Loja s’ka nisur akoma, Ali Ahmeti publikon “Deklaratën e përbashkët të partive shqiptare”
Autori: Gazeta inFokus 16:58 | 11 May 2024
Kryetari i Bashkimit Demokratik për Integrim (BDI) Ali Ahmeti publikoi “Deklaratën e përbashkët të partive politike shqiptare” i cili mban nënshkrimin e tij dhe liderëve të VLEN-it, respektivisht Arben Taravarit, Afrim Gashit, Bilall Kasamit dhe Izet Mexhitit.
Kryetari i Bashkimit Demokratik për Integrim (BDI) Ali Ahmeti publikoi “Deklaratën e përbashkët të partive politike shqiptare” i cili mban nënshkrimin e tij dhe liderëve të VLEN-it, respektivisht Arben Taravarit, Afrim Gashit, Bilall Kasamit dhe Izet Mexhitit.
Ahmeti tha se deklarata është firmosur më 4 dhjetor 2023, ndërsa ai vetë e ka firmosur më 7 janar të këtij viti.
“Ne partitë politike të nënshkruara më poshtë duke pasur situatën në të cilën ndodhet vendi ndjejmë detyrimin se jemi të vendosur që tani dhe në të ardhmen të bashkëpunojmë dhe bashkëqeverisim vetëm me ato parti politike që pranojnë të mbështesin ndryshimet kushtetuese për integrimin e vendit në BE”, thuhet në deklaratë.
Sikurse në ditën e zgjedhjeve, Ahmeti përsëriti frazën se vendit i duhet stabilitet dhe paqe.
“Lufta psikologjike dhe terrori që ushtrohet po ikën ky po ikën ai, sot iki unë, nesër Ziadini, pasnesër Menduhu, Skenderi, janë lufte psikologjike, terror mbi anëtarësinë, mos u dridhet qerpiku ne nuk jemi lidhur pas gradave dhe ofiqeve. Ne jemi në mision, i cili na nderon të gjithë neve të pranishëm dhe ata qindra- mijëra njerëz që na mbështesin. Prandaj ky dokument i nënshkruar është i deponuar, ne nënshkruesit e dimë se ku e kemi deponuar, çdo kontestim mbi këtë dokument është i pavërtetë dhe dëshmohet nga të gjithë aleatë dhe miqtë tanë që janë të interesuar që ky vend të ecë përpara, të mos vendnumërojë”, tha Ahmeti.
Ali Ahmeti në fund kishte edhe një mesazh: “Loja nuk ka filluar ende!”, raporton AlsatMk.
Ndryshe, deklarimet e Ahmetit vijnë pasi VMRO DPMNE, fituese e zgjedhjeve parlamentare të 8 majit dhe koalicioni shqiptar VLEN nisën negociatat për qeverinë e re të Maqedonisë së Veriut.
Kryetari VMRO DPMNE, Hristian Mickoski, qëndroi sot rreth tri orë në zyrat e koalicionit VLEN, për të diskutuar për formimin e qeverisë, ku u prit nga Arben Taravari, Izet Mexhiti, Bilall Kasami dhe Afrim Gashi.
Mickoski, nuk dha detaje nëse është diskutuar për ndarjen e resorëve, apo ndryshimet kushtetuese, por paralajmëroi se opinioni do të informohet nëpërmjet komunikatës. Edhe nga koalicioni VLEN nuk dhanë detaje për takimin.
Kreu i VMRO-DPMNE-së dje ka mbajtur takim me përfaqësuesit e partive të koalicionit “Maqedonia e juaj”, me të cilët ka garuar në zgjedhjet parlamentare. Nënkryetari i partisë, Timço Mucunski dje në intervistën për Alsat tha se në takim është diskutuar për tri postulatet kryesore të qeverisë së ardhshme – zhvillimin ekonomik, sundimin e së drejtës dhe rrugën e integrimit të vendit në Bashkimin Evropian. Të njëjtat postulate, do të jenë pjesë e negociatave edhe me koalicionin VLEN.
Koalicioni Maqedonia e juaj – VMRO DPMNE ka fituar në zgjedhjet e parlamentare me 43.36 për qind, duke siguruar gjithsej 58 mandate. Fronti Evropian me BDI-në e Ali Ahmetit ka fituar 19 mandate, koalicioni tjetër shqiptar VLEN 13. LSDM 18 mandate, Partia politike e Majta 6 dhe Lëvizja Unë di – për Maqedoninë tonë 5.
Të tjera
-
Gjykimi për dallavere me patentë shofer, të akuzuarit deklarojnë se MI-së nuk i shkaktuan dëm buxhetor
Në këtë rast, ish-ushtruesi i detyrës së Sekretarit të Përgjithshëm në Minist...
-
Vd es një 42 vjeçar në Suharekë, ra në kontakt me rrymën elektrike
Një 42 vjeçar ka vdekur si pasojë e goditjes nga rryma elektrike. Ngjarja e r...
-
Haiziri tregon kur mund të mbahen zgjedhjet
Mundësia për zgjedhje të parakohshme duket të mos jetë e mundur aktualisht. ...
-
Vuçiq i bindur te fitorja e tij në zgjedhje: Hapini kutitë, mund t’i numëroni 100 herë
Një ditë pas triumfit në zgjedhjet e pjesshme lokale, presidenti i Serbisë, A...
-
Kurti thotë se kompania turke “Baykar” është adresë e duhur për armatim: Kur do të blejmë e sa, merret vesh më vonë
Kryeministri i Kosovës, Albin Kurti, ka deklaruar se kompania turke “Baykar”,...
-
Sveçla “ndërron temë”, publikon pamje të maleve të Veriut
Derisa në vend po debatohet rreth telefonatës së Mimoza Kusari-Lilës dhe Mila...
-
Valon Syla ka një pyetje për Albin Kurtin: Pse e merr me vete në çdo takim Kusari-Lilën?
Valon Syla, gazetar, ka folur në “Pressing” të T7, për bisedën e publikuar ku...
-
Dalin pamjet e adoleshentit nga Fushë Kosova që u rra hë me grushte nga disa persona
Një prind në Fushë Kosovë ka raportuar se disa persona ia kanë rrahur djalin....
-
Paralajmërimet për hapjen e Urës së Ibrit, ish-Komandanti i KFOR’it Bühler: Qeveria duhet t’i dëgjojë këshillat e aleatëve
Ura e Ibrit është mbyllur qe shumë vite për qarkullim të veturave, mirëpo vit...
-
Haxhiu viziton nënën e Eronës që u v*a nga ish-partneri i saj: Secila pjesë e shtëpisë ia kujton ndonjë moment me vajzën dhe nipin
Ministrja e Drejtësisë, Albulena Haxhiu, ka vizituar sot nënën e Erona Coklit...
-
Të ardhurat mesatare do të bien me 19% për shkak të ndryshimit klimatik
Të ardhurat mesatare në mbarë botën do të pakësohen me një të pestën deri në ...
-
Në Serbi po kryhen arrestime për akuza të panjohura në Kosovë
Pikëkalimi mes Kosovës dhe Serbisë, Merdare, është një prej zonave ku autorit...