Çfarë thotë CIA për Serbinë, Slobodan Milosheviq e Aleksandër Vuçiq?
Autori: Halil Berisha 14:36 | 17 October 2019
Shërbimi sekret i SHBA-ve, “CIA”, ka publikuar raporte për të gjitha vendet, në mesin e të cilave edhe Serbinë.
Këtu, fokus i veçant i kushtohet kasapit të Ballkanit, Slobodal Milosevic dhe shkatërrimit të Jugosllavisë, shkruan gazeta inFokus.
“Në vitin 1989, Slobodan MILOSEVIC u bë president i Republikës së Serbisë dhe thirrjet ultranacionaliste të tij për dominim të serbëve sollën deri tek ndarja e dhunshme e Yugosllavisë në vija etnike. Në vitin 1991 Kroacia, Sllovenia e Maqedonia shpallën pavarësinë, e më pas në vitin 1992 edhe Bosnja. Republikat e mbetura të Serbisë dhe Malit të Zi deklaruar Republikën Federale të Yugoslavisë në Prill të vitit 1992 dhe nën udhëheqjen e Milosevic, Serbia nisi disa kampanja ushtarake që të bashkojnë serbët nga republikat fqinje në “Serbinë e Madhe”. Këto aksione dështuan keq dhe pas intervenimit të ndërkombëtarëve u nënshkrua marrëveshja e paqes së Daytonit në viti n1995”, shkruhet në raportin e CIA-s.
Tutje, flitet edhe për për masakrat që u kryen nga regjimi serb i udhëhequr nga Millosheviq, luftën dhe ndërhyrjen e NATO-s.
“Milosevic rimori nën kontrolle Serbinë dhe u bë President në vitin 1997. Në vitin 1998 një kryengritje e etnisë Shqiptare në krahinën e dikurshme autonome serbe të Kosovës bëri që Serbia të nis një fushatë kundër-kryengritjes që rezultoi me masakra e dëbime masive të shqiptarëve që jetojnë në Kosovë. Kundërshtimi i Milosevicit për zgjidhje ndërkombëtare shtyri bombardimet e NATO-s në pranverën e vitit 1999. Ushtria Serbe dhe forcat policore u larguan nga Kosova në qershor të vitit 1999 dhe Këshilli i Sigurimit të Kombeve të Bashkuara autorizoi administratën e përkohshme dhe vendosjen e forcave të NATO-s në Kosovë. Zgjedhjet e vitit 2000 bën që në vend të Milosevic të instalohet qeveri demokratike. Në vitin 2003, Republika Federale e Yugoslavisë u shndërrua në bashkimin e shteteve të Serbisë dhe Malit të Zi. Dhuna që u përhap ku target kishte serbët në Kosovë, në vitin 2004 ngriti edhe më shumë thirrjet që të rishikohet statusi i Kosovës dhe në vitin 2006 Kombet e Bashkuara filluan bisedimet. Në qershor të vitit 2006 edhe Mali i Zi deklaroi pavarësinë”.
Ndërsa, për pavarësinë e Kosovës përmendet edhe drejtimi i Serbisë në Gjykatën Ndërkombëtare të Drejtësisë, në vitin 2008 e e cila vendosi në favor të Kosovës.
“Në shkurt të 2008, pas 2 vitesh negociata, Kosova shpalli pavarësinë nga Serbia e cila ende vazhdon të refuzoj ta njoh. Me kërkesën e Serbisë, Asambleja Gjenerale në tetor të 2008 kërkoi opinionin nga Gjykata Ndërkombëtare e Drejtësisë nëse pavarësia e Kosovës ishte ligjore. E vendimi ishte në disfavor të Serbisë, ku në vitin 2010 kjo gjykatë tha që nuk ka ndonjë shkelje ligjore në shpalljen e pavarësisë së Kosovës. Pas kësaj, filluan bisedimet në mes të Serbisë dhe Kosovës, kësaj radhe më shumë për probleme praktike se sa për statusin e Kosovës. Serbia e Kosova nënshkruan marrëveshjet e para në Prill të 2013 dhe janë në proces të implementimit. Në vitin 2015 Serbia dhe Kosova arritën një marrëveshje për dialog të udhëhequr nga Bashkimi Evropian. Këtu u përfshinë marrëveshjet për komunitetin e komunave me shumicë serbe, telekomunikacioni, prodhimi e shpërndarja e energjisë dhe liria e lëvizjes”.
E për Presidentin e tanishëm Aleksandër Vuçiq, përmendet synimi i tij, që Serbinë ta fus në Bashkimin Evropian, shkruan gazeta inFokus.
“Presidenti Aleksandar Vuçic ka promovuar edhe një synim ambicioz që Serbia të futet në Bashkimin Evropian në vitin 2025. Nën udhëheqjen e tij si kryeministër, në janar të vitit 2014 Serbia edhe formalisht hapi negociatat për hyrje. Strategjia e Bashkimit Evropian për Ballkanin Perëndimor e lëshuar në shkurt të vitit 2018, përmend edhe hapat që Serbia duhet t’i ndërmarr për të kompletuar perspektiven e saj për hyrje në BE në vitin 2025”./Gazeta inFokus/
Të tjera
-
Akuza për korrupsionin në Qeveri, reagon Këshilltari i Kurtit: Për keqardhje, populli i largoi për kapje të shtetit
“Korrupsion serioz qeveritar”, është referimi që një raport i Departamentit t...
-
Mbretëria e Bashkuar do ta furnizojë Ukrainën me bomba me laser që mund të godasin “objektivat e buta” ruse
Ukraina është gati të marrë një lloj të ri bombe me laser që mund të shkatërr...
-
Fejohet analisti Astrit Gashi, me gazetaren e njohur
Analisti Astrit Gashi i ka dhënë fund beqarisë. Ai ka kurorëzuar dashurinë...
-
IS*S kërcënὁn Shqipërinë dhe Kosovën?
Video-propagandistike, publikuar në rrjetet sociale nga ISIS, ku në mesin e 6...
-
Kurti falënderon deputetët gjermanë për mbështetjen ndaj Kosovës
Kryeministri i Kosovës, Albin Kurti së bashku me zëvendësministrin e Punëve t...
-
Osmani pas suksesit të Distrisë: Jashtëzakonisht krenare, në Paris, më e fortë se kurrë
Presidentja e vendit, Vjosa Osmani, ka reaguar pasi Distria Krasniqi u shpall...
-
Azemi i LDK-së: Nëse zgjedhjet mbahen këtë të diel, fitojmë ne
Zyrtari i Lidhjes Demokratike të Kosovës, Visar Azemi, në një intervistë në F...
-
Përfundon takimi në Bruksel, Bislimi: Serbia kërkon që strukturat ilegale të financohen deri në krijimin e Asociacionit
Kryenegociatori i Kosovës, Besnik Bislimi, tha pas rundit të ri të dialogut, ...
-
Arrestohet i dyshuari që gjuäjti dhe vräu një person në rrugën “B” në Prishtinë
Policia ka njoftuar se kanë arrestuar personin e dyshuar i cili mbrëmë në orë...
-
Vdekja e dyshimtë e gruas në Spitalin e Vranjës, Kamberi: Mungesa e të punësuarëve shqiptarë, dëshmi e trajtimit të pabarabartë
Deputeti shqiptar në Parlamentin e Serbisë, Shaip Kamberi ka reaguar lidhur r...
-
Avokatja: Me të thënë “je e bukur”, “je sharmante” – nuk është ngäcmim
Avokatja Fehmije Gashi-Bytyqi ka komentuar disa ngjarje të ndodhura së fundmi...
-
“Shkarkojnë policë që hetojnë akterët e VV-së”, Kica-Xhelili numëron skandalet e Qeverisë Kurti
Doarsa Kica Xhelili, deputete e LDK-së, ka renditur sipas saj dhjetë skandale...