Plani për vrasjen e Albin Kurtit: Personat e përfshirë në plan duhet të ishin të arrestuar
Autori: Elvira Haxhiu 13:49 | 21 September 2022
Bedri Elezi, njohës i çështjeve të sigurisë planin për vrasjen e kryeministrit të Kosovës, Albin Kurti, e ka vlerësuar si çështje mjaft serioze, shkruan Gazeta Infokus.
Në një përgjigje për Gazetën Infokus, Elezi ka thënë se raportimet e tilla duhet të merren shumë seriozisht dhe personat përgjegjës te vendosen para përgjegjësisë.
Madje ai thotë se nëse ka pasur një plan të tillë, të dyshuarit për këtë rast do të duhej te arrestoheshin. Derisa për të rrezikuarit nga ky plan, sipas Elezit do të duhej të merreshin masa të sigurisë.
“Në rast se kemi pasur informacione të rrejshme, atëherë, kemi të bëjmë çështje shumë serioze për performancën e institucioneve të sigurisë, qoftë AKI apo SHISH, sepse këto institucione kanë mekanizimin e duhur për trajtimin e informacione të pasakta apo edhe penetrimin eventual”, ka thënë ai.
Gjithashtu, njohësi i çështjeve të sigurisë ka thënë se në rastin e kryeministrit duhet të ketë informacione se a e kanë arritur objektivin të interesuarit për vrasjen e tij dhe kanë hequr dorë apo ende nuk kanë përfunduar përpjekjet për këtë vrasje.
“Në këtë rast kemi të bëjmë me çështje shumë serioze, ngase ose kemi një përpjekje për vrasjen e zyrtarëve shtetëror, ose kemi institucione të sigurisë në nivel shumë rëndë dhe vërtet merren me çështje apo informacione qesharake”, ka thënë Elezi.
Ndërkaq, sipas tij nëse ky informacion është i vërtetë, atëherë gjendemi para një situate sfiduese, ngase qytetarët e Kosovës mund të ndihen të rrezikuar nga persona a po grupe që merren organizimin e vrasjeve.
E nga ana tjetër, njohësi i çështjeve të sigurisë, Agim Musliu, ngriti dyshime se pas këtij plani mund të jetë Serbia. Kjo pasi sipas tij një nga format e veprimit të shërbimeve sekrete të Serbisë ka qenë që kur kanë planifikuar të vrasin një shqiptar, vrasësi do të duhej të ishte shqiptar.
Musliu gjithashtu ka thënë se duhet të jemi të vëmendshëm për të kaluarën dhe për të ardhmen.
“Një nga format e veprimit të shërbimeve sekrete serbe, ka qenë dhe me gjasë mbetet ende, që kur kane dashur ta vrasin një shqiptar, vrasësi duhej te ishte shqiptar.
Prandaj, sytë hapur për të kaluarën, dhe veçmas për të ardhmen!!!”, ka shkruar eksperti i sigurisë.
Të hënën në media u raportua për një plan të vrasjes së kryeministrit Kurti në vitin 2021.
E për këtë plan në dijen ishte edhe Zyra e Kryeministrit, të cilët për Gazetën Infokus thanë se institucionet e sigurisë i kishin ndërmarrë të gjitha masat për parandalimin e këtij veprimi.
“Kryeministri i Republikës së Kosovës, Albin Kurti ka qenë i njoftuar për këtë rast nga Agjencia e Kosovës për Inteligjencë. Institucionet e sigurisë i kanë ndërmarrë të gjitha masat për parandalimin e këtij veprimi. Rasti nuk është bërë publik për të mos përhapur panik”, thuhet në përgjigjen nga zyra e kryeministrit.
Siç ka raportuar dje A2CNN, thuhet se kështu rezulton në një dokument të bërë publik këtë të hënë nga hakerat, i cili dyshohet se është marrë nga emaili i Drejtorit të Përgjithshëm të Policisë së Shtetit në vitin 2021, Gledis Nano.
Në dokument theksohet se Njësia Kundër Terrorizmit në Kosovë ka marrë informacione për atentat ndaj kryeministrit të Kosovës, Albin Kurti, të Ismet Haxhës, ish-anëtar i Shërbimit Informativ të Kosovës dhe i afërm i Kadri Veselit dhe Xhavit Halitit, anëtar i Partisë Demokratike të Kosovës dhe ish-deputet.
I dyshuari është një shtetas shqiptar, i datëlindjes 01.05.1976. Në dokument theksohet se ai ka aftësi të mira në përdorimin e snajperëve dhe armëve të tjera. Ai dyshohet se është përfshirë në disa vrasje në Kosovë dhe Mal të Zi. Ndërkohë, Kodra dyshohet se jeton në Shkodër, ndërsa lëviz në Tropojë, Ferizaj dhe Deçan të Kosovës. /Gazeta Infokus/
Të tjera
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...