Një ndërhyrje e rëndë dhe e paprecedentë në procesin zgjedhor kishte tronditur Komisionin Qndror të Zgjedhjeve më 6 shkurt, shkruan Gazzeta Infokus,

Infokus kishte raportuar se ambasadori i Kosovës në Kroaci, Martin Berishaj, kishte vepruar jashtë cdo procedure zyrtare duke marrë vetë të gjitha zarfet me fletëvotime nga posta dhe duke i dërguar në ambasade.

Sipas raportimit të Demokracia.com thuhet se këto zarfe nuk do të numërohen pasi që ato janë tërhequr pa filluar procedurat.

“Tërheqja e këtyre zarfe jashtë çdo procedure dhe ato nuk do të numërohen”, ka thënë ky burim për Demokracia.

Janë 30 zarfe me vota dhe dyshohet se ambasadori i Kosovës në Kroaci, Martin Berishaj, është i përfshirë në transportimin e kundërligjshëm të tyre.

Infokus për këtë gjë kishte rapotuar me 6 shkurt, pak ditë para zgjedhjeve.

Skandal: Martin Berishaj i merr zarfat me vota nga posta dhe i dërgon në ambasadë

Në një takim online të organizuar nga Komisioni Qendror i Zgjedhjeve (KQZ) me përfaqësuesit diplomatikë të Kosovës në botë, vetë ambasadori Berishaj ka konfirmuar hapur se ka ndërhyrë në procesin e administrimit të votave të diasporës.

Pas këtij skandali, KQZ kishte mbajtur mbledhje, por kryetari i këtij institucioni nuk kishte qenë në gjendje të tregonte se çka kishte ndodhur

“Zyrtarisht ende nuk dimë asgjë. Kemi dëgjuar edhe prej mediave, ka edhe fjalë nga KQZ-ja, por zyrtarisht ende nuk e dimë çfarë ka ndodhur. Mbeten të vërtetohen në fazat e mëvonshme”, kishte thënë Kreshnik Radoniqi kur u pyet nga gazetarët me të përfunduar mbledhja e KQZ-së më 7 shkurt.

Radoniqi kishte treguar se bëhet fjalè për 30 vota

Procedurat e KQZ-së lejojnë tërheqjen e fletëvotimeve nga postat vetëm pasi që të njoftohen vëzhguesit e akredituar.

Kjo procedurë nuk është ndjekur nga ambasada e Kosovës në Zagreb.

Ndërkaq me 6 shkurt, Prokuroria Themelore në Prishtinë ka njoftuar se ka filluar hetimet pas raportimeve se ambasadori i Kosovës në Kroaci, Martin Berishaj, i ka marrë zarfet me fletëvotime nga kutia postare në Zagreb dhe i ka dërguar në ambasadën atje.

Prokuroria thotë se do të hetohet nëse ka elemente të ndonjë vepre penalr që ndërlidhet me procesin e zgjedhjeve, më qëllimin që të ruhet procesi.

“Prokuroria Themelore në Prishtinë, njofton se në vazhdën e aktiviteteve për ruajtjen dhe mbarëvajtjen e procesit zgjedhor, pas raportimeve për keqpërdorimet e mundshme të Ambasadorit M.B. rreth procedurës së transportimit të votave të qytetarëve të Republikës së Kosovës në diasporë, ka filluar ndërmarrjen e veprimeve të nevojshme hetimore nëse në raportimet në fjalë përmbushen elementet e ndonjë vepre penale që ndërlidhet me procesin e zgjedhjeve, me qëllim të ruajtjes së këtij procesi.”

Konfirmohet raportimi i Infokusit – Martin Berishaj mori votat pa praninë e vëzhguesve, KQZ pritet t’i anulojë

Oferta speciale deri në 70% dhe ekstra zbritje në dyshekët Comodita

Sponsoruar