Lajme

Këshilltarët e lartë të Biden vijnë mysafirë te presidentja Osmani

Autori: Gazeta inFokus 06:46 | 18 March 2022

Zyra e Presidencës ka njoftuar se sot nga ora 15:00 një delegacion i Shtëpisë së Bardhë do të vijë në Kosovë, ku do të priten nga presidentja Vjosa Osmani.

“Në orën 15:00, Presidentja e Republikës së Kosovës, Vjosa Osmani Sadriu pret në takim një delegacion nga Shtëpia e Bardhë”, thuhet në njoftimin e Presidencës.

Mësohet se zyrtarët amerikanë që do të jenë pjesë e delegacionit të Shtëpisë së Bardhë e që do të priten nga Presidentja Osmani janë:

-Advertisement-

Elizabeth Sherwood-Randall- asistente e Presidentit të ShBA-së për Siguri Kombëtare;

Curtis Reid- Drejtor i Lartë për Çështje Multilaterale në kuadër të Këshillit të Sigurisë Kombëtare;

Hillary Hurd– Këshilltare e Lartë në Këshillin për Siguri Kombëtare;

Holly Holzer- Koordinatore e Departamentit të Shtetit për Përpjekjet e Zhvendosjes nga Afganistani (CARE).

Ky delegacion do të shoqërohet edhe nga Ambasadori i ShBA-së, Jeffrey Hovenier.

Presidenca nuk ka dhënë sqarime lidhur me natyrën dhe arsyet e kësaj vizite.

Subscribe në YouTube: GAZETA INFOKUSI
Etiketa:
Studio MASTER në UNI, Merr Diplomë dhe lejeqëndrim t’përhershëm në GJERMANI

Të tjera

Fokusi

lajme