ALARMANTE: Drejtori i anti-drogës e konfirmon rritjen e përdoruesve të drogave
Autori: Gazeta inFokus 18:43 | 09 May 2023
Numri i përdoruesve të substancave narkotike është rritur në mënyrë masive në Kosovë.
Këtë e ka konfirmuar edhe drejtori i anti-drogës, Reshat Murselaj, në një intervistë ekskluzive për Gazetën inFokus.
“Bazuar në statistika vërehet një tendencë e rritjes, ka disa raste të iniciuara të posedimit, të cilat flasin se ka filluar pak më shumë të ketë prezencë të drogave në Kosovë, kryesisht prinë përdorimi apo prezenca e Marihuanës, pastaj kemi Kokainën prezente, kemi droga të tjera më pak është Heroina kemi edhe droga tjera Ekstazia siç e quajmë ne, të cilat janë kryesisht në formë të tabletave të ndryshme”, është shprehur Murseli.
Sipas Murselaj, shqetësimi më i madh është përdorimi i lëndëve narkotike nga moshat e reja.
“Mosha varion, por kryesisht në bazë të rasteve të iniciuara dhe informacioneve që i posedon policia e Kosovës, kemi raste të iniciuara që nga mosha 16 vjeçare deri në moshat e vjetra, por prezenca më e madhe e përdorimit dhe abuzimit me drogë është kryesisht në moshat rinore 18 deri në 40 vjet“, deklaroi Majori i policisë nga Njësia Rajonale e Antidrogës.
Prezenca e drogës tashmë nuk mungon as në shkolla, por sa është e pranishme policia për parandalimin e kësaj dukurie tregon vet Murselaj.
“Ne kemi hartu plane të ndryshme operative, kemi bashkëpunuar me drejtoritë rajonale, jemi munduar që në forma të ndryshme të jemi të pranishëm në shkolla, jo vetëm me prezencën e uniformës por edhe me prezencë civile dhe jemi mundu me qenë prezentë shumicën e kohës gjatë orarit të mësimit, ndoshta nuk ka qenë e mjaftueshme asnjëherë me prezantu çdo herë policia, por në të gjitha rastet në të cilat një shkollë apo çfarëdo institucioni kërkon ndihmën policore ne kemi qenë prezent, por kryesisht drejtoritë rajonale të policisë dërgojnë patrolla rutinë për sigurinë në shkolla”, ka potencuar drejtori i anti-drogës.
Ndërsa për fund Murselaj, ka përcjellë një mesazh për të gjithë qytetarët që të bashkëpunojnë për parandalimin e këtij fenomeni.
“Ne i bëjmë mesazh të gjithë qytetarëve të Kosovës, që sa më shumë të jenë bashkëpunues me policinë e Kosovës dhe çdo dukuri negative në veçanti kur ata dyshojnë se hasin në droga, të bashkëpunojnë drejtë për së drejti me Policinë e Kosovës, ta kenë besimin e plotë tek institucionet e sigurisë dhe një ashtu tek të gjithë familjarët që mos të hezitojnë që policia e Kosovës nuk mundet me kry punën në këtë drejtim, por ta kenë një besim të plotë t’i raportojnë, raportimi në kohë dhe qasja në kohë ndaj kësaj problematike, sjell rezultate shumë më të shpejta edhe më pozitive, vonesat na shkaktojnë telashe si në aspektin shëndetësor, si në aspektin e sigurisë, ne po jemi dëshmitar të asaj që tendenca fenomeni drogë është fenomen global dhe pasojat janë jo vetëm brenda territorit tonë por janë në të gjithë globin dhe kjo e kërkon një bashkëpunim apo një forcë të përbashkët për të arritur një qëllim të mirë, nga fakti që Kosova e ka një rini më të mirën në rajon dhe më të rejën në rajon, tendenca e grupeve kriminale për prezencën e drogave janë ndoshta më të shprehura këtu, andaj neve na duhet një bashkëpunim që të kemi një rezultat më të mirë për një siguri më të mirë”, deklaroi majori i policisë.
Ndryshe, aktualisht në Kosovë janë 808 raste aktive të cilët janë abuzues të drogave dhe 1066 të dyshimtë. /Gazeta inFokus/
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...