Faktet e Infokus-it fituan përballë spekulimeve të Hysen Durmishit
Autori: Gazeta inFokus 14:49 | 22 July 2021
Faktet janë kokëforta! Thuhet se përball tyre heshtin edhe zotat. Këtë teori u përpoq të thyej zëvendësministri i Infrastrukturës, Hysen Durmishi, por në fund edhe ai u dorëzua- dështoi. Vetëm një javë më parë, ai provoi t’i demantonte faktet që i ofroi Gazeta Infokus, lidhur me vendimin e kundërligjshëm për dhënien e tenderit për tiketa ngjitëse në makina, tiketa këto që do të kushtonin 4.99 euro kujtdo që do ta regjistronte veturën pas 1 shtatorit.
Infokus kishte gjetur dëshmi se si ky tender ishte nënshkruar në kundërshtim me opinionin e Zyrës Ligjore të Ministrisë. E gjithë kjo ishte bërë me dijeninë e plotë të ministrit Liburn Aliu, kabinetit të tij dhe zëvendësministrit, Durmishi. Saktësisht, me datën 25.05.2021, Zyra Ligjore e Ministrisë së Infrastrukturës, i ishte drejtuar nëpërmjet një shkrese zyrtare drejtorit të operatorit ekonomik, “Auto Kontroll Kosova Sh.P.K”, Sedat Troshupa, me ç’rast e kishte njoftuar lidhur me procesin e tenderit për ofrimin e shërbimit “Tiketa Ngjitëse”.
Në atë përgjigje, Zyra Ligjore e kishte njoftuar operatorin ekonomik dhe njëkohësisht edhe ministrin Aliu, zëvendësministrin, Durmishi, kabinetin e ministrit dhe Departamentin e Automjeteve se ky proces ishte anuluar me vendim të Sekretarit të përgjithshëm të kësaj ministrie me datë 04.10.2019. Infokus e argumentoi këtë duke sjellë edhe numrin e protokollit që mbante vendimi, e që ishte 01.11756. Dokumenti sqaronte edhe detaje tjera se si Zyra ligjore i ishte përgjigjur në kërkesë drejtorit të kompanisë “Auto Kontroll Kosova Sh.P.K”, pasi paraprakisht kishte pasur takime dhe kërkesa nga vetë ministri Aliu.
Në vendim thuhej qartë se janë anuluar të gjitha veprimet që rrjedhin për vlerësimin e ofertave të tiketës se rregullsisë teknike të mjeteve me veprim motorik. Me këtë rast, Departamenti i automjeteve ishte obliguar për zbatimin e këtij vendim.
Për të kontraktuar një kompani për këtë shërbim, Ministria e Infrastrukturës, do duhej të fillonte procedurat e prokurimit nga fillimi, duke bërë shpallje publike dhe përzgjedhje të operatorit ekonomik sipas kritereve ashtu siç edhe kërkohet me procedurat e Ligjit të prokurimit publik. Një gjë e tillë është e sanksionuar me ligj edhe për shkak të validitetit të dokumenteve në dosjen e tenderit. Pra për çdo procedurë tenderuese kërkohen dokumente që kanë validitet të caktuar. Rrjedhimisht, nuk mund të vazhdohet me një proces i cili është zhvilluar rreth tri vite me parë dhe i cili ka qenë i anuluar me vendim të plotfuqishëm.
Arsyetimi i paqëndrueshëm i Durmishit
Zëvendësministri Durmishi e pati arsyetuar nënshkrimin e vendimit duke u thirrur se kanë qenë para aktit të kryer, pasi procesi kishte filluar në vitin 2018 në kohën kur Qeveria udhëhiqej nga Ramush Haradinaj e Ministria nga Pal Lekaj.
“Kur ne kemi ardhur në Qeveri e kemi gjetur marrëveshjen të gatshme vetëm duhej të nënshkruhej. Tre muaj nuk e kam nënshkruar këtë marrëveshje derisa jam siguruar se është gjithçka në përputhje me ligjin dhe procedurat dhe se është interes i Kosovës. Kam autorizuar auditim të komplet procesit dhe kam marr opinionet nga zyra ligjore e Kryeministrit dhe zyra ligjore e ministrisë. Të gjitha rekomandimet kanë qenë që duhet nënshkruar marrëveshja sepse në të kundërtën do të kemi dëme financiare si shtet sepse kompania e fiton rastin në gjykata. Unë e kam nënshkruar këtë marrëveshje me 8 qershor 2021”, pati deklaruar Durmishi.
Nga ky qëndrim, ai nuk u lëkund as ku u vu përball kryeredaktorit të Gazetës Infokus, Zekirja Shabani, në një debat në Kanal 10.
Shabani pati thënë publikisht se ajo çfarë po thoshte Durmishi nuk ishte e vërtetë.
“Hysen Durmishi nuk po e thotë të vërtetën për “taksen” 5 euro kur po thotë se nuk patëm qare pa e nënshkruar. Infokusi ka zbuluar se i tërë procesi ka qenë i anuluar kur ka ardhur në pushtet Durmishi me shokë. Madje për këtë punë ka qenë i njoftuar prej Zyrës Ligjore, siç edhe shihet në dokumente. Pyetja është: Çfarë zori pate për ta nënshkruar?”, i qe drejtuar Shabani, Durmishit.
Pezullimi i vendimit dhe kërkesat për dorëheqje të Durmishit
Tek sot Durmishi i pa gjërat ndryshe. U dorëzua dhe e pezulloj tenderin. Arsyetimi që e dha qe se ka gjetur dokumente e raporte që janë kontradiktore me njëra tjetrën.
“Unë jam bazuar në dy dokumente të rëndësishme para se të nënshkruaja marrëveshjen e ato janë: raporti i auditorit të brendshëm të ministrisë dhe opinioni i zyrës ligjore të Kryeministrisë i datës 20.01.2020, i harmonizuar me zyrat ligjore të MI, MAP dhe MD”, tha ai.
Por kjo tërheqje nuk po e amniston nga kritikat e opozitës dhe analistëve. Të dyja palët po i kërkojnë dorëheqjen.
“DORËHEQJA/SHKARKIMI NUK MJAFTON!”, ka shkruar Shkëlzen Gashi, ish- këshilltari i Albin Kurtit.
“I bëjmë thirrje Prokurorisë Speciale që ta hetojë të gjithë procesin në mënyrë që të mos kalojë në heshtje kjo çështje”, bëri thirrje në anën tjetër, shefi i GP të PDK-së, Abelard Tahiri.
Një ditë më herët, kryetari i Komisionit parlamentar për Ekonomi, Ferat Shala, në një intervistë për Gazetën Infokus, ka paralajmëruar se PDK-ja do t’i shfrytëzoi të gjitha mjetet juridike që taksa prej 5 euro të mos fillonte së zbatuari nga 1 shtatori.
“Duke qenë se nuk ka bazë ligjore për nxjerrjen e këtij vendimi dhe vendosjen e kësaj tikete, ky vendim i Ministrisë është vendim antiligjor. Arsyeshmëria që është dhënë nuk qëndron sepse tiketa nuk ndihmon asgjë sa i përket çështjes së përmirësimit të sigurisë në komunikacion. Janë faktorë të tjerë ata që e ndihmojnë sigurinë në komunikacion dhe identifikimin e automjeteve të paregjistruara. Vendimi po ashtu bie ndesh me ligjin sepse krijon monopol, dhe si i tillë çmimi i kësaj tikete është tepër i lartë dhe rëndon gjendjen e ekonomisë familjare. Prandaj, mendojmë se këtij vendimi i vije era korrupsion”, ka deklaruar Shala.
Kundër kësaj takse qe deklaruar edhe ish-kryeministri Ramush Haradinaj. Bile, ky i fundit i pati ftuar qytetarët që të protestojnë kundër zbatimit të një vendimi të tillë të Ministrisë së Infrastrukturës.
Efekti mediatik i Infokusit në anulim e pezullim tenderësh
Së fundmi, aktivistët e PSD-së, zhvilluan një aksion simbolik para ndërtesës së Qeverisë, duke vendosur pano me figurën e Durmishit ne ‘bankënotën’ 5 eurshe. Për koincidence, pak para nisjes së aksionit, u bë publike pezullimi i tenderit.
Vendimin përfundimtar për këtë tender, siç ka paralajmëruar Durimishi, do të merret “pas rishikimit të funksionimit të sistemeve dhe standardeve të kontrolleve të brendshme të ministrisë”.
Pezullimi i këtij tenderi, vjen pak kohë pas anulimit të një tenderi në Ministrinë e Bujqësisë. Pas shkrimit të Gazetës Infokus, se në këtë ministri ishin planifikuar 80 mijë euro për pije, ministri Faton Peci, e anuloi tenderit, pavarësisht se një këshilltare e tij, kishte pretenduar se gazeta po dezinformonte. Infokus, megjithatë e arriti efektin e vet mediatik./Gazeta Infokus/
Të tjera
-
Kosova në hall me para të rrejshme: 2’shi dhe 50’shja, më të falsifikuarat
Veç qytetarëve e policisë, telashe iu sollën edhe bankave komerciale. Dhje...
-
Në këto vende do të ketë sot ndërprerje të rrymës
KEDS ka njoftuar se sot do të kryhen punime të domosdoshme në sistem dhe për ...
-
Deklarimet e Vuçiqit për luftë, Butikofer reagon ashpër ndaj Borrellit e Lajçakut
Presidenti serb, Aleksandar Vuçiq ka paralajmëruar të dielën Perëndimin se at...
-
Java e Gruas – sot mbahet konferenca “Udhëhiq me gjithëpërfshirje: Ndërthurja e politikës me ekonominë”
Sot do të mbahet konferenca me temën “Udhëhiq me gjithëpërfshirje: Ndërthurja...
-
Gjykatësi: Michael Cohen, Stormy Daniels mund të dëshmojnë në gjyqin ndaj ish-presidentit Trump
Një gjykatës hodhi poshtë të hënën një kërkesë të ish-presidentit Donald Trum...
-
Zyrtari amerikan vjen në Kosovë, do të takohet me Osmanin
Ndihmëssekretari amerikan për Byronë Ndërkombëtare të Narkotikëve dhe Çështje...
-
Vazhdon gjykimi në Hagë ndaj ish-krerëve të UÇK-së
Në Dhomat e Specializuara të Kosovës në Hagë sot do të vazhdojë procesi gjyqë...
-
Çështja e dinarit, sot në Bruksel takohen Bislimi e Petkoviq
Zëvendëskryeministri i Kosovës, Besnik Bislimi dhe kryenegociatori i Serbisë,...
-
Ngjarjet për sot
Disa nga ngjarjet që pritet të zhvillohen sot në Kosovë. Vazhdon procesi g...
-
Moti me vranësira dhe me shi
Për sot në Kosovë parashikohet të mbajë mot kryesisht i vranët ku pritet të k...
-
Premtimi i Abelard Tahirit: Nëse Kurti edhe një herë bëhet kryeministër, unë e lë mandatin e deputetit
Shefi i Grupit Parlamentar të PDK-së, Abelard Tahiri, tha se do ta lë mandati...
-
Humolli: Kurti ka dështuar të krijojë një realitet të ri politik
Deputeti Fatmir Humolli, ka thënë se kryeministri i Kosovës, Albin Kurti, ka ...