Kuvendi i KMShK-së mori vendime për 19 ankesa
Autori: Gazeta inFokus
14:30 | 30 October 2026
Këshilli i Mediave të Shkruara të Kosovës (KMShK) në mbledhjen e rregullt ka shqyrtuar gjithsej 19 ankesa. Anëtarët e Kuvendit të KMShK-së kanë vendosur që të miratohen dy nga to, të miratohen pjesërisht dy, shtatë të refuzohen, gjashtë ankesa të shpallen të patrajtueshme dhe dy të paafatshme.
Ankesat kishin të bënin me pretendimet për shkeljen e kapitujve të caktuar të Kodit të Mediave të Shkruara të Kosovës, përkatësisht Kapitullit II – Raportimi i së vërtetës, Kapitullit IV – E drejta për t’u përgjigjur, Kapitulli V – Personat e përfshirë në incidente, aksidente, të arrestuar apo të akuzuar për vepra penale dhe Kapitullit VII – Privatësia dhe mbrojtja e burimeve.
KMShK ka miratuar ankesën e E. M. kundër Sinjali.com për shkrimin me titull “Ekskluzive: Task Forca ndalon një veturë në Gjilan, gjen kokainë dhe marihuanë – dy të rinj përfundojnë në Polici”, duke konstatuar se është shkelur Kapitulli VII i Kodit të Mediave të Shkruara të Kosovës, i cili ka të bëjë me mbrojtjen e privatësisë.
KMShK ka miratuar ankesën e S. B. kundër Rahoveci24.com për një shkrim të publikuar në faqen e medias në rrjetin social Facebook, duke konstatuar se është shkelur Kapitulli II i Kodit të Mediave të Shkruara të Kosovës, i cili ka të bëjë me raportimin e së vërtetës.
KMShK ka miratuar pjesërisht ankesën e G. U. kundër Gazetametro.net për shkrimin me titull “Ekskluzive: Krimet Ekonomike po hetojnë vizat nga Bangladeshi, në fokus ish-ambasadori G. U.”, duke konstatuar se është shkelur Kapitulli IV i Kodit të Mediave të Shkruara të Kosovës, i cili ka të bëjë me të drejtën për t’u përgjigjur, por jo edhe Kapitulli II, i cili ka të bëjë me raportimin e së vërtetës, ashtu siç pretendon pala ankuese.
KMShK ka miratuar pjesërisht ankesën e A. S. kundër Kojshiashow.com për përmbajtjen e disa emisioneve, duke konstatuar se është shkelur Kapitulli IV i Kodit të Mediave të Shkruara të Kosovës, i cili ka të bëjë me të drejtën për t’u përgjigjur, por jo edhe Kapitulli II, i cili ka të bëjë me raportimin e së vërtetës, ashtu siç pretendon pala ankuese.
KMShK ka refuzuar (hedhur poshtë) ankesën e E. B. kundër Sinjali.com për një video të publikuar në faqen e medias në rrjetin social Facebook, duke konstatuar se nuk është shkelur Kapitulli VII i Kodit të Mediave të Shkruara të Kosovës, i cili ka të bëjë me mbrojtjen e privatësisë, ashtu siç pretendon pala ankuese.
KMShK ka refuzuar (hedhur poshtë) ankesën e E. A. kundër Rajoni.org për shkrimin me titull “Arrestohen dy të dyshuarit për sulmin me thikë në Skenderaj”, duke konstatuar se nuk janë shkelur kapitujt II dhe V të Kodit të Mediave të Shkruara të Kosovës, të cilët kanë të bëjnë me raportimin e të vërtetës, përkatësisht prezumimin e pafajësisë, ashtu siç pretendon pala ankuese.
KMShK ka refuzuar (hedhur poshtë) ankesën e E. A. kundër Veriu.info për shkrimin me titull “’Sulmi me th*kë te ‘Fer Petrol’ në Skënderaj përfundon me paraburgim – dy të dyshuarit vetëdorëzohen”, duke konstatuar se nuk është shkelur Kapitulli VII i Kodit të Mediave të Shkruara të Kosovës, i cili ka të bëjë me mbrojtjen e privatësisë, ashtu siç pretendon pala ankuese.
KMShK ka refuzuar (hedhur poshtë) ankesën e E. A. kundër Drenicaonline.com për shkrimin me titull “Arrestohen dy të dyshuar për therrjen e një burri më 20 shtator në Skënderaj”, duke konstatuar se nuk janë shkelur kapitujt II dhe V të Kodit të Mediave të Shkruara të Kosovës, të cilët kanë të bëjnë me raportimin e të vërtetës, përkatësisht prezumimin e pafajësisë, ashtu siç pretendon pala ankuese.
KMShK ka refuzuar (hedhur poshtë) ankesën e I. A. kundër Rajoni.org për shkrimin me titull “Kontrata milionëshe në Vushtrri: Ferit Idrizit i 750-fishohen çmimet e shërbimeve brenda viti”, duke konstatuar se nuk janë shkelur kapitujt II dhe IV të Kodit të Mediave të Shkruara të Kosovës, të cilët kanë të bëjnë me raportimin e së vërtetës, përkatësisht të drejtën për t’u përgjigjur, ashtu siç pretendon pala ankuese.
KMShK ka refuzuar (hedhur poshtë) ankesën e E. A. kundër Kronikaezeze.com për shkrimin me titull “Këta janë dy të dyshuarit për sulmin me thikë në Skënderaj – të dy përfundojnë në paraburgim”, duke konstatuar se nuk është shkelur Kapitulli VII i Kodit të Mediave të Shkruara të Kosovës, i cili ka të bëjë me mbrojtjen e privatësisë, ashtu siç pretendon pala ankuese.
KMShK ka refuzuar (hedhur poshtë) ankesën e E. Q. kundër Indeksonline.net për një video të publikuar në faqen e medias në rrjetin social Facebook, duke konstatuar se nuk është shkelur Kapitulli VII i Kodit të Mediave të Shkruara të Kosovës, i cili ka të bëjë me mbrojtjen e privatësisë, ashtu siç pretendon pala ankuese.
KMShK e ka shpallur të patrajtueshme ankesën e E. A. kundër 007vox.com për një shkrim të publikuar, pasi që media nuk kryen aktivitet në Kosovë dhe, rrjedhimisht, KMShK nuk ka kompetencë të marrë vendim për të.
KMShK e ka shpallur të patrajtueshme ankesën e Q. R. kundër Gazetaekskluzive.com, për një shkrim të publikuar nga përgjegjësi i gazetës në profilin e tij në rrjetin social Facebook, pasi që nuk ka kompetencë të trajtojë ankesat ndaj individëve.
KMShK e ka shpallur të patrajtueshme ankesën e L. B. kundër Valon Sylës për një deklaratë publike, pasi që nuk ka kompetencë të trajtojë ankesat ndaj individëve për deklarimet e bëra në televizione.
KMShK e ka shpallur të patrajtueshme ankesën e I. A. kundër Dibran Hoxhës për një deklaratë publike, pasi që nuk ka kompetencë të trajtojë ankesat ndaj individëve për deklarimet e bëra në televizione e as postimet e tyre individuale në rrjetet sociale.
KMShK e ka shpallur të patrajtueshme ankesën e D. D. kundër Prokurorisë Speciale, pasi që nuk ka kompetencë të trajtojë ankesat ndaj institucioneve që nuk janë media të shkruara/online.
KMShK e ka shpallur të patrajtueshme ankesën e I. A. kundër Gazetaekskluzive.com, pasi që nuk ka kompetencë të ndërhyjë në politikën editoriale të mediave rreth përmbajtjeve mediale, të cilat ende nuk janë publikuar.
KMShK e ka shpallur të paafatshme ankesën e F. B. S. kundër Kallxo.com për disa shkrime të publikuara muaj më herët, pasi që nuk mund të trajtojë përmbajtje mediale ndaj të cilave palët parashtrojnë ankesë më vonë se një muaj pas publikimit, siç përcaktohet me rregullat e procedurës.
KMShK e ka shpallur të paafatshme ankesën e Q. M. B., përfaqësuar nga Pro Juris Law Firm L.L.C. kundër Nacionale.com, për disa shkrime të publikuara muaj më herët, pasi që nuk mund të trajtojë përmbajtje mediale ndaj të cilave palët parashtrojnë ankesë më vonë se një muaj pas publikimit, siç përcaktohet me rregullat e procedurës.
KMShK e ka shtyrë për trajtim ankesën e A. M., përfaqësuar nga avokati Flamur Bllacaku, kundër Veriu.info.

T� tjera
-
Zulfaj reagon pas interpretimit të këngës nacionaliste serbe në Forumin e Zgjerimit të BE-së: Skandaloze dhe e papranueshme
Kryenegociatori i Kosovës me Bashkimin Evropian, Jeton Zulfaj, ka reaguar pas...
-
Koncerti i zgjerimit në Bruksel me këngën nacionaliste serbe, “Oj Kosovo, Kosovo”, Ambasadori Bajrami: KE të jap sqarime menjëherë
Ambasadori i Kosovës në Bruksel, Agron Bajrami ka reaguar pasi në koncertin h...
-
Pranim-dorëzimi i detyrës nga Haxhiu te Shiroka-Pula u bë me nje rregullore te re, NDI: Kosova e para në BP që e miratoi këtë kornizë
Damon M. Wilson nga NED Democrasy, ka vlerësuar Kosovën për miratimin e rregu...
-
Kurti përmbledh vizitën në Francë dhe Irlandë: U pritëm dy herë në Pallatin Élysée, takova Macronin dhe zyrtarë të lartë të shteteve
Kryeministri i Kosovëa, Albin Kurti, ka publikuar pamje nga vizitat e tij në ...
-
Skandal në Bruksel: Kënga nacionaliste serbe “Oj Kosovo, Kosovo” interpretohet në prag të Forumit të Zgjerimit të BE-së
Një ngjarje skandaloze është shënuar në Bruksel, në prag të edicionit të dytë...
-
Mbi 5,200 fluturime të prekura në SHBA për të tretën ditë radhazi, pritet rikthimi në normalitet të hënën
Ndërprerjet në trafikun ajror në Shtetet e Bashkuara kanë vazhduar për të tre...
-
Islami: Lista Studentore, në vazhdën e politikës së Serbisë kundër shtetësisë së Kosovës
Profesori i shkencave të sigurisë, Avni Islami, ka vlerësuar se takimi i përf...
-
Kandiq: Serbia duhet të përballet me faktet për krimet ndaj shqiptarëve në Kosovë
Aktivistja e njohur për të drejtat e njeriut në Serbi, Natasha Kandiq, ka rea...
-
Zelensky u bën thirrje SHBA-së dhe Muskut të heqin kufizimet e Starlink-ut dhe të rreshtohen në “anën e duhur të historisë”
Një shërbim thelbësor amerikan i internetit përmes satelitit vazhdon të funks...
-
Kurti bën bilancin e një jave jashtë shtetit, në Francë e Irlandë: U pritëm dy herë në Pallatin Elysse…
Kryeministri i Kosovëa, Albin Kurti, ka publikuar pamje nga vizitat e tij në ...
-
Jensen Huang dha dorëheqjen pas aferës me spiunen kineze, Sekretari amerikan i Thesarit: Nvidia duhet të dalë jashtë kompanisë për CEO-n e ri
Sekretari i Thesarit të SHBA-së, Scott Bessent, tha të dielën se Nvidia duhet...
-
E rëndë, edhe djali i viktimës nga Peja në gjendje kritike për jetën
Aksidenti tragjik në magjistralen Rozhajë–Beranë të Malit të Zi, ku humbi jet...


































