Flet hoxhë Fatmir Latifaj pasi me Shefqet Krasniqin vizituan familjet Mehmeti e Rafuna, “Falja është në traditën Shqiptare e jo hakmarrja”
Autori: Halil Berisha 11:46 | 11 September 2019
Më 5 shtator, një tragjedi në Prishtinë tronditi të gjithë Kosovën.
Aty, në lagjën Mati 1, pas një kacafytje mes dy familjeve Rafuna e Mehmeti, mbetën të vrarë nga një person për familje dhe dy të tjerë të plagosur, shkruan gazeta inFokus.
E pesë ditë pas kësaj, dy hoxhallarët, Fatmir Latifaj dhe Shefqet Krasniqi, vizitua të dy familjet në Prishtinë.
Mirëpo, vizita nuk ishte vetëm për kryeshnosh. Aty, dy hoxhallarët shkuan me një mision, pajtimin mes dy familjeve.
E imami nga Mitrovica, Fatmir Latifaj, në një prononcim për gazetën inFokus, japi detaje nga kjo vizitë.
“Ne ishim dje tek dy familjet të cilat vërtetë veprimet e të dy familjeve e tronditën tërë opinionin shqiptar, falë zotit që ajo tragjedi nuk shkoj më gjatë, përkohësisht është ndërpre, jemi të interesuar me ja vendos kapakun këtij rasti të rëndë e të vështirë, sa më gjatë vazhdon, nuk kontribuon në stabilitetin e asnjërës familje e as të proceseve që po shkon vendi. Ne mirremi me pajtime, mision i joni që ja kemi vendos obligim vetës tonë, e mijëra raste i kemi pajtu e përafru e hap një faqe të re të raporteve të familjarëve”, tha Fatmir Latifaj.
Tutje, Latifaj shtonë se pritja nga të dy familjet ishte mbresëlënëse dhe se do të vazhdojnë pavarësisht vështirësive që të shkojnë deri në fund e të shtrihet dora e pajtimit.
“Morrën një iniciativë me shku aty, pritja e tyre ishte mbresëlënëse edhe tek familja Mehmeti e edhe tek familja Rafina, na pritën mirë, ne i treguam se është iniciativë personale pasi populli shqiptarë e ka pas traditë faljen e jo hakmarrjen, për shkak se këto janë prapambeturi e zakone që e pengojnë progresin e popullit Shqiptar. E pritën me plotë zemër, sa u vërejtë iniciativa jonë ka hasur në mirëkuptim tek të dy familjet, ne konkludojmë se rasti është i rëndë e i ndjeshëm pasi jetojnë në një bllok banesor e fqinjësi mbi 50 vite që është përmbysë përnjëherë, e me atë tragjedi që e tronditi opinionin ne do të kemi vërtetë mundime të mëdha deri në përfundim, në shtrirjen e dorës së pajtimi”.
Kjo vizitë sipas Latifajt u mirëprit nga shumë qytetarë, e për të cilët ka një lutje.
“Vizita që ndodhi dje është mirëpritë prej të gjithë opinionit shqiptar që ne të vazhdojmë, neve na motivojnë pastaj edhe thirrjet sporadike të miqve për të vazhduar procesin e pajtimit, neve do të na motivojnë, ne ndoshta dy ose tre ditë do të kemi pauzë e presim pasi të përfundojnë të pamën, presim si po shkon shërimi, e lus All-llahun, e tani të hec në mënyrë të ekuilibruar pajtimi e shërimi.
Përmes kësajinterviste e lus Zotin e madh me na mundësu me i pajtu, por ne duhet të punojmë në tokë, e më së miri me na ndihmu munden familjartë, miqësia e të dy palëve edhe Rafuna e edhe Mehmeti, apeloj tek ta që të gjithë familjarët e rrethi më i gjërë i njerëzve që kanë ndikim, ma së paku çka mundem me bë, me i thanë familjarëve që po jubjen barra mbi supe, amani ju koftë ndëgjojeni hoxhën e për hirë të All-llahut, ta mbyllin këtë tragjedi që nuk i takojnë popullit në rrethanat ku po jetojmë”.
Hoxhë Fatmir Latifaj në këtë intervistë për gazetën inFokus u bëri ftesë që në pajtime të kontribuojnë të gjithë që nga organet e rendit e deri tek shoqëria civile e qytetarët.
“Përafërsisht 1700 vëllavrasje kanë ndodhë pas lufte, ende as gjysmën e këtyre familjeve të prekura prej kësaj dukuria nuk kemi arritur t’i pajtojmë, në vend që të punojmë të gjithë, organet e rendit, shoqëria civile, hoxhallarët e njerëzit e vullnetit të mirë, të punojmë, po nuk po na shkon java e jo më muaji që nuk po na shtohet numri”.
Ndërsa për rastin Mehmeti e Rafuna, Latifaj tha që nuk ka diçka konkrete tani, por që i lutë të pajtohen.
“Diçka konkrete nuk ka iniciativa është personale, nga thellësia e zemrës, ata duhet me u pajtu, e duhet me rihap një faqe të re të bashkëpunimit, po si do te rrjedh nuk e di”./Gazeta inFokus/
Të tjera
-
Shitet për një vlerë marramendëse, ora e njeriut më të pasur të Titanikut
Një orë xhepi prej ari, e gjetur në trupi e njeriut më të pasur në bordin e T...
-
Burri në Viti raporton se i është vjedhur kasaforta me para
Një burrë në Viti ka raportuar se persona të panjohur kanë vjedhur një kasafo...
-
U dërgua në gjendje të rëndë shëndetësore në QKUK, vdes shtetasja serbe
Të shtunën në Qendrën Klinike Universitare të Kosovës ka ndërruar jëtë një gr...
-
Iraku miraton ligjin kundër marrëdhënieve të së njëjtës gjini, deri në 15 vjet burg
Parlamenti i Irakut ka miratuar një ligj që dënon marrëdhëniet e të njëjtës g...
-
Tahiri: Kurti të jap shpjegim pse Serbia mbeti e pa ndëshkuar pas sulmit në Banjskë
Ish-kryenegociatorja e Kosovës në dialogun Kosovë-Serbi, Edita Tahiri ka kërk...
-
Moti sot me diell, temperaturat deri në 17 gradë Celsius
Sot në Kosovë parashihet të mbajë mot me diell e me vranësira të shpërndara. ...
-
Kusari-Lila: Dërgimi i draftit të Asociacionit në Kushtetuese s’është kusht para votimit në KiE
Shefja e Grupit Parlamentar të Lëvizjes Vetëvendosjes Mimoza Kusari-Lila, ka ...
-
Hamasi po shqyrton propozimin Izraelit për armëpushim në Gazë
Përfaqësues të grupit të militantëve të Hamasit thanë se kishte marrë të shtu...
-
Presidentja uron Sierra Leonen për pavarësi
Presidentja Vjosa Osmani ka uruar në X homologun e saj të Sierra Leones për D...
-
Australia do e ndihmojë Ukrainën me mbi 61 milionë euro
Australia ka njoftuar një paketë ndihme ushtarake për Ukrainën me vlerë mbi 6...
-
Gjashtë gjëra që duhet të dini për pagat në Zvicër
Nëse jetoni dhe punoni tashmë në Zvicër, (ose jeni gati të zhvendoseni këtu),...
-
“Pjesëmarrja në regjistrimin e popullsisë shumë e lartë”, koordinatorja e OKB-së e kënaqur me procesin
Koordinatorja e OKB-së për Zhvillim, Arnhild Spence, ka thënë se procesi i re...