Fokus

Konfirmohet raportimi i Infokusit: Kjo është arsyeja pse zëvendës guvernatorja e BQK-së ka dhënë dorëheqje

Autori: H.Smajli 15:48 | 15 May 2023

Banka Qendrore e Kosovës e ka konfirmuar raportimin e Gazetës Infokus se Nora Latifi – Jashari, zëvendës guvernatorja e BQK-së ka dhënë dorëheqje.

Po ashtu është konfirmuar se kjo dorëheqje ka ardhur pas një muaji e gjysmë që e njëjta ishte vendosur në këtë pozitë.

“Në takimin e mbajtur më 29 mars 2023, të Bordit të Bankës Qendrore të Kosovës, në bazë të Ligjit për BQK, në një nga pozitat e përkohshme ekzekutive është vendosur edhe anëtarja e Bordit, znj. Nora Latifi Jashari, si Zëvendësguvernatore e Përkohshme. Për shkak të angazhimeve profesionale e kontraktuale që znj. Latifi Jashari ka pasur jashtë BQK-së edhe para këtij vendimi, ka kërkuar që të lirojë pozitën e përkohshme në BQK nga data 15 maj 2023”, thuhet në komunikatën e BQK-së.

-Advertisement-

Arsye për këtë sipas komunikatës së BQK-së thuhet të jenë obligimet që  Latifi – Jashari, ka jashtë këtij institucioni ku kishte nisur punë në pozitën e zv. guvernatores me 29 mars.

“Ky veprim nuk e cenon në asnjë mënyrë vazhdimësinë e përmbushjes së objektivave të BQK-së, pasi Bordi Ekzekutiv mbetet funksional deri në plotësimin e pozitave të rregullta të anëtarëve të Bordit Ekzekutiv sipas Ligjit të BQK-së. Për më shumë znj. Latifi Jashari vazhdon kryerjen e detyrave si  anëtare joekzekutive e Bordit të BQK-së”, përfundon komunikata./Gazeta Infokus/

Nipi i Besnik Bislimit pretendonte pozitën e guvernatorit të BQK-së, nuk kalon fazën e intervistimit

Subscribe në YouTube: GAZETA INFOKUSI
Etiketa:
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

fokus