Zëdhënësi i qeverisë Kurti gënjeu publikisht për diçka që është publike e iniciuar nga deputetët e LVV-së dhe ka vendim të Gjykatës Kushtetuese
Autori: Gazeta inFokus 10:58 | 22 February 2023
Zëdhënësi i qeverisë së Kosovës, Përparim Kryeziu, publikisht ka deklaruar se Gjykata Kushtetuese nuk e ka trajtuar marrëveshjen e vitit 2013 për Asociacionin e Komunave me Shumicë Serbe.
Mirëpo edhe në vitin 2013, Kushtetuesja e ka trajtuar marrëveshjen e nënshkruar nga kryeministri i asaj kohe, Isa Mustafa, pasi u dërgua në Gjykatë nga 12 deputetë të Lëvizjes Vetëvendosje. Madje për këtë ekziston edhe një aktgjykim.
“Vendimi i Kushtetueses thotë se arsyeja se pse, njëra nga shumë arsyet se pse marrëveshja e 2015 nuk është në përputhje me Kushtetutën, sepse nuk e ka trajtuar të 2013-ës, po 2015-ës… Në 2013 nuk ka shkuar në Kushtetuese. Marrëveshja e 2015 është sfiduar në Kushtetuese. Në 2015 në mesin e 23 shkeljeve, Gjykata thotë se nuk është në përputhje me nenin 3 të Kushtetutës. Ky nen element përbërës e ka multietnicitietin. Nuk mund të ketë një entitet i cili pjesë përbërëse e ka etninë në një shoqëri multietnike. Ky është vendimi i Kushtetueses dhe leximi i secilit jurist”, ka thënë Kryeziu në Këndi i Debatit në Tëvë1.
Madje ai akuzon Kushtetuesen se e vetmja arsye pse ka deklaruar që Asociacioni duhet të formohet sipas marrëveshjes së vitit 2013 është sepse nuk e ka pasur subjekt trajtimi.
“Nëse Gjykata Kushtetuese e ka rrëzu marrëveshjen, pse duhet me shku në Kuvend? Kur është pyt Kushtetuesja për marrëveshjen e 2015, pa dyshim që baza e marrëveshjes së 2015 është marrëveshja e 2013. Kushtetuesja i përgjigjet vetëm pyetjes që i bëhet, nuk i përgjigjet nën pyetjeve potenciale e që derivojnë. E vetmja arsye pse Kushtetuesja në interpretimin e saj ka thënë që duhet të formohet në bazë të marrëveshjes së 2013, është se, e para nuk e ka pasë në shqyrtim dhe e dyta se nëpërmjet interpretimit të saj për marrëveshjen e 2015 nuk mundet me e zhbë marrëveshjen e 2013, sepse nuk e ka pas si subjekt. Qysh mundet burimi i marrëveshjes së 2015 i cili bie ndesh me 23 pika të Kushtetutës mos me qenë në kundërshtim me Kushtetutën”, ka thënë Kryeziu.
Si duket zëdhënësi i kryeministrit të Kosovës, Albin Kurti, ka harruar se në vitin 2013, marrëveshja ndërkombëtare pjesë e secilës ishte edhe formimi i Asociacionit u dërgua në Gjykatë Kushtetuese nga vetë deputetët e partisë në pushtet dhe Kushtetuesja nxori edhe një vendim për të.
AKTGJYKIMI I VITIT 2013 I GJYKATËS KUSHTETUESE
Ndryshe nga ajo që ka deklaruar Kryeziu, Gjykata Kushtetuese vitin 2013 e ka shpallur procedurën e miratimit të ligjit për ratifikim të marrëveshjes të prillit 2013 në pajtueshmëri me kushtetutën e Kosovës.
Në fakt ajo që Gjykata ka refuzuar në atë vit ka qenë trajtimi i parimeve që rregullojnë normalizimin e marrëdhënieve në mes të Kosovës dhe Serbisë duke e konsideruar këtë jashtë fushëveprimit dhe juridiksionit të kësaj gjykate.
Ndërsa në vitin 2015 sërish, Gjykata Kushtetuese kishte trajtuar këtë marrëveshje, pasi u dërgua nga atëherë presidentja e vendit, Atifete Jahjaga, duke marrë një vendim që pikat e saj nuk janë krejtësisht në përputhje me Kushtetutën e Kosovës.
“(Gjykata Kushtetuese) konstaton që akti juridik i Qeverisë së Republikës së Kosovës dhe Statuti që implementon Parimet, për të qenë në pajtueshmëri me frymën e Kushtetutës, me nenin 3 [paragrafi 1, me Kapitullin II dhe III, duhet të plotësojnë standardet kushtetuese dhe duhet të jenë në pajtueshmëri posaçërisht me nenet 3, 7, 12, me Kapitullin II [Të Drejtat dhe Liritë Themelore], me nenet 21 dhe 44, me Kapitullin III [Të Drejtat e Komuniteteve dhe Pjesëtarëve të tyre”, thuhet në vendimin e GJK-së.
Derisa në vendimin e vitit 2015 Gjykata theksoi sërish se Asociacioni i Komunave me Shumicë Serbe të themelohet ashtu siç ishte parashikuar në Marrëveshjen e parë të Brukselit, e nënshkruar në prill të vitit 2013 ndërmjet Kosovës dhe Serbisë.
“TE KONSTATOJË që Asociacioni/Bashkësia e komunave me shumicë serbe do të themelohet, siç është paraparë me Marrëveshjen e Parë, të ratifikuar nga Kuvendi i Republikës së Kosovës dhe shpallur nga Presidentja e Republikës së Kosovës”, thuhej në vendimin e vitit 2015.
Në këtë mënyrë Gjykata Kushtetuese i lë dorë të lirë qeverisë së Kosovës që ta themelojë asociacionin e komunave me shumicë serbe në bazë të parimeve të marrëveshjes së 19 prillit të vitit 2013./Gazeta Infokus/
Të tjera
-
Rohde: Gjermania do t’i katërfishojë forcat e saj në Kosovë
Ambasadori i Gjermanisë në Kosovë, Jorn Rohde ka thënë se shteti i tij do t’i...
-
Kurti u kërkon takim partive parlamentare
Kryeministri i Kosovës, Albin Kurti i ka ftuar kryetarët e partive parlamenta...
-
Abdixhiku në Suharekë: LDK-ja ka program që u përgjigjet çështjeve të dekadës e rindërton aleancat
Kryetari i LDK-së, Lumir Abdixhiku, ka vizituar qytetin e Suharekës dhe fshat...
-
Suspendohet kryetari i Sindikatës së Policisë së Kosovës, incizoi tinëz kolegët
Kryetari i Sindikatës së Policisë së Kosovës, toger Imer Zeqiri është suspend...
-
Një muaj paraburgim për anëtarin e grupit famëkeq “Albkings” që shpërndau numrat telefonikë
Gjykata Themelore në Prishtinë caktuar masën e paraburgimit kundër të pandehu...
-
Kurti, Vuçiq, Rama, O’Brien mblidhen në Mal të Zi në Samitin Rajonal të liderëve, kjo është agjenda
Samiti Rajonal i liderëve do të mbahet në Kotor të Malit të Zi më 15 dhe 16 m...
-
Haradinaj: Nëse Kosova s’anëtarësohet në KiE është përgjegjësi e Osmanit, Kurtit e Konjufcës
Kryetari i AAK-së, Ramush Haradinaj, ka thënë se nëse humbet momentumi i pran...
-
Haziri: Ballafaqimi i Kurtit për anëtarësimin në KiE është humbje për Kosovën
Nënkryetari i Lidhjes Demokratike të Kosovës, Lutfi Haziri, ka thënë se balla...
-
Zgjedhjet në Maqedoni: Afati për ankesa në KSHZ përfundon pak para mesnatës
Afati për dorëzimin e ankesave në Komisionin Shtetëror Zgjedhor në Maqedoni t...
-
Dërgohen në Finlandë mostrat biologjike të terror*istëve të Banjskës
Ministria e Drejtësisë në bashkëpunim me Prokurorinë Speciale i kanë dërguar ...
-
Sveçla: Vetëm sot 29 qytetarë i kanë konvertuar patentë shoferët ilegal në RKS
Ministri i Punëve të Brendshme, Xhelal Sveçla ka njoftuar se në ditën e parë,...
-
Tetë vite burgim për serbët që kultivuan kanabis në laboratorë në veri, një tjetër akoma në arrati
Ivan Slaviq dhe Redenko Keseroviq janë dënuar me gjithsej tetë vite burgim, p...