rehatojë nipin e tij në institucione shtetërore.

“Defenitvisht derisa ka hyrë në garë dhe i dimë edhe rastet e tjera që kanë qenë, ai është zgjedhur në Këshillin Shtetëror të Cilësisë dhe vetëm pas reagimit të mediave dhe Agjensionit Antikorrupsion është larguar dhe sigurisht që orvatja e tij e dytë e nipit gjegjësisht e zv. Kryeministrit për ta rehatuar ose stabilizuar nipin e tij në BQK do të vazhdojnë”, ka deklaruar deputeti i PDK-së, për Infokus.

Ai ka komentuar edhe diskualifikimin nga gara të Emanuel Bajrës, me arsyen nostrifikimin e diplomës, i cili edhe hedhi akuza të rënda drejt BQK-së që ky diskualifikim iu bë me qëllim dhe pas asnjë bazë ligjore.

“Po sigurisht për tu zgjedhur nipat dhe familjarët duhet të eliminohen konkurrentët serioz dhe profesional nuk ka rrugë tjetër”, ka thënë Shala.

Kujtojmë që dje Gazeta Infokus ka publikuar ekskluzivisht listën me të gjithë emrat të cilat kanë hyrë në garën e ngushtë për intervistim dhe sot është dita e dytë e intervistimeve për të parin e BQK-së./Gazeta Infokus/

Subscribe në YouTube: GAZETA INFOKUSI
Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…

Të tjera

Fokusi

fokus