Latifi: Qeveria t’i jep fund lojës me sindikata
Autori: Gazeta inFokus 10:15 | 03 September 2022
Kryetari i Komunës së Rahovecit, Smajl Latifi kërkon marrëveshje urgjente në mes të qeverisë dhe sindikatave në mënyrë që të ndërpritet greva.
Veprimin për mosekzekutimin e pagave e quan pamaturi të qeverisë, ndërsa shton se ekzekutivi duhet të garantojë që të drejtat e sindikatave do të respektohen, derisa theksoi se me mosdhënien e rrogave po dërgohen mesazhe të rrezikshme.
Kryetari i Rahovecit, komunë kjo që udhëhiqet nga Aleanca për Ardhmërinë e Kosovës, bën të ditur se në takimin urgjent të mbajtur me Asociacionin e Komunave të Kosovës, kanë kërkuar që t’i jepet fund situatës aktuale të cilën Latifi e quan lojë të paqartë.
“Do të ishte një lajm shume i mirë nëse do të fillonte mësimi në shkollat tona, mirëpo ajo nuk ka ndodhur edhe për shkak të një lojë të pa qartë, jo të mirë, qe është duke e luajtur organizata ose institucionet që pa të drejtë u shkaktojnë telashe për shkak të mosmarrëveshjeve, për shkak të moszgjidhjes së problemit që e kanë mes veti, po na shkaktojnë vështirësi serioze edhe neve si komuna sepse në fakt pasojat po i bartin komunat dhe qytetarët e komunave. Mendoj që qeveria duhet me u ulë me sindikatat me gjet zgjidhje sepse nuk ka rrugë tjetër”, thotë ai.
Latifi thotë se grevat po e vështirësojnë punën edhe në komunë, meqë shërbimet janë tejet të kufizuara. Ndërsa kundërshton qeverinë për mosekzekutimin e pagave.
“Mos ekzekutimi i pagave është pamaturi, pa nevojë, ne nuk kemi nevojë në këtë krizë globale të krijojmë situata ose të rrugëtojmë përmes konfrontimeve sepse nuk ka ecje përpara përmes konfrontimeve dhe nuk besoj që qeveria ka arsye me zgjedh rrugën e konfrontimit me sindikatat… Kjo nuk ka ndodh më herët, janë disa befasi të hidhura që as ne nuk i kemi pritë, e di që ndoshta ata do t’i ekzekutojnë pagat, mirëpo këso ekzekutime të pjesshme të pagave natyrisht që përmbajnë edhe shqetësimet e veta, këto shqetësime që i kanë 800 e sa mësimdhënës, vetëm mësimdhënës të Komunës së Rahovecit e mbi 170 zyrtarë të administratës, përfshirë edhe stafin politik”, tha ai duke treguar se as Latifit nuk i ka dal rroga.
“As mua nuk më ka dalë rroga, askujt nuk i ka dalë rroga e tash ne të gjithë kemi familje, që unë nuk po flas për vetën por në një situatë të tillë kur kriza po merr dimensione shumë serioze, kur ka edhe krizë besimi në institucione, kur qytetarët tanë ose po duan të bëjnë termin për vizë, ose po largohen nga vendi, ose po bëjnë lobime qysh me gjet një zgjidhje më të mire jashtë Kosovës, e në situata të tilla, Qeveria e Kosovës nuk është mirë me i mbajt 750 milionë euro në arkë por duhet me i futë në qarkullim dhe natyrisht me i destinu në prioritet që ata e dinë të cilat janë jetike”, ka thënë Latifi.
Sipas kryetarit të Rahovecit, Qeveria duhet të intensifikojë dialogun social me sindikatat për një zgjidhje urgjente.
“Qeveria duhet me pas vëmendje të shtuar dhe ka përgjegjësi që dialogu social me sindikatat me u intensifiku dhe përfundimisht me i dhënë zgjidhje urgjente. Nuk e di ku shërben kaosi në këtë krizë edhe ashtu të thellë globale, e që në Kosovë përkthehet si krizë edhe më e rëndë, nuk e di cili është interesi, por unë si kryetar komune kërkoj që me i dhënë fund kësaj loje e cila mundet edhe me dërgu mesazhe të rreziqeve. Nëse paralizohet administrata, arsimi e shëndetësia, atëherë nuk e di se çka po na mbetet. Qeveria duhet të reflektojë dhe duhet ta di që në raport me sindikatat që përfaqësojnë anëtarësi të gjerë, që pastaj implikojnë direkt edhe qytetarët, duhet ta zgjedhë shtegun e marrëveshjes, dialogut social dhe nxjerrjes së konkluzioneve që nënkuptojnë zgjidhje, zgjidhje urgjente”, thotë ai.
Latifi thotë se i mirëkupton kërkesat e grevistëve marrë parasysh rritjen e çmimeve dhe krizën globale.
Sipas tij, adresimi dhe miratimi i projektligjit për paga është nevojë urgjente. /Kp
Të tjera
-
Ngjarjet e datës 19 maj
Presidentja Vjosa Osmani pret në takim nënsekretaren e Departamentit të Shtet...
-
Nënsekretarja Allen vizitoi ushtarët amerikanë në Veri, nga helikopteri i KFOR’it pa “zonat sensitive” atje
Nënsekretarja amerikane e Shtetit, Liz Allen ka vizituar sot ushtarët ame...
-
Serwer ngre pikëpyetje: Çfarë duhet bërë me Asociacionin?
Analisti dhe profesori amerikan i universitetit John Hopkins, Daniel Serwer, ...
-
“Ne jemi krenarë për partneritetin me Kroacinë”, Osmani uron Plenkoviqin për mandatin e tretë si kryeministër
Presidentja e Kosovës, Vjosa Osmani e ka uruar Andrej Plenkoviqin, për mandat...
-
Isufaj për rastin e Sekiraqës: Ne kemi bërë punën tonë
Kryeprokurori i Prokurorisë Speciale, Blerim Isufaj për RTKlive, nuk ka dashu...
-
Tahiri – Kurtit: Mbi 87 mijë qytetarë e kanë lëshuar vendin, mos abuzo me shifra imagjinare
Shefi i Grupit Parlamentar të Aleancës për Ardhmërinë e Kosovës, Besnik Tahir...
-
Hapet rruga Gjakovë-Dollc në fshatin Volljakë
Është hapur për qarkullim rruga Gjakovë-Dollc, në fshatin Volljakë. Inxhinie...
-
Kosova dhe ShBA-ja nesër nënshkruajnë marrëveshje kundër manipulimit të informacionit nga shtetet e huaja
Presidentja e Republikës së Kosovës, Vjosa Osmani do ta pret nesër në takim n...
-
Haradinaj nis vizitën në Gjermani, takon strukturat e AAK-së në Bavari
Kryetari i Aleancës për Ardhmërinë e Kosovës (AAK), Ramush Haradinaj me bashk...
-
Presidentja Osmani takon homologun bullgar, e falënderon për mbështetjen në procesin drejt anëtarësimit në KiE
Presidentja e Kosovës, Vjosa Osmani, e cila po qëndron në Bullgari në ngj...
-
Tre persona bien në kontakt me energjinë elektrike në Dhërmi, vd*es njëri prej tyre
Pronari dhe dy punonjës të një hoteli në Dhërmi dyshohet se duke punuar me nd...
-
Për çfarë akuzohet Enver Sekiraqa?
Gjykata e ka dënuar me 3 maj 2024, Enver Sekiraqën me 25 vite burgim për nxi...