Adnan Rrustemi i VV-së: LDK dhe AAK ose janë të kënaqur me qeverinë Kurti ose kanë frikë nga zgjedhjet
![](https://gazetainfokus.com/wp-content/uploads/2024/05/Ballina-e-re-32.jpg)
Autori: Gazeta inFokus
17:32 | 27 May 2024
Kryeministri i Kosovës, Albin Kurti siç duket nuk e ka ndërmend që të japë dorëheqje ashtu siç po i kërkohet nga dy partitë opozitare, Lidhja Demokratike e Kosovës dhe Aleanca për Ardhmërinë e Kosovës.
Deputeti i partisë në pushtet, Vetëvendosjes, Adnan Rrustemi në një intervistë për Gazetën INFOKUS ka folur në lidhje me mundësinë që Kuvendi i Kosovës të shpërbëhet në tre ditët e ardhshme në mënyrë që vendi të shkojë në zgjedhje të parakohshme.
Ai ka thënë se për këtë ekziston një opsion i vetëm dhe kjo nuk është dorëheqja e kryeministrit Albin Kurti ashtu siç po kërkojnë dy partitë opozitare.
“Siç e kemi thënë vazhdimisht ekziston vetëm një opsion që dërgon drejtëpërdrejtë në zgjedhje të parakohshme dhe ajo është shprëndarja e Kuvendit me dy të tretat e Kuvendit të Kosovës. Nëse opozita është e gatshme dhe ndan mendjen për të mbështetur shpërndarjen e Kuvendit edhe ne si grup politik dhe si grup parlamentar do ti përgjigjemi pozitivisht një nisme të tillë. Por deri më tani nuk ka asgjë konkrete dhe ka dy parti politike së paku të opozitës që kundërshtojnë shprëndarjen e Kuvendit duke kundërshtuar kësisoj mbajtjen e zgjedhjeve të paakohshme. Natyrisht ata e justifikojnë refuzimin e tyre me kërkesën për dorëheqje dhe shkarkim. Për ne është e qartë që nuk ka as arsye dhe as mundësi as për dorëheqje dhe as për shkarkim. Ekziston vetëm opsioni i shprëndarjes së Kuvendit që mund eventualisht të bëjë bashkë të gjitha partitë politike për të quar vendin në zgjedhje të parakohshme.
Madje ai ka deklaruar se instistimi i dy partive opozitarre, Lidhjes Demokratike të Kosovës dhe Aleancës për Ardhmërinë e Kosovës për dorëheqje ose shkarkim mund të jetë edhe frikë për të shkuar në zgjedhje ose janë të kënaqur me qeverisjen.
“Insistimi i dy partive politike opozitare në dorëheqje dhe në shkarkim kur dihet qartë se asnjëra dhe as tjetra nuk mund të ndodhë, nuk është asgjë tjetër veç se refuzim i zgjedhjeve të parakohshme në Kosovë. Tash ose janë të kënaqur me qeverinë Kurti dhe me këtë mazhorancë ose nuk dua të besoj se po i frikësohen zgjedhjeve të parakohshme. Por nuk mund të ketë arsye tjetër d.m.th opozita për nga natyra gjithmonë duhet të jetë e gatshme të shkojë në zgjedhje pavarësisht mënyrës se si mund të shkohet në to’’, ka thënë deputeti i pushtetit.
Derisa sipas tij forma e vetme për të shkuar në zgjedhje është përmes shpërndarjes së Kuvendit, duke shtuar se ky “ankth” i opozitës për zgjedhje nuk mund të zgjasë shumë pasi që nëse nuk ka zgjedhje të parakohshme së shpejti do të jenë zgjedhjet e regullta.
“E në Kosovë nuk ka opsion tjetër përveçse shprëndarjes së Kuvendit. Por ky ankthi nga zgjedhjet megjithatë nuk është i pafundmë sepse ne tashmë do të shkojmë në drejtim të zgjedhjeve, qofshin ato të rregullta apo të parakohshme. Edhe ashtu nuk ka mbetur më shumë se disa muaj deri në fund të mandatit ku do të mbahen edhe zgjedhjet e rregullta parlamentare”.
Deputeti Rrustemi po ashtu për INFOKUSIN ka komentuar edhe deklaratat e diskutimet e shumta për një koalicion në mes të PDK-së dhe LVV-së pas takimit të krerëve të të dy partive.
Sipas tij as nuk ka ndonjë përafrim të qëndrimeve me Partinë Demokratike të Kosovës dhe se LVV-ja nuk ka nevojë për një koalicion të tillë pasi sipas tij LVV-ja do të fitojë sërish mjaftueshëm për të krijuar e vetme institucionet.
“Të gjithë e dinë që as nuk ka marrëveshje as nuk ka përafrim e madje as nuk ka arsye dhe nevojë që të ketë dicka të tillë (me PDK-në). Ne jemi të bindur që Vetëvendosja në zgjedhjet e ardhshme kurdo që mbahen ato qofshin të rregullta qofshin të jashtëzakonshme do të fitojë bindshëm në zgjedhje dhe nga këto zgjedhje do të dalë edhe më e fuqishme se sa që është aktualisht dhe rrjedhimisht mjaftueshëm me një shumicë për të krijuar institucionet. Bashkëpunimi i LVV-së vazhdon me Listën Guxo dhe Alternativën, ashtu sic jemi aktualisht në Kuvend dhe në Qeveri dhe gjithçka tjetër në fakt është përpjekje për tambuluar frikën e dy partive politike opozitare nga zgjedhjet e mundshme”, ka thënë ai.
Rrustemi nuk ka pranuar të japë një rezultat të mundshëm të zgjedhjeve për të gjitha partitë mirëpo ka deklaruar se beson që LVV-ja do të dalë mbi 51%.
“Nuk mund të parashikojmë rezultatin, por ne konsiderojmë që marrë parasysh punën që është bërë gjatë këtyre tre viteve në forcimin e shtetit, shtrirjes së sovranitetit të Kushtetutës në tërë territorin e Kosovës por edhe reformat e nisura në sektore të ndryshme dhe marrë parasysh edhe vullnetin e qytetarëve të evidentuar përmes sondaheve të ndryshme sikurse edhe lehtësirat për pjesëmarrjen e mërgatës në zgjedhje, unë besoj që Vetëvendosja do të marrë mbi 51% dhe kësisoj do të ketë shumicën e konsoliduar në Kuvendin e Kosovës për të krijuar institucionet dhe për të qeverisur. Unë po e përsërisë që Vetëvendosja beson se do të ketë mbështetjen e mjaftueshme dhe të nevojshme për të krijuar institucionet. Prandaj megjitjhatë i mbetet qyettarëve të shprehin vullnetin në zgjedhje parlamentare kurdo që ato mbahen, qofshin të rregullta në afatin e rregullt kushtetues apo edhe në zgjedhjet e parakohshme që mund të krijohen“, ka thënë për fund deputeti i partisë në pushtet.
Kujtojmë që edhe sot pas mbledhjes së kryesisë, shefi i Grupit Parlamentar të PDK-së, ka deklaruar se tre ditët e ardhshme janë vendimtare që vendi të shkojë në zgjedhje të parakohshme. Derisa ka dhënë sinjale se ka një përafrim në mes të partive opozitare në këtë aspekt.
Megjithatë këtë e kanë kundërshtuar nga Lidhja Demokratike e Kosovës të cilët po insistojnë se e vetmja formë për të shkuar në zgjedhje të parakohshme është dorëheqja e kryeministrit, Albin Kurti.
Derisa nuk ka ende qëndrim zyrtar nëse këtë javë do të ketë apo jo seancë në Kuvendin e Kosovës ku pritet të diskutohet për tre vjet qeverisje të Kurtit./Gazeta Infokus/
![](https://gazetainfokus.com/wp-content/uploads/2023/11/Untitled-design-2-1024x538-1.png)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...