Fokus

Sa i kushtoi Komunës së Kamenicës pajisja e shkollave me kompjuterë dhe laptopë të rinj?

Autori: Elvira Haxhiu 15:05 | 23 February 2023

70 mijë e 409 euro, i ka kushtuar Komunës së Kamenicës blerja e pajisjeve elektronike për shkollat në këtë qytet, shkruan Gazeta Infokus.

Nga zyra për informim e komunës kanë konfirmuar për Gazetën Infokus se për blerjen e 43 monitorëve, 83 shtëpizave dhe 38 laptopëve janë nënshkruar tri kontrata me çmime të ndryshme.

“Janë tri kontrata me tri çmime: 53,256.00 euro, 2,723.60 euro, 14,430.00 euro”, thuhet në përgjigjen e tyre.

-Advertisement-

Sipas komunës së drejtuar, nga Kadri Rahimaj, nga Lëvizja Vetëvendosje, deri më tani me kompjuterë janë pajisur shtatë shkolla.

Kabineti i informatikës në SHFMU “Avni Rrustemi” në Karaçevë të Epërme

Ndërsa numri i kompjuterëve në shkolla është bërë në koordinim me numrin e nxënësve në klasa.

“Nëse një klasë ka pas numër më të madh të nxënësve aq kompjuterë janë dërguar”, thuhet në përgjigjen e tyre për Infokus.

E përkundër furnizimit me kompjuterë dy shkolla të Komunës së Kamenicës ende po hasin në vështirësi, kjo pasi në këto institucione arsimore mungon hapësira për vendosjen e pajisjeve elektronike, pra nuk kanë kabinet të informatikës.

Kabineti i informatikës në SHMLM “Sejdi Kryeziu” në Roganë

“Nuk ka shkollë që nuk ka kompjuterë, por kemi dy shkolla që nuk kanë kabinet të informatikës”, thuhet tutje në përgjigjen e komunës.

Ndryshe, gjatë vitit 2022 janë blerë 16 kompjuterë për kabinetet e shkollave profesionale në Kamenicë.

E përveç institucioneve arsimore, pa kompjuterë të rinj nuk mbeti as vetë komuna e cila gjithashtu u furnizua. Mirëpo, nuk dihet se sa të tillë kanë shkuar për komunën dhe se a janë në kuadër të tri kontratave të lartcekura.

Kujtojmë se para disa vitesh shkollat e Kamenicës kanë hasur në vështirësi për shkak të mungesës së theksuar të pajisjeve elektronike në këto institucione arsimore./Gazeta Infokus/

Kabineti i informatikës në SHFMU “Asllan Thaqi” në Karaçevë të Ulët

Subscribe në YouTube: GAZETA INFOKUSI
BKT Kosova vlerësohet për herë të tretë "Banka e Vitit 2023 në Kosovë" nga The Banker

Të tjera

Fokusi

fokus