Sindikatat kundërshtojnë Albin Kurtin, nuk pajtohen me pagën minimale
Autori: Elvira Haxhiu 15:39 | 13 April 2022
Në mbledhjen e së mërkurës Qeveria e Kosovës ka marrë vendim që paga minimale tani e tutje të jetë 264 euro bruto, shkruan Gazeta Infokus.
Por, me një shumë e tillë nuk janë të kënaqur sindikatat.
Pasi sipas tyre, paga minimale në vend do të duhej të ishte më e lartë, duke pasur parasysh ngritjen e çmimeve të gjërave elementare.
Blerim Syla, kryetar i Federatës së Sindikatave të Shëndetësisë tha për Gazetën Infokus se vlera e pagës minimale e miratuar nga qeveria as nuk duhet të vihet në diskutim, ngase ajo është e ulët.
Madje, sipas tij kjo është arsyeja se pse qytetarët po e lëshojnë Kosovën.
Pasi që tha se vlera nuk duhet të vihet në diskutim fare, Syla u shpreh i pa kënaqur edhe për formën e marrjes së vendimit për rritjen e pagës minimale.
Ai e quan të rrezikshëm faktin se një vendim i tillë është marrë pa biseduar me sindikatat.
“Zakonisht paga minimale përcaktohet dhe me biseda me BSPK-në apo Federatat Sindikale dhe kjo tash nuk është respektuar fare, dhe kjo është e dhimbshme dhe e rrezikshme”, ka thënë Syla.
Sipas të parit të FSSHK-së paga minimale në vend do të duhej të ishte 400 euro, kjo duke u bazuar në shportën e gjërave esenciale.
E me pagën minimale nuk po pajtohet edhe SBASHK-u.
Kryetari i Sindikatës së Bashkuar të Arsimit, Shkencës dhe Kulturës, Rrahman Jashari, në një prononcim për Gazetën Infokus, vendimin e ekzekutivit e quajti hap jo të qëlluar.
Gjithashtu, ai tha se qeveria po vazhdon të marrë vendime pa marrë asnjëherë propozimet siç i quajti ai përmbajtjesore të sindikatave.
“Sindikatat kanë ofruar versionin e tyre dhe kanë këmbëngulur në mos jo 400 euro që është kërkuar sidomos nga sektori privat, së paku paga minimale të jetë 300 euro. Mirëpo, ky propozim i sindikatave nuk është pranuar në atë takim dhe po shihet se qeveria ka vendosur dhe ka votuar versionin e vet. Një hap jo i qëlluar, sepse unë konsideroj se qeveria prapë po vazhdon të vendos kokë më vete, pa marrë asnjëherë propozimet e argumentuara të sindikatave”, ka thënë i pari i SBASHK-ut.
E nga Bashkimi i Sindikatave të Pavarura të Kosovës në një komunikatë për media kanë thënë se vlera e pagës minimale nuk është punë dëshirash, por është një vlerë që duhet llogaritur.
Po ashtu, në këtë komunikatë u përmend edhe takimi i 10 marsit i Këshillit Ekonomiko-Social, ku atë ditë dështoi të votohet vlera e pagës minimale në 264 euro.
“Në Takimin e fundit të KES-it, më 10 mars, në votim u hodhën dy propozime për vlerën e Pagës minimale – 264€ dhe 300€, dhe asnjëri nga këto propozime nuk mori vota e duhura – 2/3 e votave. Dhe sot kemi një Pagë minimale e cila është hedh në votim në mbledhjen e fundit të KES-it por nuk ka marrë votat e duhura”, thuhet në komunikatën e BSPK-së.
E në këtë komunikatë u tha se BSPK-ja do të ndjek të gjitha rrugët ligjore për intensifikimin e veprimeve sindikale në të mirë të ngritjes së mirëqenies ekonomike, sociale e shëndetësore të të punësuarve.
“Duam të cekim se KES-i do të vazhdojë me punën rreth përcaktimit të pagës minimale edhe për vitin 2023, që do të mundësojë propozimin e pagës minimale më të lartë se në vitin që jemi, vitin 2022”, thuhet në komunikatë.
Në mbledhjen e qeverisë, kryeministri Albin Kurti tha se nga rritja e pagës minimale do të përfitojnë 300 mijë punëtorë.
Kurse, ministri i Financave, Hekuran Murati në këtë mbledhje tha se me miratimin e këtij projektligji do të rriten pagat e punëtorëve me pagë të ulët.
“Projektligji në fjalë e ka për qëllim që të plotësojë dhe ndryshojë ligjet të cilat lidhen me shumën e benificioneve ose kompensimeve në pagën minimale si dhe të ndryshojë shkallën tatimore në të ardhurat personale dhe të ndryshojë procedurën e vendosjes së pagës minimale. Me miratimin e këtij projektligji paga minimale do të shërbejë vetëm për të rritur pagën e punëtorëve me pagë të ulët ”, ka thënë ai.
Kujtojmë, që paga minimale në Kosovë që nga viti 2011 është 130-170 euro.
Vlera e pagës minimale në Kosovë është më e ulëta në Evropë, sipas Agjencisë Evropiane të Statistikave, Eurostat./Gazeta Infokus/
Të tjera
-
PAMJE TË RËNDA! Momenti kritik kur ndodhi plag*osja e trefishtë në Pejë
Tre persona dyshohet të kenë mbetur të plagosur si pasojë e të shtënave me ar...
-
Lajmi i fundit: Tre personat e plagosur në Pejë nisen për QKUK, njëri në gjendje të rëndë
Tre persona (familjarë mes vete), janë plagosur nga arma e zjarrit sonte ...
-
As Peja s’gjen qetësi sonte, dyshohet për plagósje – Policia në vendin e ngjarjes
Një incident ka ndodhur sonte në Pejë, ku dyshohet se eskaluar në për...
-
Përleshje në Gjonaj të Prizrenit, lëndohen dy persona – njëri nga ta me ar*më zja*rri
Dy persona janë lënduar si pasojë e një përleshjeje që ka ndodhur mbrëmjen e ...
-
Valon Syla përplaset me Zana Avdiun: Vjosa Osmani e përpin edhe Albin Kurtin, ai e di këtë gjë
Një përplasje ka ndodhur mes Valon Sylës dhe Zana Avdiut. Analisti, Valon ...
-
Ministri Aliu: Projekti i linjës hekurudhore Durrës-Prishtinë po jetësohet
Ministri i Mjedisit, Planifikimit Hapësinor dhe Infrastrukturës, Liburn Aliu,...
-
Kurti: Parada të ushtrisë serbe aty ku u gjetën trupat e 744 shqiptarëve nga Kosova
Kryeministri i Kosovës, Albin Kurti, ka kujtuar të vrarët në masakrën e Vusht...
-
Haziri ngre dyshime për ndërhyrje në dosjen e Stadiumit të Gjilanit: Janë fikur kamerat që funksionojnë 24/7
Kryetari i LDK-së në Gjilan, Lutfi Haziri, ka thënë se për stadiumin e qyteti...
-
Asambleja Parlamentare e NATO-s shqyrton kërkesën e Kosovës për statusin e anëtarit të asociuar
Kosova do të jetë pjesë e agjendës së Asamblesë Parlamentare të NATO-s, e cil...
-
Ferizaj, i konfiskohet vetura 24-vjeçarit që voziti nën masën mbrojtëse
olicët e Komunikacionit Rrugor sot rreth orës 18:50 në rrugën “Driton Islami”...
-
U largua papritur gjatë vizitës në Tiranë dhe nuk arriti ta takonte, Begaj telefonatë me Cameron: Mirënjohës në mbështetjen e luf*tës kundër kri*mit dhe korrupsionit
Presidenti Bajram Begaj zhvilloi një telefonatë me Sekretarin e Jashtëm b...
-
Jasharaj: Nagavci s’po pranon të na takojë, po mban inati karshi nesh
Kryetari i SBAShK-ut, Rrahman Jashari thotë se i kanë dërguar letër përsëri m...