Adresimi vjetor i Osmanit në Kuvend: E duartrokitur nga LVV-ja, e injoruar nga LDK-ja dhe e bojkotuar nga PDK e AAK-ja
Autori: Gazeta inFokus 11:16 | 15 December 2022
Vetëm partisë në pushtet, Lëvizjes Vetëvendosje, duket se i bëri përshtypje fjalimi vjetor i presidentes, Vjosa Osmani në Kuvend. Grupi parlamentar i pozitës ishin të vetmit që u ngritën në këmbë dhe duartrokitën adresimin e saj.
E ndonëse, Lidhja Demokratike e Kosovës, vendosi të qëndrojë në Kuvend, injorimi për këtë fjalim ishte më se i dukshëm. Të pa interesuar për të dëgjuar se çfarë kishte për të thënë presidentja e duke injoruar tërësisht në fund duartrokitjet, deputetët e LDK-së, ish kolegët e Osmanit kaluan në seancën tjetër.
Ata le që nuk u ngritën në këmbë mirëpo as nuk e panë të arsyeshme që të duartrokisnin pas fjalimit.
FJALIMI I SAJ I PLOTË: VIDEO
Sot, Osmani, përfundoi adresimin e saj vjetor përballë deputetëve, derisa ishin vetëm grupi parlamentar i pozitës ata të cilët në fund të fjalimit u ngritën në këmbë duke duartrokitur fuqishëm.
Osmani në adresimin e saj u injorua nga LDK-ja mirëpo dy partitë e tjera opozitare e bojkotuan fare fjalimin. Partia Demokratike e Kosovës, njoftoi para seancës se deputetët e saj nuk do të jenë në këtë seancë duke e quajtur të dështuar punën e presidentes.
“I nderuar kryetar i Kuvendit të Republikës së Kosovës, zotëri Konjufca, të nderuar zv. Kryeministra, të nderuar anëtarë të kabinetit qeveritar, shumë të nderuar deputetët të Kuvendit të Republikës së Kosovës e të dashur qytetarë”, kështu e nisi Osmani fjalimin e saj, ani pse nuk u nderua nga shumica e deputetëve të opozitës.
Ndërsa kryeministri i Kosovës, Albin Kurti nuk ishte pjesë e kësaj seance, arsyeja mund të jetë sepse sot në orën 13:00, pritet të niset për në Pragë ku do të dorëzojë aplikimin e Kosovës si anëtare e BE-së.
Ani pse kreu i tyre mungoi, në Kuvend gjendeshin pjesa tjetër e kabinetit qeveritar. Mirëpo fjalimi i Osmanit duket se nuk i bëri shumë përshtypjeve as ministrave për të cilët në shumicën e kohës gjatë adresimit së Osmanit, më interesant ishin telefonat mobile të tyre. Ani pse nuk e dëgjuan nuk hezituan të duartrokisnin dhe të ngriteshin në këmbë.
Si do që të jetë, presidentja përfundoi punën e saj për të cilën obligohet në bazë të Kushtetuës, e që është adresimi i saj të paktën një herë në vit, përballë deputetëve.
Ajo foli për shumë tema e zhvillime në të cilat u gjend Kosova së fundi. Edhe pse nuk ishin në seancë ajo i bëri thirrje indirekt edhe opozitës që në kohëra të vështira, në kohëra krize, duhet të jenë të bashkuar.
“Përderisa këto sfida globale të sigurisë globale të sigurisë kanë krijuar sfida në ekonomi dhe në sigurinë energjitë, t’i kujtojmë sfidat e çdoditshme më të cilat përballet qytetari ynë dhe të mendojmë nëse veprimi ynë politik ka qenë i mjaftueshëm për ta. Në situata të tilla të rënda të gjithë duhet t’i tejkalojmë dallimet e përditshme e ti bashkojmë forcat e mendjet në mënyrë që masat që ndërmerren të kenë në fokus vetëm e vetëm interesin qytetar në përballje me këto kriza. Pavarësisht sfidave, ky vit solli konsolidimin dhe fuqizimin e mëtejmë të shtetit, të institucioneve të tij, të gatishmërisë së tyre për tu dalë zot kërkesave të qytetarëve”, tha Osmani.
Derisa foli edhe për dhunën në familje e vrasjen e grave, duke bërë thirrje që të luftojmë e të raportojmë dhunën.
Ndërsa për zhvillimet e fundit në veri, Osmani pati disa mesazhe të fuqishme dejt Beogradit nga foltroja e Kuvendit.
Osmani tha se Serbia e Vuçiq e dinë shumë mirë se prania e ushtrisë serbe në Kosovë ka marrë fund më 12 qershor 1999.
“Jemi të gjithë dëshmitarë të kërcënimit të vazhdueshëm të Serbisë ndaj Kosovës. Ky kërcënim me përmasa agresioni së fundi është shpërfaqur nëpërmjet idesë hegjemoniste të vendosjes së trupave ushtarake të Serbisë në Kosovë. Por, Serbia dhe udhëheqësi i saj Vuçiq e dinë fare mirë se prezenca e ushtrisë serbe në territorin e Kosovës mori fund më 12 qershor 1999. Më 1999, kur trupat e NATO-s thyen boshtin kurrizor të idesë hegjemoniste te Serbisë për një Kosovë pa shqiptarë ku shfarosja ishte qëllimi gjenocidal i Millosheviqit”, ka theksuar Presidentja Osmani./Gazeta Infokus/
Të tjera
-
Xhamia e shkatërruar në luftën e Bosnjës ngrihet nga rrënojat
Për gati 400 vjet, një xhami osmane e shekullit të 16-të ishte në Banjallukë,...
-
Arrestohet një serb për vepra penale kundër rendit kushtetues të Kosovës
Prokuroria Speciale ka njoftuar se ka arrestuar një person me inicialet S.M.,...
-
Temat e mëdha e kthejnë Kurtin tek opozita, darka e 13 majit si lutje për votë në Kuvend?
Tema e anëtarësimit në Këshill të Evropës dhe votimi i Kodit Civil janë dy çë...
-
Nisin takimet VMRO – VLEN, për qeverinë e re në Maqedoninë e Veriut
Kryetari i VMRO-DPMNE, Hristijan Mickoski është takuar me liderët e koalicion...
-
Memli Krasniqi i thotë “PO” ftesës së Kurtit për takim, LDK e AAK ende nuk kanë vendosur
Kryetari i PDK-së, Memli Krasniqi, do t’i përgjigjet ftesës për një takim pun...
-
Abdixhiku takon kompozitorin Boshnjaku: Idetë e tij do t’i përfshijmë në “Rruga e Re”
Kryetari i LDK-së, Lumir Abdixhiku, ka takuar kompozitorin Florent Boshnjakun...
-
Policia e Kosovës i shqiptoi mbi 2 mijë e 100 gjoba në trafik për 24 orë
Policia e Kosovës njofton se për 24 orë, ka shqiptuar 2140 gjoba në trafik. ...
-
A do të shkojnë në darkën e punës të thirrur nga Kurti, flasin nga PDK
Kryeministri i Kosovës, Albin Kurti, i ka ftuar në një darkë pune liderët e t...
-
Hoti thotë Kurti me VV-në e Guxo-n kanë cenuar demokracinë parlamentare
Deputeti i LDK-së, Avdullah Hoti, vlerëson se mazhoranca bashkë me qeverinë k...
-
Inspektorati policor do të hetojë konkursin e gradimit për rreshter në polici
Inspektorati Policor i Kosovës ka njoftuar se do të hetojë dhe do të inspekto...
-
Osmani takon Kongresmenin republikan: Një zë i fuqishëm i mbrojtjes së aleancës mes Kosovës e ShBA-ve
Presidentja Vjosa Osmani është takuar me Kongresmenin republikan Keith Self, ...
-
Ushtroi dhu*në ndaj gruas së tij, arrestohet një person në Dragash
Një person në Dragash është arrestuar të enjten pasi i njëjti kishte ushtruar...