Fokus

Kështu do të organizohen zgjedhjet e parakohshme në kohë pandemie

Autori: Hateme Smajli 19:22 | 13 January 2021

Komisioni Qendror Zgjedhor ende nuk është pajisur me produktet e nevojshme shëndetësore për zgjedhjet e 14 shkurtit.

Zëdhënësi i KQZ-së, Valmir Elezi, ka thënë se janë duke bashkëpunuar me Institutin Kombëtar të Shëndetësisë Publike që zgjedhjet të organizohen në bazë të rekomandimeve të tyre, dhe pritet që së shpejti KQZ-ja të furnizohet edhe me maska, dezinfektues e produkte të tjera të nevojshme.

“Jemi të vetëdijshëm se jemi në kohë pandemie dhe se KQZ-ja përveç që do të merret me organizmin e zgjedhjeve dhe çështjeve teknike, për një kohë të shkurtër ne duhet të merremi edhe me rekomandimet që dalin nga institucionet shëndetësore. Në këtë drejtim KQZ-ja ka një bashkëpunim me Institutin Kombëtar të Shëndetësisë Publike nga ku gjatë zgjedhjeve në Podujevë dhe në Mitrovicë ka marrë rekomandimet lidhur me masat që duhet ti zbatojë KQZ-ja për të realizuar procesin zgjedhor”, ka deklaruar ai.

-Advertisement-

Elezi ka theksuar se në çdo vendvotim do të ketë dezinfektues në mënyrë që qytetarët të dezinfektojnë duart para dhe pas daljes nga qendra e votimit.

“Edhe sa i përket çështjes së pajisjes me produkte të nevojshme shëndetësore dezinfektues të cilat do të vendosen në të gjitha vendvotimet, KQZ-ja do të pajiset me kohë. Rekomandimet e institucioneve shëndetësore janë që në çdo vendvotim të ketë dezinfektues në mënyrë që votuesit të bëjnë dezinfektimin e duarve në hyrje dhe në dalje të vendvotimit qoftë për maskat me të cilat duhet të pajiset stafi i zgjedhor apo edhe ekipet mobile në terren besoj që brenda kohës do të përfundohen edhe këto aspekte”, ka thënë Elezi.

Për detaje të tjera mund të ndiqni në vazhdim intervistën e plotë me Valmir Elezin./Gazeta inFokus/

Subscribe në YouTube: GAZETA INFOKUSI
Marsi sjell Magji në ETC

Të tjera

Fokusi

fokus