Lajme

Ministri Krasniqi: Turp, në disa lokale të gastronomisë nuk iu shërbehet komuniteteve

Autori: Gazeta inFokus 20:39 | 21 November 2021

Ministri i Administrimit të Pushtetit Lokal, Elbert Krasniqi ka thënë se në lokalet e gastronomisë në qytete të ndryshme të Kosovës, në forma të ndryshme refuzojnë t’i shërbejnë pjestarët e komuniteteve.

Ai tregon se për një rast të tillë, dje e kanë informuar edhe nga Gjakova.

“Lokalet të cilat bëjnë diferencime të tilla duhet t’i bojkotojmë të gjithë“, tha ai.

-Advertisement-

Njoftimi i plotë:

Është turp që ende në lokalet e gastronomisë në qytete të ndryshme të Kosovës, në forma të ndryshme refuzojnë t’i shërbejnë pjestarët e komuniteteve dhe bëjnë diferencime!

Për një rast të tillë edhe dje me informuan aktivistë nga Gjakova. Gjakova është ndër qytetet shembull për bashkëjetesë dhe rastet e tilla nuk duhet të lejohen të ndodhin!

Mbetet angazhim i institucioneve dhe shoqërisë që të garantoj dhe zhvilloj bashkëjetesën dhe mundësitë e barabarta për të gjithë qytetarët.

Lokalet të cilat bëjnë diferencime të tilla duhet t’i bojkotojmë të gjithë!

Personat me ngarkesa raciste nuk duhet t’i mbështesim në zhvillim të tyre!

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Të tjera

Fokusi

lajme