Fokus

“Emrin e saj e mbaj me krenari”, Sala Jashari flet për gjyshen heroinë që dha jetën në përballjen e ashpër me ushtarët serbë me 7 mars 1999

Autori: Gazeta inFokus 18:36 | 07 March 2025

Sala Jashari, 25 vjeçarja nga Prekazi i Skenderajt, tashmë deputete e zgjedhur në zgjedhjet e 9 shkurtit nga radhët e PDK-së, ka treguar për gjyshen herionë që ka dhënë jetën në përballjen e ashpër me ushtarët serbë me 7 mars 1999, shkruan Gazeta Infokus.

Ajo në një intervistë të fundit për emisionin “Gratë n’Fokus” me Meme Smajli, ka theksuar rëndësinë e familjes Jashari në historinë e Kosovës dhe kontributin e saj të jashtëzakonshëm në luftën për liri.

Gjithashtu Sala Jashari, ka shpjeguar se familja e saj është njohur si një familje patriotike, e cila ka luajtur një rol të rëndësishëm në themelimin e Ushtrisë Çlirimtare të Kosovës.

-Advertisement-

“Të mbashë emrin e një herione si Sala Jashari gjyshes time, me të vërtetë është një përgjegjësi, por mbi të gjitha është një krenari e jashtëzakonshme. Një arsye që ka ndikuar shumë në formimin e personalitetit tim deri tash”, ka thënë Jashari.

Jashari shtoi se njihen si familje patriotike dhe që ka dhënë një kontribut në historinë e Kosovës.

“Familja jonë vazhdimisht ka qenë e lidhur ngushtë me Ushtrinë Çlirimtare të Kosovës, për vetë faktin që në familjen tonë kemi dy Gjeneral , Sahit Jashari dhe Musa Jashari, janë dy djemt e Sala dhe Hamit Jashari dhe ata kanë qenë në fillimin dhe themelimin e UÇK-së”, u shpreh ajo.

Subscribe në YouTube: GAZETA INFOKUSI
Çka do të thotë të gatuash shqip?
-Advertisement-

Të tjera

Fokusi

fokus