QKSS: Mitrovica me më së shumti raste të dhunës në baza gjinore
Autori: Gazeta inFokus 13:33 | 31 January 2023
Rastet e raportuara të dhunës në baza gjinore paraqesin një trend në rritje në të gjitha komunat. Nga komunat me rritjen më të madhe të rasteve të raportuara të dhunës në baza gjinore është Mitrovica, u tha me rastin e publikimit të Raportit për Vlerësimin në Bazë të Dhunës në Baza Gjinore në Kosovë, Perceptimet e Komunitetit dhe Palëve të Interesit.
Dea Fetiu, hulumtuese në Qendrën Kosovare për Studime të Sigurisë (QKSS), gjatë prezantimit të raportit tha se nga të gjeturat rezulton se me rritjen e raportimit të dhunës, është rritur vetëdija e qytetarëve për të raportuar dhunën.
“Sipas takimeve që kemi mbajt në komuna dhe sipas të dhënave që kemi mundur t’i marrim prej Policisë së Kosovës dhe prej Gjykatave, ka dalë që rastet e raportuara të dhunës në baza gjinore janë në një trend rritje çdo vit. Gjatë viteve të fundit kanë shënuar një rritje kogja të madhe të raportimit të rasteve të dhunës në familje dhe në baza gjinore. Kjo nuk do të thotë që dhuna është rritur, por që është rritur edhe vetëdija e qytetarëve për raportim. Kemi parë që dhuna nuk raportohet në momentin e parë që paraqitet, sipas takimeve që kemi mbajt me komuna, po ashtu edhe në intervistat me strehimore ka dalë që shumica e grave nuk e raportojnë dhunën menjëherë si të paraqitet, por raportimi është rezultat i një dhune që ato e kanë përjetuar për një kohë të gjatë”, theksoi Fetiu.
Fetiu ka përmendur edhe disa nga barrierat që kanë hasur gjatë të gjeturave në raport, derisa thotë se një prej tyre është edhe mungesa e informacioneve tek gratë, raporton KP.
Sipas saj, një prej arsyejeve që gratë nuk e raportojnë dhunën është se nuk kanë ndonjë alternativë ku të shkojnë.
“Barrierat e raportimit, sipas të gjeturave kanë dalë se një ndër to është mungesa e informacionit të grave, që ato shpesh nuk kanë të dhëna për të drejtat e tyre dhe që mund t’i kërkojnë ato, po ashtu tjetër barrierë mund ta është stigma sociale, duke përfshirë të gjitha paragjykimet që shfaqen nga komuniteti i një gruaje që raporton dhunën. Ndërsa, kemi edhe raste të raportimit të dhunës nëpër institucione tjera dhe jo në Policinë e Kosovës, në disa komuna kemi pas raste që gratë e kanë lajmëruar dhunën direkt në strehimore, duke u munduar t’i ikin etiketimit të policisë por edhe pjesëmarrjes së policisë në këtë mes. Një prej arsyejeve që gratë nuk e raportojnë dhunën është se nuk kanë ndonjë alternativë ku të shkojnë, kjo është e lidhur ngushtë me pavarësinë ekonomike të tyre, kushtet e vështira ekonomike por edhe mendësinë patriarkale, e cila jo gjithmonë jep alternativë se ku munden me qenë më sigurt se në shtëpinë e tyre”, thotë Fetiu.
Erblina Dinarama nga Shtëpia e Sigurt, Gjakovë gjatë diskutimit u shpreh se rastet e viktimave të dhunës në familje trajtohen me prioritet.
“Rastet e viktimave të dhunës në familje jo vetëm nga Qendra për Punë Sociale, por nga të gjitha institucionet trajtohen me prioritet, dinjitet dhe me respektin më të madh maksimal. Ndoshta ka edhe individ të caktuar, mirëpo që udhëheqësit e institucioneve duhet të mendojnë mirë me individë që merren me trajtimin e këtyre rasteve, sepse vërtetë janë raste të ndjeshme dhe që kërkojnë trajtim adekuat në qasje të ndjeshme ndaj tyre”, thotë Dinarama.
E pyetur nëse ka mungesë të zbatimit të proceduarave të standardit të veprimit, tha se zyrtarët të cilët merren me raste tilla, Afërdita Mikullovci nga Policia e Kosovës janë në dijeni për procedurat.
“Zyrtarët të cilët merren me raste të tilla, në tërësi janë në dijeni për procedurat, pasi kanë përvoja fatkeqësisht të shumta, të cilat janë në rritje e sipër, nuk është se po rritet raportimi por është fatkeqësisht se po na ndjek si dukuri. Jemi të përkushtuar dhe maksimalisht, ndoshta mundemi me pas gabime si individë, por kryesisht i njohim procedurat e standardit të veprimit”, thotë Mikullovci.
Disa nga rekomandimet e dhëna gjatë prezantimit të rajonit janë, të realizohen fushata informuese dhe vetëdijesuese për DhBGj-në, masa më të mëdha mbrojtëse për të mbijetuarat e dhunës në familje, dhe të fokusimi në programet e rehabilitimit dhe riintegrimit të tyre.
Të tjera
-
15 të vrἀrë në Rafah, në mesin e tyre katër fëmijë
Të paktën 15 persona u vranë në një sulm ajror dhe artilerie në Rafah, sipas ...
-
Edhe AAK refuzon ftesën e Kurtit
Aleanca për Ardhmërinë e Kosovës i është bashkuar Lidhjes Demokratike në refu...
-
AAK akoma nuk ka vendosur nëse do të shkoj në darkën me opozitën që po e organizon kryeministri Kurti
Aleanca për Ardhmërinë e Kosovës është duke shqyrtuar ftesën e bërë nga kryem...
-
Maqedonia e Veriut nuk e arrin kuotën ligjore për përfaqësimin e grave në Kuvend
Rezultati i dalë nga zgjedhjet parlamentare të 8 majit, ka siguruar 41 ulëse ...
-
Shqipëria me strategji për rikthimin e shqiptarëve
Shifrat zyrtare të Ministrisë së Brendshme dhe INSTAT zbulojnë se në harkun k...
-
Izraeli në aksion të ri ndaj Hamasit në Gaza
Të premten më 10 maj, Forcat e Mbrojtjes së Izraelit - IDF publikuan pamje ng...
-
Suspendimi i kryesindikalistit, BSPK mbështet Sindikatën e Policisë së Kosovës
Bashkimi i Sindikatave të Pavarura të Kosovës e ka mbështetur fuqishëm reagim...
-
LDK nuk i shkon kryeministrit Albin Kurti në darkë
Kryetari i LDK-së, Lumir Abdixhiku, ia ka kthyer letrën kryeminsitrit Albin K...
-
Prince Caffe hyn në tregun e Belgjikës
Prince Caffe ka filluar shtrirjen në tregun e Belgjikës, duke u bashkuar me d...
-
Presidentja Vjosa Osmani pozon si “sherife” në Texas
Presidentja e Kosovës, Vjosa Osmani, prej disa ditësh është duke qëndruar në ...
-
Loja s’ka nisur akoma, Ali Ahmeti publikon “Deklaratën e përbashkët të partive shqiptare”
Kryetari i Bashkimit Demokratik për Integrim (BDI) Ali Ahmeti publikoi “Dekla...
-
Xhamia e shkatërruar në luftën e Bosnjës ngrihet nga rrënojat
Për gati 400 vjet, një xhami osmane e shekullit të 16-të ishte në Banjallukë,...