Kuzhina

Sallatë me shegë dhe fara lulëkuqe, recetë nga Lindja e Mesme

Autori: Gazeta inFokus 19:59 | 07 November 2023

Në recetën origjinale përdoret qumështi i thartë i deles, por e kemi zëvendësuar me qumësht lope, e kemi provuar edhe me kos grek dhe ai version është perfekt

Nuk është e komplikuar të gjesh të gjithë përbërësit e nevojshëm, ndaj ja recetën më poshtë, nëse dëshironi ta provoni në kuzhinën tuaj.

Përbërësit:

-Advertisement-

– 6 deri në 8 gjethe sallate te gjelbër,
– 1 filxhan bajame (të papërpunuara ose të thekura lehtë),
– 2 mollë,
– gjysmë filxhani djathë feta
– tre të katërtat e filxhanit me shegë (farat e hequra),
– 1 lugë fjolla tërshëre.

Për salcë:

– jogurt ose kos grek (tri të katërtat e një gote të madhe ose një e gjysmë e gotave më të vogla plastike në të cilat shiten),
– një lugë e vogël majonezë,
– 1 deri në 2 lugë të vogla uthull,
– 1 lugë gjelle lëng limoni,
– 2 lugë të vogla fara lulëkuqeje (te sapogrira, të blera sipas masës në dyqane ushqimesh të shëndetshme),
– nëse dëshironi që shija të jetë pak “më e butë”, mund të shtoni edhe pak arrë kokosi ose sheqer të verdhë, sipas shijes suaj.

Përgatitja:

Pritini mollët në kubikë, më pas në një enë të madhe përzieni sallatën e gjelbër, bajamet, fetën, kokrrat e shegës dhe fjollat e tërshërës.

Për salcë, përzieni jogurtin (ose kosin grek), majonezën, uthullën, lëngun e limonit dhe farat e lulëkuqes në një tas më të vogël.

Vendoseni salcën sipër sallatës dhe përzieni mirë, lëreni të qëndrojë për dhjetë minuta në mënyrë që fjollat e tërshërës të thithin salcën dhe më pas shijoni këtë kombinim shijesh interesant dhe freskues.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Rakinica e Skenderajt bëhet me rrjet të ri elektrik

Të tjera

Fokusi

kuzhina-2