Kupa e Botës 2022

Pse belgët e kanë nofkën “Djajtë e Kuq”? Ja shpjegimi

Autori: Gazeta inFokus 11:43 | 23 November 2022

Belgjika debuton këtë të mërkurë, më 23 nëntor, në Kupën e Botës “Katar 2022” kundër Kombëtares Kanadeze (ora 20:00). “Djajtë e Kuq” përfshihen mes kandidatëve për ta fituar titullin, edhe pse jo mes kryesorëve. Ata kanë arritur deri në gjysmëfinale të Botërorit “Rusi 2018”. Shumë tifozë të futbollit pyesin veten, pse lojtarët e Belgjikës kanë nofkën “Djajtë e Kuq”?

Ky etiketim karakteristik, të cilin e ndajnë me Manchester United (Djajtë e Kuq), iu dha në vitin 1905, pas një ndeshjeje kundër Holandës. Pseudonimin e ka vënë gazetari sportiv, Pierre Walckiers, sepse belgët, që mundën 3-2 holandezët, ishin veshur me fanella të kuqe dhe e dominuan takimin, ndaj u quajtën “Djajtë e Kuq”.