Fokus

Jasharaj: Jemi për vlerësimin e punës së mësimdhënësve, por testim me shkrim nuk do të ketë

Autori: Elvira Haxhiu 14:41 | 04 March 2023

Kryetari i Sindikatës së Bashkuar të Arsimit dhe Kulturës, Rrahman Jasharaj, ka thënë se kjo sindikatë ka insistuar vazhdimisht që vlerësimi i mësimdhënësve të bëhet, shkruan Gazeta Infokus.

Në një prononcim për Infokus, Jasharaj ka thënë se ky vlerësim duhet të bëhet përmes inspektorëve profesional të cilët do të vëzhgojnë nga afër punën e mësimdhënësve.

“SBASHK-u ka insistuar vazhdimisht që të bëhet vlerësimi i punës së mësimdhënësve përmes inspektorëve profesional të cilët do t’i vizitojnë në klasë do të shohin punën e tyre dhe nga afër, do të bashkëbisedojnë në mënyrë që lëshimet eventuale që i kanë në punë gjatë procesit mësimor ata t’i tejkalojnë në bazë të këshillave që ju japin inspektorët profesionalë të arsimit”, ka thënë Jasharaj.

-Advertisement-

Mirëpo, i pari i SBASHK-ut ka thënë se test me shkrim të mësimdhënësve në Kosovë nuk ka pasur dhe nuk do të ketë kurrë.

“Pra jemi për vlerësimin e punës së mësimdhënësve, por e kemi thënë dhe mbetemi në qëndrimin test me shkrim të mësimdhënësve të Kosovës nuk ka pasur, nuk ka dhe nuk do të ketë kurrë”, tha ai për Gazetën Infokus.

Gjithashtu, ai ka thënë se Ministria e Arsimit ta shtojë numrin e inspektorëve të arsimit në mënyrë që ata të jenë më të pranishëm nëpër klasa dhe ta shohin nga afër punën e mësimdhënësve./Gazeta Infokus/

Subscribe në YouTube: GAZETA INFOKUSI
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani

Të tjera

Fokusi

fokus