Fokus

Shoku i Shpat Kasapit flet për gjendjen e rëndë emocionale të nënës së Shpatit “Oh bre kur e kom pa”

Autori: Gazeta inFokus 10:26 | 15 December 2025

Këngëtari i njohur Berkan Ahmeti, i ftuar në emisionin “Zgjohu”, prodhim i Gazetës Infokus, ka rrëfyer me emocion lidhjen e tij të thellë me familjen e të ndjerit Shpat Kasapi, duke e cilësuar si një familje të jashtëzakonshme, të fortë dhe të qëndrueshme përballë dhimbjes.

Berkan Ahmeti tha se nana e Shpatit, zonja Gylymsere, motra Jehona dhe vëllai Albini, e kanë trajtuar gjithmonë si pjesë të shtëpisë, madje edhe në momentet më të rënda të humbjes.

“Familja, sidomos nana, është me të vërtetë heroinë e fortë dhe e qëndrueshme. Motra Jehona, vëllai Albini… nana Gylymsere gjithmonë më ka pa si njeri të shtëpisë. Në ato momente të vështira, përqafimi me ta ishte edhe më i ngrohtë. Më shikonin si Shpati, ta them të drejtën,” u shpreh Berkani.

-Advertisement-

Ai theksoi se për të dhe të gjithë miqtë e Shpatit është obligim moral që familjen Kasapi ta kenë pranë, duke ruajtur raportin dhe afërsinë që kishte me të ndjerin.

“E kemi për obligim, jo veç se shkoi Shpati e tash me i këput raportet. Përkundrazi, duhet me qenë edhe më afër sepse ata kanë nevojë për miq e familjarë,” tha ai.

Këngëtari konfirmoi se është vazhdimisht në kontakt me familjen Kasapi.

“Janë shumë të fortë. Dhimbjen mos ta flasim… nëse neve na ka dhimbtë, imagjino sa e ndjejnë ata. Po mundohemi me ju dhanë forcë e gajret,” shtoi Ahmeti.

NDIQNI VIDEON DHE EMISIONIN E PLOTË:


Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy