Krejt çka ndodhi dje gjatë vizitës së delegacionit amerikan në Kosovë
Autori: Gazeta inFokus 10:09 | 22 September 2020
Para se të vinin flitej që do të nënshkruheshin marrëveshje.
Por, këtë gjë kabineti i Kryeministrit të Kosovës, Avdullah Hoti, e mbatën sekrete, duke mos zbuluar asnjë detaj, shkruan Gazeta Infokus.
Megjithatë, kjo e fshehur për qytetarët mbeti deri në arritjen e amerikanëve në Kosovë.
Të udhëhequr nga Richard Grenell erdhën edhe 13 zyrtarë të tjerë nga gjashtë agjenci.
Në mesin e tyre ishte edhe Kryeshefi ekzekutiv i Korporatës Ndërkombëtare të Financave dhe Zhvillimit në ShBA, Adam Boehler, përfaqësues të USAID-it, kryetari i Bankës së Eksport-Improtit të ShBA-ve dhe zyrtarë të tjerë të lartë të Qeverisë nga Departamentet e Energjisë dhe Tregtisë në ShBA, shkruan Gazeta Infokus.
Ani se shumë persona, takimi ishte goxha i shkurtër, as një orësh.
E menjëherë pas këtij takimi, Kryeministri i Kosovës Avdullah Hoti dhe Adam Boehler nënshkruan deklaratë të përbashkët, ku mirëpresim “përfundimin e shpejtë të një marrëveshjeje të re për nxitjen e investimeve Kosovë – ShBA”.
Këto marrëveshje të nënshkruara u tha që janë në vazhdën e marrëveshjeve të nënshkruara në mes të Kosovës e Serbisë më 4 shtator në Shtëpinë e Bardhë, shkruan Gazeta Infokus.
E sipas këtij dokumenti të nënshkruar, Kosovës do t’i ofrohet qasje në gamën e plotë të përkrahjes në investime, ofruar nga Korporata Financiare ameirkane për Zhvillim Ndërkombëtar dhe të përcaktojë veprimet me mbështetjen e Korporatës për projektet në Kosovë.
“Marrëveshja e re Kosovë-SHBA për Nxitjen e Investimeve pritet që të ofrojë qasje në gamën e plotë të përkrahjes në investime, ofruar nga Korporata Financiare amerikane për Zhvillim Ndërkombëtar, ashtu si edhe të përcaktojë veprimet lidhur me mbështetjen e Korporatës për projektet në Kosovë dhe trajtimin prej Kosovës të tyre”, thuhej në dokumentin e nënshkruar.
E gjatë nënshkrimit të kësaj deklarate, nuk ishte prezent veç shefi i Qeverisë, Avdullah Hoti.
Bashkë me të ishte edhe Presdienti Hashim Thaçi dhe kryekuvendarja Vjosa Osmani.
Pasi u nënshkrua marrëveshja, Thaçi i ndau një dekoratë amerikanit Richard Grenell, shkruan Gazeta Infokus.
Grenell mori Medaljen Presidenciale të Meritave.
“Jam i lumtur dhe krenar te dekoroj ambasadorin Grenell me Medaljen Presidenciale të Meritave, Për kontributin e tij të jashtëzakonshëm për normalizimin e marrëdhënieve ekonomike Kosovë-Serbi. Grenell e arriti këtë sukses sepse besoj në përkushtimin tonë dhe nevojën tonë për këtë marrëveshje, atë që të tjerët nuk e arritën, Grenell e bëri shpejt. Marrëveshja e Shtëpisë së Bardhë do të sjellë më shumë paqe mes dy vendeve”, tha presidenti Thaçi para mediave.
E pas kësaj Hoti e Grenell bashkë me Adam Boehler iu drejtuan mediave për të treguar se çka nënshkruan konkretisht.
“Marrëveshja që kemi arritur do të krijojë mijëra vende të punës, do të shndërrojë Kosovën dhe regjionin më të integruar. Ne jemi angazhuar si Qeveri dhe kemi bërë përgatitjet e duhura të lëvizim drejt zbatim të marrëveshjes”, tha Hoti.
E Grenell tha që delegacioni që ai po e udhëheqë erdhi për të nisur zbatimin e marrëveshjes së 4 shtatorit, shkruan Gazeta Infokus.
“Jemi këtu për të treguar zotimin dhe angazhimin tonë për marrëveshjen për normalizim ekonomik. Qytetarëve të Kosovës u janë bërë shumë premtime në të kaluarën, dhe ne përmes kësaj marrëveshje po bëjmë një zotim para jush që është zbatimi i marrëveshjes ajo për çka kemi ardhur. Ajo që ne po bëjmë përmes kësaj marrëveshjeje, dhe të gjithë stafet nga SHBA dhe përmes ambasadës amerikane, është që të shprehim përkushtimin tonë. Ajo që duam ne është përmbushja e marrëveshjes dhe të ecim përpara për një zhvillim ekonomik. Zhvillimi ekonomik, vendet e punës dhe energjia, do të ndryshojë peizazhin politik të rajonit”, ka thënë Grenell.
E Boehler ka thënë që do të financojnë shumë projekte, shkruan Gazeta Infokus.
“Do të financojmë shumë projekte sikur autostrada e hekurudha. Kemi diskutuar edhe për një resort të skijimit. Do të shihni në ditët në vijim. Jemi shumë të përkushtuar për zhvillimin e bizneseve të vogla në Kosovë. Do të sjellim zhvillim financiar me burimet që i keni këtu”, tha ai./Gazeta Infokus/
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...