Nga marshi për Astrit Deharin paralajmërohet marsh tjetër, kërkohet hetim edhe për vdekjen e shokut të burgut
Autori: Halil Berisha 19:11 | 28 October 2019
Grupi organizativ “Unë jam Astriti!”, mbajti një marsh në rrugën “Regjep Luci”, në afërsi të kinemasë “ABC”, për kujtimin e Astrit Deharit, ku u dhezën qirinj, u vendosën lule e kartolina me mesazhe për familjen e tij, këtë të hënë me 28 tetor.
E nga aty, u bë thirrje për një marsh tjetër, tash me 5 nëntor, shkruan gazeta inFokus.
Ky marsh do të mbahet në ora 12:00 me moton “Një Popull për Drejtësi!”, derisa për të është hapur edhe një lajmërim në Facebook.
E në lajmërim janë shkruar edhe tre kërkesa që do të u drejtohen institucioneve të Kosovës.
“1. Caktimi i grupit të ri hetimor kredibil si dhe bartja e rastit nga Prokuroria Themelore e Prizrenit në Prokurorinë Speciale të Republikës së Kosovës;
2. Shkarkimi dhe hetimi i të gjithë personave përgjegjës në gjithë zinxhirin institucional nga Qeveria, Policia, Drejtoria e Burgjeve, Prokuroria dhe Departamenti i Mjekësisë Ligjore; dhe
3. Fillimi i menjëhershëm i një hetimi të ri kredibil, transparent, të pavarur dhe profesional mbi rrethanat dhe shkaqet e vdekjes së Astrit Deharit, si dhe hetimin e rrethanave të vdekjes së dëshmitarit kryesor të rastit, shokut të tij të dhomës në Qendrën e Paraburgimit në Prizren, Naser Makolli”, thuhet në lajmërim.
Arsye për këtë marsh është siç thuhet drejtësia e munguar e cila është kthyer në padrejtësi për familjen Dehari e të gjithë shoqërinë, shkruan gazeta inFokus.
“Me 5 nëntor 2016, në Qendrën e Paraburgimit në Prizren, në rrethana ende të pasqaruara deri më sot ka vdekur aktivisti i Lëvizjes Vetëvendosje, Astrit Dehari. Kanë kaluar 3 vjet të drejtësisë së munguar që është kthyer në padrejtësi për familjen Dehari dhe gjithë shoqërinë tonë”.
Kjo erdhi edhe pas publikimit të ekspertizës zvicerane për vdekjen e Astrit Deharit ku thuhet se të implikuar mund të jenë edhe persona të tretë.
“Publikimi i të gjeturave të raportit të ekspertëve të mjekësisë ligjore nga Qendra Universitare Romande për Mjekësi Ligjore në Lozanë (CURML) të Zvicrës i ka dhënë të drejtë kërkesës së familjes Dehari për hetim të ri mbi rrethanat dhe shkaqet e vdekjes së dhunshme së Astrit Deharit. Raporti shprehimisht rrëzon hipotezën e ngritur për vetëvrasje nga Prokurori i rastit dhe bën thirrje për hetim të ri duke përfshirë hetimin e mundësisë së përfshirjes së personave të tjerë në vrasjen e tij”, thuhet në lajmërim.
“Ne, organizatat dhe personat e poshtë nënshkruar, kërkojmë ndriçimin e plotë dhe sa më të shpejtë të rrethanave të vdekjes së dhunshme të Astrit Deharit. Kjo duhet të bëhet nga hetues dhe prokuror kredibil, të pavarur dhe profesional. Udhërrëfyes i këtij hetimi të ri duhet të jenë të gjeturat e ekspertëve nga Instituti i Lozanës. Objekt i hetimit dhe llogaridhënies duhet të jenë personat përgjegjës në gjithë zinxhirin institucional nga Qeveria, Policia, Drejtoria e Burgjeve, Prokuroria dhe Departamenti i Mjekësisë Ligjore”.
“Sot si vajza, djem, motra dhe vëllezër, prindër e familjar, si qytetarë shprehim revoltën tonë për dështimin e institucioneve të Kosovës që të mbrojnë jetën e Astrit Deharit gjatë paraburgimit dhe mungesën e hetimit adekuat për të sqaruar drejt dhe plotësisht rrethanat e vdekjes së tij”./Gazeta inFokus/
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...