Një “problem teknik” ka bërë që i gjithë sistemi i prokurimit publik në Kosovë të bllokohet, duke u ndaluar të gjitha aktivitetet e prokurimit.

Mosfunskionimi i faqeve të vetme ku publikohen tenderët shtetërorë e kryhen pothuajse të gjitha procedurat e prokurimit, nisi qysh dje siç raportoi, Gazeta Infokus dhe po vazhdon edhe sot.

Të martën Infokusi kishte kërkuar sqarim nga Komisioni Rregullativ i Prokurimit Publik (KRPP) në lidhje me platformën online e-prokurimi dhe faqen zyrtare të KRRP-së të cilat nuk ishin funksionale, por të njëjtit nuk kishin kthyer përgjigje derisa kishin bërë një reagim publik.

Ky njoftim nga KRRP-ja u bë për operatorët ekonomike dhe autoritet kontraktuese duke bërë me dije se “problemi teknik” do të rregullohej dhe se për të gjitha ato aktivitete të prokurimit të cilat nuk kanë përfunduar ose nuk kanë nisur me datën 4 për shkak të mosfunksionimit të faqes do tu zgjatej afati kohor.

“Prandaj, në pajtim me RROUP, paragrafi 33.14, KRPP do të ndërmarrë veprimet teknike në sistemin e prokurimit elektronik – duke bërë ndalimin e hapjeve të ofertave për të gjitha aktivitetet e prokurimit me datë të hapjes 04/03/2025 dhe do të obligojë të gjitha AK-të që të veprojnë në pajtim me RROUP, paragrafi 33.14 dhe nënparagrafët përkatës për të bërë zgjatjen e afateve për dorëzimin e ofertave/aplikacioneve për të gjitha aktivitetet e prokurimit me datë të hapjes 04/03/2025”, thuhet në njoftimin e tyre.

E– prokurimi dhe KRPP-ja vazhdojnë të mos jenë funksionale edhe sot me datën 5 mars.

Çuditërisht duket se KRPP-ja nuk është në dijeni se jashtë funksionit e ka edhe ëeb faqen e saj zyrtare, derisa njoftimin e ka bërë vetëm për ‘e-prokurimim’.

E këtë e dëshmon edhe reagimi i tyre ku thuhet se për rregullimin e këtij problemi teknik qytetarët do të njoftohen përmes faqes së tyre zyrtare “krpp.rks-gov.net “, e cila po ashtu është jashtë funskionit.

“Gjithashtu, në varësi të zgjatjes së problemit teknik, do të merret vendim edhe për zgjatjen e afateve kohore që kanë të bëjnë me kërkesa për rishqyrtim, ankesa apo çfarëdo veprimi të ndër lidhur me afate kohore të caktuara. Lidhur me rregullimin e problemit teknik dhe veprimet që do të ndërmerren, KRPP do të mbajë të informuar të gjithë OE, AK-të dhe palët e interesuara në ëeb faqen e KRPP-së, krpp.rks-gov.net si dhe në rrjetet sociale, Facebook, “Komisioni Rregullativ i Prokurimit Publik””, thuhet në njoftimin e KRPP-së.

Njoftimi i plotë:

BKT Kosova vlerësohet për herë të katërt "Banka e Vitit 2024 në Kosovë" nga The Banker

Sponsoruar