Lajme

Prince Caffe hyn në tregun e Belgjikës

Autori: Gazeta inFokus 17:32 | 11 May 2024

Prince Caffe ka filluar shtrirjen në tregun e Belgjikës, duke u bashkuar me distributorin e mirënjohur, L.L.A.V Group.

Produktet e Prince Caffe, me anë të këtij bashkëpunimi, tash e tutje do të ofrohen në rrjetin e supermarketeve Delhaize Group në të gjithë vendin.

Ky hap shihet si një mundësi e mirë për klientët belgë të provojnë kafenë e shijshme të Prince Caffe, duke e bërë atë më të lehtë se kurrë për ta gjetur në një vend të besueshëm dhe të njohur.

-Advertisement-

Me rreth 140 supermarkete Delhaize ofrojnë një gamë të gjerë të produkteve ushqimore dhe janë të njohur për krijimin e mjediseve të këndëshme dhe miqësore të blerësve.

Ky partneritet i suksesshëm me L.L.A.V Group dhe Delhaize do të ndihmojë Prince Caffe të rritet dhe të përhapet më gjerë në tregun e Belgjikës duke përfshirë edhe shtetet tjera të Beneluksit dhe më gjërë, duke siguruar që kafja e shijshme të jetë e disponueshme për më shumë njerëz në këtë vend.

Prince Caffe, si njëri ndër brendet kryesore kosovare, tashmë po pozicionohet gjithnjë e më tepër sukses në tregje të ndryshme evropiane.