Serwer: Amerikanët po këmbëngulin që Asociacioni të bazohet në Kushtetutë – kjo s’ka ndodhur më herët
Autori: Gazeta inFokus 16:42 | 14 January 2023
Profesori amerikan i John Hopkins, Daniel Serwer, thotë se zgjidhja për Kosovën e Serbinë e propozuar në planin franko-gjerman, që nuk e përmban njohjen e ndërsjellë, është fazë e përkohshme. Ai thotë se presidenti serb s’e do këtë plan, i cili edhe pse i përkohshëm, synon njohjen përfundimtare mes dy fqinjëve.
“I vetmi fund i vërtetë i këtij konflikti është njohja reciproke e sovranitetit dhe integritetit territorial. Çdo gjë më pak se kjo është një fazë e përkohshme”, ka thënë Serwer në një bisedë për Gazetën Express.
Ardhjen në Prishtinë e Beograd të Këshilltarit Special, Derek Chollet, bashkëkombësi i tij po e sheh si një mesazh që Departamenti i Shtetit po e dërgon se ai është i shqetësuar me ndodhitë në Ballkan.
“Derek mban portofolin e Ballkanit në emër të Sekretarit të Shtetit. Vizita e tij është një sinjal se nivelet më të larta të Departamentit të Shtetit janë të shqetësuar për Ballkanin dhe duan ta çojnë dialogun e udhëhequr nga BE-ja në një përfundim të suksesshëm”, thotë Serwer.
Ndër deklaratat më të rëndësishme që Chollet dha në dy kryeqytetet, Serwer e nënvizoi kërkesën e tij ndaj Kosovës për themelimin e Asociacionit të komunave me shumicë serbe, e cila s’duhet të dalë assesi jashtë kornizave të Kushtetutës së vendit.
“Këmbëngulja e tij që Asociacioni të bazohet në Kushtetutën e Kosovës është e rëndësishme. Kjo nuk ka qenë gjithmonë e qartë në deklaratat e kaluara amerikane. Megjithatë, unë shoh pak perspektivë për krijimin e tij, përveçse në kontekstin e njohjes reciproke. Nëse Serbia e njeh në mënyrë eksplicite sovranitetin dhe integritetin territorial të Kosovës dhe Asociacioni krijohet në përputhje me kushtetutën e Kosovës, atëherë unë shoh shumë më pak rrezik që ajo të bëhet Republika Srpska”.
Sa ishte në Beograd, Chollet nënvizoi disa herë marrëdhëniet SHBA-Serbi dhe mundësinë e avancimit të tyre më 2023. Por, në këtë raport mes tyre Kosova ka një rol kyç. Këshilltari Special drejtpërdrejt tha se nëse çështja e Kosovës mbetet e pazgjidhur dhe nëse ajo sjell kriza, kjo do të parandalonte bashkëpunimin më të thellë ndërmjet SHBA-së dhe Serbisë.
Profesori i John Hopkins këtë e sheh si një paralajmërim për Serbinë, por thotë se nëse ndëshkim për moskonstruktivitetin e saj në dialog është vetëm mosthellimi i marrëdhënieve SHBA-Serbi, Vuçiqit nuk do t’i bëhet fort vonë.
“Është qartësisht një paralajmërim, por nuk është e qartë se çfarë është në rrezik. Nëse është vetëm një bashkëpunim “më i thellë”, dyshoj se Vuçiqit do t’i interesojë. Ai po anon shumë në drejtimin e Moskës dhe Pekinit ndërkombëtarisht dhe drejt autokracisë brenda vendit”.
A do të përshpejtojë dialogun Kosovë-Serbi ardhja e një një zyrtari amerikan të këtij niveli, sipas Serwerit.
“Unë nuk e di. Presidenti Vuçiq duket se nuk dëshiron të diskutojë propozimin franko-gjerman, i cili duket të jetë një fazë e përkohshme, por që synon qartësisht njohjen përfundimtare. Kryeministri Kurti nuk dëshiron të diskutojë për asgjë tjetër. Të dërguarit Lajçak dhe Escobar duhet të kuptojnë nëse ekziston një “zonë e marrëveshjes së mundshme”. Unë kam dyshimet e mia, por shpresoj që ata të kenë sukses e ta gjejnë atë.
Të tjera
-
Elezi: Ka tregues që Enver Sekiraqes iu mundësua arratisja
Njohësi i çështjeve të sigurisë, Bedri Elezi, dyshon se në arratisjen e Enver...
-
Këta janë babai me dy djemtë që u plago*sën në Pejë, po trajtohen në QKUK
Babai dhe dy djemt e tij kanë mbetur të plagosur sonte në Pejë, nga të shtëna...
-
Ky është personi që po dyshohet për plago*sjen e tre personave në Pejë, i bastiset shtëpia
Tre persona kanë mbetur të plagosur sonte në Pejë pas një përleshje që ndodhi...
-
Kovaçevski jep dorëheqje nga posti i kryetarit të LSDM-së
Dimitar Kovaçevski ka njoftuar të mërkurën për dorëheqjen nga pozita e kryeta...
-
Peja tronditet nga një rast tjetër, një 8 vjeçar bie nga kati i tretë
Sonte nuk ka qetësi në Pejë. Pas incidentit të rëndë të ndodhur çaste më parë...
-
Rivotimi në Maqedoninë e Veriut, koalicioni Vlen fiton një vend në parlament
Pas përsëritjes së votimeve të mërkurën në shtatë qendra në zonat zgjedhore n...
-
Flet Ardian Maznikolli: S’kam gisht në plago*sjen në Pejë, gjendem në Austri
Tre persona kanë mbetur të plagosur sonte në Pejë pas një përleshje që ndodhi...
-
Njëri nga të plagosurit në Pejë në gjendje të rëndë
Njëri nga tre të plagosurit në qytetin e Pejës është në gjendje të rëndë. ...
-
Natë plagosjesh në Pejë dhe Prizren
ë paktën pesë persona, tre në Pejë dhe dy në Gjonaj të Prizrenit, janë plagos...
-
Gërvalla diskuton me kongresistin amerikan për sigurinë e Kosovës
Ministrja e Punëve të Jashtme, Donika Gërvalla, është takuar me kongresistin ...
-
PAMJE TË RËNDA! Momenti kritik kur ndodhi plag*osja e trefishtë në Pejë
Tre persona dyshohet të kenë mbetur të plagosur si pasojë e të shtënave me ar...
-
Lajmi i fundit: Tre personat e plagosur në Pejë nisen për QKUK, njëri në gjendje të rëndë
Tre persona (familjarë mes vete), janë plagosur nga arma e zjarrit sonte ...