Ministria e Shëndetësisë për Gazetën Infokus ka konfirmuar se pritet që të vlerësohet sërish gjendja e fundit me rritjen e rasteve me COVID-19, nga mekanizmat anti-covid, por deri atëherë do të vazhdohet me masat e deri tashme.

Ani pse vetëm sot pati 177 raste të reja, ndërsa në javën e fundit 444 raste, nga MSH-ja kanë deklaruar se do të vazhdohet me masat e datës 30 prill 2022.

Masa këto që përfshinë edhe mbajtjen e maskës në ambientet e mbyllura.

“Nëse do të ketë masa të reja apo jo vendosin mekanizmat anti-covid, bazuar në ecurinë e situatës epidemiologjike. Aktualisht janë në fuqi masat nga 30 prill 2022, të cilat duhet të zbatohen. Varet çka propozojnë këta mekanizime, nëse të njëjtit konsiderojnë se duhen masa të tjera apo mjaftojnë këto që janë në fuqi”, thuhet në përgjigjen e MSH për Infokus.

Në përgjigjen e ministrisë për Infokus theksohet po ashtu se përveç mbajtjes së maskës në ambiente të mbyllura, vaksinimi kundër covid-19 është një masë tjetër që ndihmon në reduktimin e rasteve të reja.

“Ambientet e mbyllura janë vend me rrezik më të lartë dhe mbajtja e tyre ndihmon në reduktimin e rrezikut. Masa me e mire është tash për tash vaksinimi dhe qytetarët duhet ta shfrytëzojnë këtë pa asnjë hezitim. Për masa të tjera mbetet të shihet çka mund të propozojnë ekspertet”, thuhet tutje në përgjigjet e kësaj ministrie.

Ndryshe, masat anti-Covid që janë në fuqi nga 30 prilli 2022, janë cilësuar si masa lehtësuese, pasi që situata epidemiologjike ka qenë më stabile.

LEXO EDHE: Lehtësimi i masave anti-COVID, këto janë masat që mbesin që fuqi

Ndërsa Drejtori i Klinikës Infektive, Arben Vishaj, në një prononcim për Gazetën Infokus ka thënë se kjo klinikë është duke i bërë përgatitjet e nevojshme për tu përballur me situata të ndryshme te cilat mund të vijnë në ditët në vazhdim.

Gjithashtu, Vishaj ka treguar se Klinika Infektive ka kapacitet prej 125 shtretërve, derisa ka njoftuar se aktualisht në Klinikën Infektive janë të shtrirë vetëm 4 pacientë më COVID-19.

“Klinika Infektive është ka i bën përgatitjet të mjaftueshme për mu përball me situata që pritet që të vijnë në ditët në vijim. Ne edhe kur kemi pasë numër shumë të madh të të infektuarve dhe me kërkesë për mu spitalizu dhe kemi përballu, e tash kemi një numër të vogël. Për momentin në Klinikën Infektive kemi gjithsej 4 pacientë të shtrirë, klinika jonë ka kapacitet 125 shtretër, kemi oksigjen mjaftueshëm dhe barna nga lista esenciale”, ka thënë drejtori i kësaj klinike për Infokus.

Kujtojmë që ditët e fundit situata epidemiologjike në Kosovë është duke u përkeqësuar për faktin se rastet me COVID-19 janë duke u rritur çdo ditë.

Ndërkaq, nga IKSHPK-ja kanë bërë thirrje qytetarëve që të i mbajnë maskat në vendet e mbyllura duke theksuar se rastet me COVID-19 janë duke u rritur./Gazeta Infokus/

Rritja drastike e numrit të të infektuarve me COVID-19 në Kosovë, flet drejtori i Klinikës Infektive

UNI – Universum International College sërish pjesë e Panairit të Edukimit, vazhdon të ofroj studime me standarde amerikane

Sponsoruar