Shkolla në Podujevën e udhëhequr nga LVV-ja përgënjeshtron komunën: Mësimdhënësit janë ende në grevë
Autori: Samire Jaha 10:55 | 05 September 2022
Ani pse Komuna e Podujevës u bëri thirrje prindërve që sot të sjellin fëmijët në shkolla pasi sipas tyre sot fillon procesi mësimor në mënyrë të rregullt, e madje edhe drejtori i arsimit në këtë komunë, Avni Fetahu konfirmoi për Infokus se mësimi ka filluar, një shkollë në komunën e udhëhequr nga Vetëvendosja deklaron se nuk ka fillim të mësimit.
Shkolla fillore e mesme e ulët, ”Fan S.Noli”, në komunën e udhëhequr nga Shpejtim Bulliqi i Vetëvendosjes ka thënë për Gazetën Infokus se mësimdhënësit e kësaj shkolle janë ende në grevë dhe se mësimi fillon kur të jetë vullneti i mësimdhënësve.
“Ne kemi kërkuar që sot të mbahet procesi mësimor e kemi qitë edhe përmes faqeve zyrtare, mirëpo nuk ka qenë disponimi i mësimdhënësve për me vazhdu mësimin sot. Nuk ka presione (për fillimin e procesit mësimor), mirëpo këta mësimdhënësit janë në grevë”, kanë deklaruar nga kjo shkollë për Infokus.
Ndërsa drejtori i arsimit në komunën e Podujevës, Avni Fetahu, ka thënë për Gazetën Infokus se procesi mësimor ka filluar në të gjitha shkollat, megjithatë sipas tij disa mësimdhënës janë ende në grevë.
“Në e komunën e Podujevës me orar të rregullt ka filluar procesi mësimor edhe ka filluar shpërndarja e librave jo në masë të konsiderueshme, një numër i mësimdhënësve që në javën e kalume kanë qenë që kanë mbajt orë është rritur ky numër që kanë vullnet për të mbajtur procesin mësimor mirëpo prej orës 09:00 kur kanë ardh mësimdhënësit tjerë që kanë vendos me ju bashkangjitur grevës, ky numër është në përqindje 80% edhe pse raportet presim që së shpejti me na ardh me e pa qysh është gjendja reale në teren. Të gjitha kanë filluar ndërkohë mirëpo më pjesëmarrje të konsiderueshme të nxënësve mirëpo jo edhe me pjesëmarrje shumë të madhe të mësimdhënësve“, ka deklaruar Fetahu për Infokus.
Kujtojmë që në një takim të përbashkët të kryetarit të Gjilanit, Alban Hyseni, kryetarit të Kamenicës, Kadri Rahimaj, kryetarit të Shtimes, Qemajl Aliu, dhe kryetarin e komunës së Podujevës Shpejtim Bulliqi, njëzëri me Minsitrinë e Arsimit kanë bërë thirrje që prindërit nga sot të sjellin nxënësit në shkolla, pasi mësimi do të fillojë.
Deklarata të tilla kontradiktore kanë bërë edhe Ministria e Arsimit e cila nga njëra anë po bën thirrje që prindërit të dërgojnë fëmijët në shkolla, derisa SBASHK-u njofton që greva vazhdon.
Edhe sot kryetari i SBASHK-ut, Rrahman Jasharaj, ka njoftuar për vazhdimin e grevës në të gjitha komunat, madje SBASHK ka nisur edhe vizitat në shkolla./Gazeta Infokus/
Të tjera
-
Konjufca: Qeveria s’ka aryse të japë dorëheqje
Kryetari i Kuvendit, Glauk Konjufca, ka thënë se qeveria nuk ka arsye të japë...
-
Bislimi pret në takim përfaqësuesit e BB, kërkon mbështetje për Kosovën
Zëvendëskryeministri për Integrim Evropian, Zhvillim dhe Dialog, Besnik Bisli...
-
Votimi në 4 komunat veriore – Hapet regjistrimi për votuesit jashtë Kosovës
Komisioni Qendror i Zgjedhjeve ka njoftuar qytetarët me të drejtë vote jashtë...
-
Haradinaj kujton masakrën e Deçanit e Klinës: Kosova në vijë më ushtritë e NATO-s, nderi më i madh për të rënët
Kryetari i Aleancës për Ardhmërinë e Kosovës, Ramush Haradinaj ka përkujtuar ...
-
Inovacioni shkencor dhe teknologjik i Kinës forcohet vazhdimisht
Në vitin e parë të komercializimit të teknologjisë 5G-A, kompanitë kineze jan...
-
“Hajde zhvendosemi” – Pyetja për dinarin e bën Besnik Bislimin të ikë prej gazetarëve
Zëvendëskryeministri i Kosovës Besnik Bislimi, nuk është deklaruar për media ...
-
Tahiri: Ditët në vijim do të iniciojmë kërkesën për shpërbërjen e Kuvendit
Shefi i grupit parlamentar të Partisë Demokratike të Kosovës, Abelard Tahiri,...
-
Tahiri e Gashi lëshojnë sallën ku po mbahej mbledhja e Kryesisë
Shefi i grupit parlamentar i AAK-së, Besnik Tahiri, dhe ai i LDK-së, Arben Ga...
-
Artmotion dhe DigitAlb arrijnë marrëveshje të re bashkëpunimi pesëvjeçar
Artmotion, platforma lidere në Kosovë, dhe DigitAlb, platforma lidere në Shqi...
-
Arrestohet në Prizren burri me nënshtetësi gjermane, dyshohet për dhunë ndaj familjarëve të tij
Policia e Kosovës ka arrestuar në Prizren një burrë me nënshtetësi gjermane, ...
-
Bajrami ia bën ‘bajat’ ministrit Murati: Sektorit privat ia more taksat dhe i shpërndave si karramele
Deputetja e LDK’së, Hykmete Bajrami i ka reaguar ministrit Hekuran Muratit, d...
-
Aksion i Policisë në Prizren, arrestohen dy të dyshuar për dro*ë e ar*ë
Departamenti i Krimeve të Rënda në Prokurorinë Themelore në Prizren ka njoftu...