Deklarata e Vuçiqit se po kryhet terror në serbët e Kosovës, reagon ashpër analisti kosovar
Autori: Samire Jaha 11:08 | 24 August 2022
Presidenti i Serbisë, Aleksandër Vuçiq, në konferencën e fundit të mbajtur për media pas takimit në Bruksel me kryeministrin e Kosovës, Albin Kurti, ka pretenduar se ndaj popullit serb në Kosovë është duke u kryer terror që nga viti 1999 me nënshkrimin e Marrëveshjes së Kumanovës dhe krijimit të Rezolutës 1244.
E këtë deklaratë të tij analisti politik, Artan Muhaxhiri, e ka quajtur dramacitet të ekzagjeruar të tij, për çka edhe njihet presidenti serb, shkruan Gazeta Infokus.
Muhaxhiri në një prononcim për Gazetën Infokus tha se Vuçiq vazhdimisht synon ta paraqet veten si “mbrojtës të popullit të pambrojtur serb”.
“Aleksandar Vuçiq është politikan i njohur për dramaticitet ekzagjerues. Imazhi i tij është i një populisti tipik – me të folurën e ngadalshme, zërin e ulët, duke përzgjedhur fjalor patetik me të cilin dëshiron të jetë mbresëlënës për votuesit militantë. Ai vazhdimisht synon ta paraqet veten si “mbrojtës të popullit të pambrojtur serb” dhe “shpëtimtar universal ndaj të zezave që ia përgatisin forcat e errëta antiserbe”. Një ndër asetet kryesore të suksesit të tij është çështja e Kosovës, me të cilën ende fiton vota nga një kategori votuesish serbë të pa emancipuar politikisht. Realiteti është krejtësisht tjetër. Pakica serbe është e integruar konsiderueshëm edhe në institucionet kosovare, gjë që lehtësisht mund të dëshmohet nga çdokush që e viziton Kosovën”, deklaroi Muhaxhiri për Infokus.
Vuciq po ashtu tha se populli serb në Kosovë për shkak të kësaj gjendje është në vështirësi për mbijetesë. Analisti Muhaxhiri ka thënë se presidentin serb nuk e beson askush, pasi që kushtetuta e Kosovës ka treguar për të drejtat e jashtëzakonshme që u ofron pjesëtarëve të komunitetit serb.
“Kushtetuta e Kosovës është e famshme në botën e konstitucionalizmit për të drejtat e jashtëzakonshme që u ofron pjesëtarëve të komunitetit serb. Edhe liria e lëvizjes është përmirësuar pakrahasimisht në raport me periudhën e viteve të para pas 1999-ës. Deklaratat e tilla të Vuçiqit nuk i beson askush me rezon të shëndoshë politik në Ëashington dhe Bruksel. Por, as ai nuk ua dedikon atyre këto fjalë. Shënjestra e tij është elektorati serb. Shumica absolute e mediave në Serbi janë nën tutelën e tij, prandaj ai e orienton edhe diskursin publik. Edhe kompromiset e rëndësishme të cilat gjithsesi do t’i duhet t’i bëjë në raport me Kosovën, në mediat e veta ai do t’i prezantojë si fitore të mëdha”, tha analisti.
E si një shpresë të vetme për parandalimin e tensioneve, analisti politik e cilëson marrëveshjen e përbashkët me 1 shtator.
Ai tha se secili lider rajonal që do të ndikojë në trazimin e gjendjes do të ketë pasoja të mëdha politike në rrugët drejt integrimeve evropiane.
“Presioni i madh ndërkombëtar ndaj Kosovës dhe Serbisë për arritjen e një marrëveshjeje deri më 1 shtator është e vetmja shpresë për parandalimin e eskalimit të situatës. Shtetet e Bashkuara të Amerikës dhe Bashkimi Europian e kanë bërë të qartë që – për shkak të investimeve të tyre të mëdha gjeostrategjike dhe gjeopolitike – secili lider rajonal që ndikon në trazimin e gjendjes do të ketë pasoja të mëdha politike në rrugët drejt integrimeve europiane dhe strukturave globale”, ka deklaruar Muhaxhiri për Infokus.
Ndryshe takimi i fundit i përbashkët në mes të kryeministrit të Kosovës, Albin Kurti dhe presidentit të Serbisë me ndërmjetësim të Miroslav Lajçakut, i dërguari i Bashkimit Evropian (BE) për dialog dhe krye diplomatit europian Josef Borrel është mbajtur me 18 gusht në Bruksel.
Pas këtij takimi presidenti i Serbisë, Aleksander Vuçiq ka mbajtur konferencë ku edhe i ka treguar gjashtë pikat e marrëveshjes përfundimtare të Kosovës, për të cilat sot kryeministri Albin Kurti do të flet për takimin e përbashkët që kishte në Bruksel.
Ky takim erdhi pas tensionimit të situatës në veri të vendit, në ditën që Kosova nisi reciprocitetin në targa dhe dokumente.
Ndërsa vendimi i qeverisë së Kosovës për reciprocitet në targa dhe dokumente shtetërore, vendim ky që nxiti tensionimin e situatës në veri dhe ndalimin e qarkullimin me barrikada në kufij, ishte i mirëpritur nga ndërkombëtaret. Zyrtarë të BE-së deklaruan se vendimi ishte në përputhje dhe në koordinim me Bashkimin Evropian./Gazeta Infokus/
Të tjera
-
Avokati i Thaçit: Sipas llogaritjeve tona, Prokuroria nuk e përfundon çështjen deri në maj të 2027-ës
Në konferencën mbi ecurinë e çështjes në rastin ndaj Hashim Thaçit, Kadri Ves...
-
“PDK-ja me LVV-në e kanë shumicën, mund ta shpërndajnë të vetëm Kuvendin dhe vendi të shkojë në zgjedhje”
“Lëvizja Vetëvendosje së bashku me PDK-në dhe komunitetet i kanë më shumë se ...
-
Lladrovci thotë se tërheqja e terroristëve duhet komunikuar me aleatët: Diçka e tillë nuk guxon të përsëritet
KFOR-i mohon se ndërmjetësuan për ikjen e grupit terrorist nga Banjska, por s...
-
Drejtuesit e automjeteve në Zvicër do të përballen me mbylljen e autostradave këtë verë
Vozitja në rrugët zvicerane gjatë periudhave të pikut të udhëtimit, siç janë ...
-
Limaj thotë se PDK ka rënë në “kurthin” e Kurtit
Kreu i Nismës socialdemokrate, Fatmir Limaj në një intervistë për emisionin I...
-
Kurti e pret në takim profesoreshën Vjollca Konjufca, ZKM: Folën për punën hulumtuese-shkencore
Kryeministri Albin Kurti e ka pritur sot në takim profesoreshën Vjollca Konju...
-
LDK: Mbështetja e palëkundur e ShBA’ve dhe aleatëve tjerë rezultoi në avancimin e Kosovës në AP të NATO’s
Lidhja Demokratike e Kosovë nëpërmjet një reagimi ka theksuar se “mbështetja ...
-
222 km/h në autostradën “Ibrahim Rugova”, shoferi dënohet me 500 euro gjobë
Policia e Kosovës ka njoftuar se e ka ndëshkuar me 500 euro gjobë dhe 6 muaj ...
-
Ramush Haradinaj kërkon një qeveri të re pa Albin Kurtin
Kryetari i Aleancës për Ardhmërinë e Kosovës, Ramush Haradinaj, i është përgj...
-
Adnan Rrustemi i VV-së: LDK dhe AAK ose janë të kënaqur me qeverinë Kurti ose kanë frikë nga zgjedhjet
Kryeministri i Kosovës, Albin Kurti siç duket nuk e ka ndërmend që të japë do...
-
Kurti: Mbi gjysmë milion euro janë dedikuar për digjitalizimin e shërbimeve të Bibliotekës Kombëtare
Kryeministri Albin Kurti, mori pjesë në hapjen e edicionit të 21-të të Javës ...
-
Kadri Veseli për herë të parë deklaratë në seancë: Dikush duhet të marrë përgjegjësinë për këtë proces
Për herë të parë pas nisjes së gjykimit në Gjykatën Speciale, ka folur në një...