Përveç Podujevës, edhe në komunën e Gjilanit që drejtohet nga Alban Hyseni i Vetëvendosjes mësimdhënësit e kanë vazhduar grevën dhe mësimi nuk ka nisur sot.

Si duket takimi i katër liderëve të komunave të vetme ku udhëheq partia në pushtet dhe thirrja që nxënësit të kthehen sot në shkolla sepse fillon procesi i rregullt mësimor nuk pati sukses.

Që mësimi në shkollat e Gjilanit nuk ka filluar as sot, për Gazetën Infokus e ka konfirmuar, Drejtoresha e Arsimit në këtë komunë, Selvete Sylejmani.

-Advertisement-

Sylejmani ka thënë se në shkolla në ndërrimin e paradites nuk është mbajt mësimi e që pritet të shihet se çfarë do të ndodhë me orarin e pasdites.

“Deri më tani asnjë shkolle nuk ka filluar mësimin, në asnjë shkollë në Gjilan me aq sa kemi ne informata. Jemi duke u munduar të kuptojmë se a do mbahet mësimi në shkollat që fillojnë mësim pasdite pasi gjatë të enjtes dhe të premtes dy shkolla fillore kanë mbajtur mësim të rregullt. MësimI që fillon prej orës 13:00 nuk jemi ne dijeni se a do mbahet mësimi a jo ne këto dy shkolla për sot , pas kërkesës nga këshilli i prindërve ne do mbajmë një takim me ta”, ka thënë drejtoresha e arsimit.

E që mësimi nuk po mbahet për Infokus e kanë konfirmuar edhe dy shkolla në Gjilan.

“Ne kemi ardhë në shkolle po rrimë po presim mësimi nuk është duke u mbajtur tha”, tha drejtori i shkollës Fillore, “Aferdita” Kishnapole, Ramadan Mehmeti.

Mësimi nuk po mbahet as në shkollën “Selami Hallaci”, kjo sipas zëvendës drejtorit të shkollës, Fatmir Selimi.

“Na jem t përgatitën për mësim na vijmë me kohe në shkolle na skemë t’ bëjmë me greve, por mësim nuk është tu u mbajt nuk është ne dorën tonë” ka thënë për Infokus, Zv. drejtori i shkollës Selami Hallaçi.

Të dielën Ministria e Arsimit bëri thirrje që prindërit të sjellin të hënën (sot) fëmijët në shkolla pasi do të fillojë mësimi, mirëpo pavarësisht kësaj thirrje, mësimi nuk po mbahet.
Derisa të dielën u takuan edhe katër kryetarët e komunave të udhëhqeura nga partia në pushtet të cilët po ashtu bënë thirrje që sot do të fillojë mësimi. Në këtë takim të përbashkët të kryetarit të Gjilanit, Alban Hyseni, kryetarit të Kamenicës, Kadri Rahimaj, kryetarit të Shtimes, Qemajl Aliu, dhe kryetarin e komunës së Podujevës Shpejtim Bulliqi, njëzëri me Ministrinë e Arsimit kanë bërë thirrje që prindërit nga sot të sjellin nxënësit në shkolla, pasi mësimi do të fillojë.

LEXO EDHE: Katër kryetarët e komunave që udhëhiqen nga VV bëhen bashkë, bëjnë thirrje prindërve t’i dërgojnë fëmijët në shkollë

Ndërsa kryetari i SBASHK-ut, Rrahman Jashari, ka deklaruar se greva do të vazhdojë deri në plotësimin e kërkesave të mësimdhënësve, madje ai ka thënë se greën nuk e ndalë edhe “nëse e ngrehin zhagë për vdekje”./Gazeta Infokus/

Shkolla në Podujevën e udhëhequr nga LVV-ja përgënjeshtron komunën: Mësimdhënësit janë ende në grevë

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-