Fokus

Kur duhet t’i dërgoni fëmijët tek mjeku i syve?

Autori: Elvira Haxhiu 13:11 | 31 August 2023

Në emisionin e shëndetësisë, Doktor Plus, me Betim Morina, prodhim i Gazetës Infokus, këtë javë është diskutuar për shëndetin e syve tek fëmijët.

Syri është organ shumë i rëndësishëm i njeriut, prandaj edhe kujdesi dhe trajtimi i syve është shumë i nevojshëm, po aq edhe i ndjeshëm, e sidomos tek fëmijët.

Por, kur preferohet që prindërit t’i dërgojnë fëmijët për vizitë tek oftalmologu?

-Advertisement-

Oftalmologia Mirlinda Kubati në Doktor Plus, thotë se nëse prindërit nuk vërejnë ndonjë ndryshim tek fëmiu i tyre, atëherë preferohet që nga mosha 3-vjeçare të fillojnë me vizita rutinore tek mjeku i syve.

“Nëse prindi e vëren një ndryshim tek fëmiu i vet e bjen që nga mosha 1 muajsh, 2 muajsh, 5 muajsh, 8 muajsh. Por, nëse prindi nuk e vëren ndonjë ndryshim, nuk vëren kurrfarë ndryshimi tek fëmiu i vet atëherë kishte me qenë e mirë që në nga mosha 3-vjeçare të fillojnë me vizita do me thënë rutinore, apo me i quajt të përgjegjshme. Kemi shumë fëmijë që vizitën e parë te oftamologu e bëjnë në moshën shkollore apo pak para shkollore ku për disa anomali refraktare, apo për disa dioptri veç është pak moshë e shtyer”, ka deklaruar Kubati.

Ndiqeni emisionin e plotë:

Kujtojmë se Doktor Plus këtë sezonë ka filluar një mision të ri për të ndihmuar ata që kanë nevojë.

Bashkë me sponsorët, miqtë tanë doktorë dhe specialist të shëndetësisë e me disa klinika private do të ofrojmë një numër të madh të trajtimeve falas për qytetarët.

Vlen të theksohet se prioritet të veçantë në ofrimin e shërbimeve falas do të kenë:

Familjet me asistencë sociale;

Familjarët e dëshmorëve dhe veteranët;

Fëmijët pa përkujdesje prindërore;

Të moshuarit që nuk kanë përkujdesje familjare;./Gazeta Infokus/

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

fokus