Lajme

Inspektorati mbyll shtatë biznese në veri, shqipton shtatë gjoba për shkelje ligjore

Autori: Gazeta inFokus 15:23 | 30 October 2026

Inspektorati Qendror i Mbikëqyrjes së Tregut (IQMT) ka mbyllë shtatë biznese afariste në komunat veriore të vendit për shkak të mosplotësimit të kushteve minimale teknike për ushtrimin e veprimtarisë. Pesë nga këto biznese ishin në Mitrovicë dhe dy në Komunën e Zveçanit.

Inspektorati tha se gjatë mbrëmjes së kaluar bashkë me Policinë e Kosovës kanë zhvilluar një aksion të përbashkët inspektues me fokus në kontrollimin e ligjshmërisë së veprimtarisë së operatorëve ekonomikë dhe respektimin e kushteve ligjore për ushtrimin e veprimtarisë afariste.

“Gjatë inspektimeve është konstatuar gjithashtu se njëri nga bizneset ushtronte veprimtari në mënyrë ilegale pa qenë i regjistruar në Agjencinë për Regjistrimin e Bizneseve në Kosovë (ARBK). Përveç mbylljes së bizneseve, ndaj operatorëve ekonomikë janë shqiptuar edhe 7 gjoba, si masa ndëshkuese për shkeljet e konstatuara”, tha Inspektorati në njoftim.

-Advertisement-

IQMT u zotua se kontrollet inspektuese “nuk do të ndalen dhe se ato do të vazhdojnë në të gjithë territorin e Republikës së Kosovës për të garantuar zbatimin e ligjit, formalizmin e veprimtarisë ekonomike dhe mbrojtjes së konsumatorëve”.

“Gjithashtu u bëhet thirrje të gjithë operatorëve ekonomikë, që të sigurojnë përmbushjen e kushteve minimale teknike dhe të ushtrojnë veprimtarinë e tyre vetëm në përputhje me legjislacionin në fuqi”.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy