Rrëfimi i dëshmitarit të vetëm shqiptar në bisedimet tre ditore të NATO-s me serbët para hyrjes në Kosovë
Autori: L Abazi 17:22 | 09 June 2021
“Evropa 93” gjendet pak metra nga kufiri Kosovë-Maqedoni. Një hotel, në të cilin 22 vite më parë u vendosën mysafirët më të veçantë që morën një ndër vendimet më të rëndësishme për Kosovën.
Zyrtarët të delegacionit të NATOS dhe të delegacionit Serb për tre ditë, në sy të pronarit të këtij hoteli Ramadan Sadiku, zhvilluan bisedimet plotë tension për t’i dhënë fund luftës në Kosovë me futjen e trupave të ushtrisë shumëkombëshe.
“Marrëveshja është bërë në mes NATO-së dhe delegacionit Serbë në hotelin tim. Unë isha shqiptari i vetëm aty. Bisedat kanë filluar gjatë ditës në orën 12 dhe kanë vazhduar tre ditë. Fillimi i bisedave ka qenë me një tonë shumë të lartë dhe agresivitet shumë të madh ku erdhi deri tek nervozizmi i dy palëve dhe nuk mund të merreshin vesh se çfarë po kërkonin sepse Serbët nuk i pranonin kërkesat e NATOS”, rrëfen për Gazetën Infokus ngjarjen që pa nga afër Sadiku.
Bisedat që zhvilloheshin brenda ai nuk kishte mundësi t’i transmetonte jashtë në atë kohë. Por kujton shumë momente të rëndësishme për ngjarjen tre ditore ndërmjet dy delegacioneve.
“Dita e parë sidomos ka qenë shumë e tensionuar, ka qenë një përleshje shumë e rëndë. Diçka që mka mbetur në mendje është se ne anën tjetër përballë restorantit kanë qenë forcat e ushtrisë kriminele serbe, kurse këtë anën e restorantit kanë qenë forcat e Nato-s, edhe sipas bisedës që u bënin në lokal, ushtarët bënin përgatitjet jashtë. Erdhi në moment ku unë mendova se do të fillojë një përleshje mes të dy ushtrive pasi aq shumë nisën bisedat të bëhen rigoroze. Ditën e dytë Serbët filluan të lëshojnë pe dhe filluan të pranojnë propozimet e Natos”, thotë Sadiku.
Më në fund, sipas tij delegacioni serb u dorëzua.
“Delegacioni i Natos urdhëroi Serbët, doni apo sdoni ne në Kosovë kemi me hy. Më mirë është të bëjmë një marrëveshje sepse përndryshe për një kohë të shkurtër ne do të hyjmë në Kosovë”, rrëfen Sadiku për Gazetën inFokus.
Hoteli i tij ku u zhvillua kjo ngjarje historike, “Evropa 93”, tani është i mbyllur për shkak të vjetërsisë.
E Ramadan Sadiku ndjehet i dëshpëruar nga Qeveria e Kosovës si dhe nga Qeveria e Maqedonisë, që nuk e përkrahën për renovimin e lokalit.
Por, përtej dritareve të mbyllura mund të shihen ende fotografi dhe kujtime të vuajtjeve të qindra familjeve kosovare që vërshuan kampet në Maqedoninë e Veriut. /Gazeta inFokus/
Të tjera
-
Kurti për dinarin: S’pranojmë propozime që janë në kundërshtim me rregulloren e BQK
Të gjitha problemet, të cilat mund t’i kenë qytetarët serbë, ne do t’i adreso...
-
Vështirësohet situata për Trump? Në gjyqin e tij, “dy dëshmitarë të parehatshëm”!
Gjërat po vështirësohen për ish presidentin amerikan Donald Trump. Një gjy...
-
Sot mbahet seanca për shtesat e punëtorëve teniknik për COVID-19
Kryetar i Sindikatës së Pavarur të Sektorit Privat të Kosovës, Jusuf Azemi, k...
-
Shtyhet gjykimi ndaj të akuzuarit për shantazh, i kërkoi 20 mijë euro një personi për të mos ia publikuar disa biseda
Për shkak se nuk ishte i pranishëm askush nga Prokuroria për ta përfaqësuar a...
-
Tabelat e reja në veri po pastrohen pasi u lyen me bojë
Tabelat që tregojnë në shqip dhe serbisht emrat e vendbanimeve në veri të Kos...
-
Ministra dhe eurodeputetë kërkojnë përshpejtimin e zgjerimit të BE-së
Deputetët e Parlamentit Evropian në Komisionin për Politikë të Jashtme, dhe n...
-
Pjetër Shalës i vazhdohet paraburgimi
Në Dhomat e Specializuara të Kosovës (DhSK) është marrë vendim për vazhdimin ...
-
Peci thotë se për tre vjet ka ndryshuar rrjedhën e sektorit të bujqësisë në Kosovë
Ministri i Bujqësisë, Faton Peci, përmes një postimi në Facebook, ka thënë se...
-
Pasi mposhti tumorin për herë të tretë, Adriana Matoshi shfaqet e lumtur krah fëmijëve
Deputetja e Kuvendit të Kosovës, Adriana Matoshi, ditë më parë iu nënshtrua n...
-
Greqi: Zbulohet rrjeti i prostitucio*it me të mitura, mes tyre 5 shqiptare
Greqia është tronditur përsëri pas zbardhjes së në rasti të ri të prostitucio...
-
Sami Lushtaku për Raketën: Një prej luftëtarëve të dalluar të UÇK’së, bashkëpunëtor i hershëm i Presidentit Thaçi
Nënkryetari i komunës së Skenderajt, Sami Lushtaku, ka reaguer për vdekjen e ...
-
Ndryshimet ekologjike në liqenin Yundang
Shikimi i zogjve është një pasion për shumë njerëz dhe shumë qytete kanë vend...