Fokus

Rënie e dukshme e çmimit të naftës në mars, Berjani: 55 centë më ulët për dy muaj

Autori: Samire Jaha 14:28 | 21 February 2023

Kryetari i Shoqatës së Naftëtarëve të Kosovës, Fadil Berjani ka thënë se nga muaji mars, çmimi i derivateve do të bie dukshëm, shkruan Gazeta Infokus.

Si dhe sipas tij, çmimi i derivateve në Kosovë është më lirë duke e krahasuar me vendet e rajonit.

Berjani në një prononcim për Gazetën Infokus i ka treguar edhe ndryshueshmërinë e çmimeve që ka Kosova me Shqipërinë, Maqedoninë e veriut, e Serbinë.

“Vendimi i qeveris po zbatohet dhe po respektohet është vendim me marzh tregtare 2 centë për import e 12 centë me pakic në pika karburanti. Çmimet sot në Kosovë janë; për dizelli 1.35 centë si dhe Benzina 1.32 centë. Ndërsa çmimet në regjion, si në Shqipëri,  Dizelli 1.75 centë e Benzina 1.78 centë, kurse në Serbi, Dizelli 1.68 centë e Benzina 1.69 centë.”, ka thënë Berjani për Infokus.

Ndërkaq i pari i naftëtarëve, është shprehur duke u krahasuar me vendet e rajonit, Kosova është me çmimet më të lira sa i përket derivateve, përveç Maqedonisë së Veriut ku Dizelli është më lirë se në Kosovë.

“Në regjion jemi më të lirët me çmim, Përveç Maqedonia e veriut e ka dizellin më të lirë se ne, e ka akcizën më të ultë se ne, ndërsa Benzina 1.31 centë”, është shprehur tutje Berjani.

Po ashtu, kryetari i naftëtarëve ka thënë se fundi i muajit prill pritet të jetë në stabilizim i tregut ndërkombëtar në tërë globin.

“Çfarë çmime do të kemi në ditët në vijim s’mundemi me paragjyku, sepse po ka lëvizje në berz. Pritet që fundi i marsit të jetë stabilizim i tregut ndërkombëtar në tërë globin. Po te ne në Kosovë kemi rënie për dy muaj rreth 55 centë për litër”, ka deklaruar ai për Infokus.

Kujtojmë që Ministria e Industrisë, Ndërmarrësisë dhe Tregtisë, në krye me Rozeta Hajdarin, para dy javëve ka marrë vendim për caktimin e çmimit dhe masave tjera mbrojtëse të produkteve të naftës.

“Me qëllim mbrojtjen e konsumatorit, mbrojtjen e konkurrencës dhe për të mënjanuar çrregullimet në treg, Ministrja e Industrisë, Ndërmarrësisë dhe Tregtisë, znj. Rozeta Hajdari, ka marrë vendim për caktimin e çmimit dhe masave tjera mbrojtëse të produkteve të naftës”, thuhej në vendimin e ministrisë./Gazeta Infokus/

Bien sërish çmimet e naftës në tregjet ndërkombëtare

Klinika Zhan Mitrev i kërkon Prokurorisë sqarime, e dorëzon një kallëzim penal

Të tjera

Fokusi

fokus