Me 12 janar ishte data e fundit kur subjektet politike në Kosovë mund të zyrtarizonin koalicionet parazgjedhore.

Këtë të drejtë e shfrytëzuan vetëm dy partitët e komuniteteve, shkruan Gazeta inFokus.

Në një intervistë për Gazetën inFokus, zëdhënësi i KQZ-së, Valmir Elezi, ka thënë se partitë politike kanë kohë deri më 16 janar që të vendosin a do të kandidojnë në lista të përbashkëta në zgjedhjet e 14 shkurtit.

“Deri të shtunën me datë 16 janar është koha kur partitë politike e nismat qytetare kanë kohë për të paraqitur në KQZ aplikimin për pjesëmarrje në zgjedhje dhe listën e kandidatëve për deputetë dhe pastaj janë procedura të tjera edhe në ligjin për zgjedhje të përgjithshme, por edhe në aktgjykimin e Gjykatës Kushtetuese”, ka thënë Elezi.

Kujtojmë se partitë më të madha politike në vend nuk kanë bërë ndonjë koalicion parazgjedhor, e AKR-ja ka njoftuar se do të zyrtarizojë së shpejti kandidimin në një listë të përbashkët me LDK-në.

Për detaje të tjera mund të ndiqni në vazhdim intervistën e plotë me Valmir Elezin./Gazeta inFokus/