Kuzhina

Frape me hurma dhe banane

Autori: Gazeta inFokus 17:27 | 19 March 2024

Shumë lehtë për t’u përgatitur dhe fantastike për organizmin tuaj, veçanërisht gjatë agjërimit

Hurmat janë ushqimi më i kërkuar gjatë muajit të Ramazanit, sepse në traditën islame është zakon që agjërimi të ndërpritet me hurma. Megjithatë, hurmat janë pjesë përbërëse e ëmbëlsirave të shumta dhe gjithnjë e më shumë ato janë një përbërës i domosdoshëm në smoothie.

Hurmat kanë një gamë të gjerë vlerash shëndetësore dhe ushqyese, për këtë arsye ato konsiderohen si fruti më i shëndetshëm në tokë. Ato janë një burim ideal i fibrave natyrale që janë të nevojshme për funksionimin e duhur të trupit. Sheqeri natyral që gjendet në hurma është një alternativë e përkryer ndaj sheqerit të zakonshëm. Ato treten lehtësisht dhe ulin ndjenjën e urisë.

-Advertisement-

Hurmat janë kryesisht shumë ushqyese, sepse ato janë të thara, prandaj përmbajtja e kalorive është më e lartë se ajo e shumicës së frutave të freskëta, dhe shumica e këtyre kalorive vijnë nga karbohidratet.

Për shkak të vlerave ushqyese që ka, përveç prishjes së agjërimit, rekomandohet konsumimi i hurmave në syfyr, për të nisur agjërimin.

Hurmat mund të jenë pjesë përbërëse e pjatave moderne, si dhe smoothie-ve me vlera ushqyese, transmeton Telegrafi.

Përbërësit:

▪ 2 gota qumësht,
▪ 1 banane të ngrirë,
▪ 30 g hurma,
▪ 20 g bajame,
▪ 1/8 lugë çaji kanelle.

Përgatitja:

Përbërësit e përgatitur vendosni në një blender dhe më pas përzieni.

Pas shërbimit, shijoni pijen ideale të Ramazanit.

Subscribe në YouTube: GAZETA INFOKUSI
Thyhet REKORDI I ZBRITJEVE!

Të tjera